ابناء السادة(هبةُ السيد)

البارت الثامن

السلام عليكم ورحمة الله وبركاته

البارت الثامن...
رواية ابناء السادة....(هبةُ السيد)
بقلمي اساور التميمي.....

هبة....

كاعد على طرف السرير..وكفت كباله شوي بعيد..كتله نعم تفضل اسمعك...

محمد:يابه هبة لازم نحط النقط على الحروف..مو حلوة نظل هيج..سكت شوي...

توترت:شنو يعني مافهمت

محمد:حياتج وياي وكلمن بصوب..اقصد حريتج من حقج تعيشين حياتج بشكل افضل من هالحياة

باوعتله مافاهمة خفت وبصوتي بين الخوف:بس انته كلت تنتظرني اكبر انته كد كلمتك سيد

محمد تنهد:لااا يابه فهمتي شي ثاني..هبة اقصد اريد افصلج عني ماراح اقيدج بهالزواج اكثر

تفاجئت بكلامه ضجت اكثر:ليش سيد شنو بدر مني..بس انه تعودت الحياة هنا وتعودت وجودي بالغرفة هاي....سكتت ماعرف شكول...

محمد:يابه افضل لثنينه انتي بعدج طفلة وكدامج المستقبل..ماريد ادفن شبابج وياي وانتي شكلج مجبورة عالزواج

رجفت شفايفي:يعني راح ارجع لاهلي مطلكه وانه بهالعمر..انه صح ماردت الزواج بس مو هيج ارجع بعد شهرين من زواجي

محمد كام وكف بوجهي حط ايدينه على جتافاتي:هبة انتي مجبورة عالزواج..انه ماطخيتج ولا راح اسويها مستحيل اقيس طولي ويه طفلة بعمر بنتي..اتخيل بنيتي تصير بموقفج ولو شيصير ماخلي بنيتي بهالموقف وازوجها بهالعمر...تعرفين العقد يكون باطل بالأجبار هبة وانتي مبينة مجبورة عليه اهلج قنعوج واهلي ماقصرو اذنبو هالذنب ماكلولي عمرج ولا شفتج وهاي غلطي انه..لو شايفج واعرف عمرج فلا اتمم هالزواج..ردت مرة توازيني بالعمر

لزمت دموعي بداخلي اريد الخلاص من هالزواج اريد اهلي وبيتنه..اريد مدرستني لأني ماحاسة بالأمان بأي لحظة ممكن يتغير تفكير السيد ويعتبرني زوجته جسدياً وشنو مصيري غير الحمل والاطفال مثل ماتكول زينب وراح انحرم من مدرستي اول وتالي...

هزيت راسي بتفهم:انه حاظرة شتريد تسوي عادي مو مشكلة..حتى لو تقرر تغير رأيك وتمم زواجك مني ماراح اكدر اعترض

محمد:يابه كتلج مستحيل اقيس طولي ويه بنية بكد بنيتي..من ليلة الشفتج وعرفت عمرج..وانه عادج مثل آيات..ولا يوم فكرت اتمم هالزواج واربطج بيه..اذا تبقين وياي ماراح تكدرين تكملين مدرسة ولا الج مستقبل تحلمين بي وراح تكونين زوجة عليها حقوق واجبات وجهال وتكبرين قبل عمرج..من حقج تعيشين عمرج وزهورة شبابج

انقهرت راج ارجع مطلكه وخفت من اهلي شراح يكولون والناس شنو راح تحجي بس كلت كلشي مو مهم..انه رايدة هالشي بداخلي اريد اخلص من هالزواج الي انجبرت عليه...