السلام عليكم ورحمة الله وبركاته
اللهم صل على محمد وآل محمد
عذروني امس مانشرت ظروف اريد البارت مليان تعليقات بين الفقرات كون هيج يسعدني التفاعل 😍
تنويه......
حبيبات الي ماتتقبل نصيحة من لسان بطلة لا تقراها النصيحة وتظل تتفلسف من يمها وادافع عن وجهة نظرها احنه مجاي نفرض عليكم وجهات نظرنه احنه ننصح والي يفيده ياخذ فأذا مايعجبج لا تقرين النصيحة ولا تتجاوزين مثل قصة ثلاث نجمات عشك دخلت وحدة طول الرواية بس تتجاوز وتهزء بيه وبالبطلة بس لانها نصحت بالعباية
اذا انتي مقتنعة بوجهة نظرج لا تفرضيها واحنه مافارضين عليج شي احنه ننصح الي يتقبل النصيحة على الراس والمايتقبل مانجبره 🙂 صار معلووم وصلة الفكرة
استمتعو.....
البارت ال41.....
رواية ابناء السادة(هبةُ السيد)
بقلمي اساور التميمي......
ريتال......
رحت باب الهول وبتول وراي....
سعيد:بوسي عمج بابا عايش جفاف صارله فترة
ياقوت:احبك عموو...وشبعته بوس...
نعيم يضحك: هاي الحب التمام مليان بوسات مليان...
سعيد يضحك عليه يكول لياقوت بوسي بعد اكثر بابا عمج صاير صحراء ومليانة رمل...نعيم يضحك
انه ضجت شكله زعل عليه..رحنه للبيت طول الطريق ساكت..هاي طبيعته مرات من يسوق يسكت..يمكن حتى ينتبه لطريقه بس حسيته زعل...
رجعنه للبيت واول ماطبينه..شاف امه بوجهه..كال حجية البشارة راح يصير عندج تفل جديد...
عمتي بفرحة:يمه ائرف كلي مهمد..وتقلد على امك ولك نئيم
نعيم:نشاقيج حجية..باوعلي..ماشاء الله الكل يعرف الا انه هسة يطلعون ناجي ورمح وعكاب يعرفون كبلي
ظليت آكل اظافري:يبووو لا مايعرفون ومحمد يعرف من هبة يمكن
نعيم باوعلي بنص عين:خوش من تلزمج الولادة همين لا تكليلي..امي ومحمد وسعيد ومرته يرحون وياج
عمتي:يمه لا تكبرها شني يئني واذا عرفو كبلك..الك هو قابل محمد راح ياخذه
نعيم:نفداه انه وهو مو ياخذه بس..بس يمه كايلة للكل الا انه..ماحب اكون اخر الحسبات...
عافنه وراح..عمتي تكول ميخالف يمه كولي الحمدلله بالكوة هادئ امس اليوم اشوفه فرحان بأبنه...
سكتت ماجاوبت بس نعيم شكله زاد حفنة الزعل..اضوووج من يزعل ومن يزعلني...نزعت عبايتي ادور البنات وين...
هبة اجت فتحت ايديها: فدووة ريتوو اشتاقيتلج..حظنتها سلمت عليها سلام حاااار هم انه اشتاقيتلها...
أنت تقرأ
ابناء السادة(هبةُ السيد)
Romansaقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
