السلام عليكم اللهم صل على محمد وآل محمد وعجل فرجهم
البارت ال27.....
رواية ابناء السادة(هبةُ السيد)
بقلمي اساور التميمي......
اريد بس احجي واكلك انه احبك شبيه واتردد شجاني وما اكلك....
هبة.....
الصبح كعدنه بعد الفجر حظرت ملابسه..اراقبه يبدل كتله اروح بيت اهلي اشوف تاخذني...
محمد اشر على عيونه:من هالعين قبل هالعين..بدلي بسرعة اخذج الهم
هبة:تسلم عيونك عمري..رحت بدلت بسرعة لبست عبايتي..عيوني بس تراقبه..احبه حيل احبه محد يشبهه..طيبته واخلاقه...
صبحنه على عمتي طلعنه من البيت..مشينه لبيت ابوي اباوعله..التفت اليه ابتسم...
محمد:وجهي مو الطريق هبة انتبهي لا اطيحين
هبة حطيت ايدي على حلكي كتمت ضحكتي بالشارع:بلا انته طريقي وحياتي كلها..شكد احبك
محمد:ههههههه احنه بالشارع هبة..ترا اغير رأيي ارجعج للبيت انه وياج مانطلع
هبة:هههه لا بس خلي اشوف ابوي عالأقل
محمد خزرني:صوتج هبة
هبة:يمه عصب حتى بخزرته يموت
محمد:منو انتي متأكدة هبة...
كتمت صوتي وضحكتي..وصلني للباب دكاه..همستله بوسه خفية لعيونك سيد...
محمد ابتسم:دوستت دارم..لا تنسين باجر عندج مراجعة طبيب يابه...
ابتسمت لكلمة دوست دارم صرت اعرفها يعني احبج فديته شلون مهتم وحافظ مراجعاتي للطبيب...سوالي سلام وراح...
فتحلي الباب فاروق سلمت عليه بوسته بخده..بس وخرت عنه شفت صالح..كرهت نفسي من نظراته عليه...
صالح:شلونج هبة
هبة تجاهلت سلامه همست لفاروق:شيسوي هالعار هنا من الصبح
فاروق همسلي:اششش سكتي..صارله فترة يتلوك ابوي
هبة:الله يستر منه..احم رايحة داخل
صالح:مو اسلم عليج شنو ما موجود كدامج..لو زوجج خاف تنجرح مشاعره لو سلمتي عليه
فاروق:صالح اتقي الشر احسن الك عوفها بحالها..خليني محترمك
صالح:شكلت انته الثاني..الزمن ورانه هبة تندمين تالي على ابن عمج..هذا السيد مو احسن مني
فاروق:انته ماتستحي طاح حظك مو ازوجت وراحت..مو صوجك صوج الي انطاك مجال ولفاك هنا
صالح:اهدأ شبيك انكلبت..الله يسعدها ويه زوجها..عله صوته بآخر كلمة...
انه دخلت جوى ما اعرته انتباه..رحت لأمي سلمت عليها وعلى ابوي..عصبت كتلهم نسيتو شسوه بينه صالح شنو جاي هنا...
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
