السلام عليكم ورحمة الله وبركاته اللهم صل على محمد وآل محمد
البارت ال26.....
رواية ابناء السادة(هبةُ السيد)
بقلمي اساور التميمي......
ان رأيت مركباً يطفو ضائعاً ولا يعرف اين يرسو...هذا مركبي...💔
ريتال....
اسمع صوت الصريخ ثقب ذاني والرعب الي رجف بدني ماكو كلام يوصفه...اشوف آيات تركض وتصرخ ابوي ورضا مختنك وماكو نفس ولا حركة....
ظليت املخ نفسي بلا شعور وصوتي راح من الصريخ والنار أكلت البيت كله تقريباً.ماحسيت غير النار شاعلة بيه انه صرخات الرعب تحولت لصريخ ألم...
تحرك نار الدنيا هيج جااا نار الآخرة شتسوي..ظليت اناجي ربي بألم ينقذني ابجي مدري اصرخ صوتي راح
سيد نعيم عبر عليه وشافني النار بيه بس مانقذني ابداً ولا ساعدني..صحت عليه طفيني فدوة تحرك النار توجع راح امووت ماهتملي ولا عبرني متت اكثر من لسعة النار القاتلة
فزيت من نومي مرعوبة رعب مو شلون ماجان بعده الكابوس بيه ظليت اتلفت جسمي كله يوجعني ويرجف ولسعة النار بالحلم بعدها بيه
كمت ابجي بصوت من الحلم المرعب كلبي ما مرتاح من هالحلم..فاطمة كامت من نومها شافتني ابجي...
فاطمة:اسم الله الرحمن شبيج تبجين عمري
ريتال ببجي:جنت احترك احتركت ومحد طفاني..انه شعلت النار بنفسي..شسويت بنفسي صلاتي كل يوم استهزء بيها..انه شعلت النار بيه صلاتي...
كمت بلهفة والرعب والخوف بعده بيه من نار جهنم هيج تحركني وربي يعاقبني على صلاتي..لبست الشال طلعت اتوضئ واتوجه لربي استغفره
رحت توضيت صليت صلاة الفجر وانه دموعي بخدي انطيت وعد لربي ماخلفه ابده راح اهتم بصلاتي وماتركها ابد ولا استهزء بيها ولا اخرها عن وقتها
ختمت دعائي دعيت لأمي بالرحمة وانه ابجي دعيت الله يوفق هالعائلة الي فتحو بيتهم اليه دعيت لسيد نعيم يسلمه ربي ويحفظه
مدري ليش استحيت من ربي اطلب منه السيد نعيم..خليت مطلبي بكلبي وهو يعلم مافي القلوب...من رفعت ايدي للسما نزلتها من اجه ابالي اطلب السيد من الله استحيت والله استحيت من ربي وانه ماسويت شي يقربني اله
نسيت رحمته الواسعة بعباده وعطاءه وكرمه الواسع..ختمت الدعاء بالصلاة على محمد وآل محمد على فطرتي...
فاطمة رجعت نامت بس آيات ماكو رضا نايم همين لأن البارحة كعد ويانه بعدين الفجر رجع نام...
رجعت للفراش انام ماكدرت اتذكرت امي واهلي شكد صعبة الموقف البي انه..شلون شردت من اهلي كمت ابجي بسكوت اريد امي
أنت تقرأ
ابناء السادة(هبةُ السيد)
Lãng mạnقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
