السلام عليكم
ولكم كلبي محترك على هبة وكاسرة خاطري 💔😭
فوك ما تعبانة قهر هبة..محتاجة دعاءكم حبايب ماكدر اتحرك كلش ☹💔
البارت ال17...
رواية ابناء السادة....(هبةُ السيد)
بقلمي اساور التميمي.....
تركت ايدج بس كلبي توزع اجزاء...💔
بيت السادة....
الولد جاي يشاقون ويضحكون بالديوان..غيث ماخذ نظارة قاسم وضامها وعنده دراسة..نايم فوكه يخنك بي ويكله وين النظارة...
غيث يضحك:تبرعت بيها لفقير..سويلك عوينات جديدة
قاسم:وين النظارة لا ادفنك باب الديوان واكتب عليه اكبر ابو بريص الله يرحمه كلمن يفوت يحط نعاله بصفه
غيث:هههههههههه مادري بيها..شفتك نايم وحاطه بصفك كلت فرصة انتقم منك على فتنك عليه..انطيتها لأبن خالي مرتضى
قاسم:ولك معفن طول حياتك حاروكة وتحرك بيه..جر خشمه قوي..وين النظارة غويث اخر تحذير الا ازين شاربك..زيد المكص
غيث:شكدك غير ازين شعرك و........... وشعر بيطانك وياهن..لأن انته ماتخلي شوارب ولا لحية
زيد جاب المكص:عليك العباس طبر لحيته خليه يملطها ملط
نعيم:يارب ياحبيبي شوية عقل لناجي ورمح وعكاب..وانته غويث وين ماخذ نظارته طلعها لا اطلع روحك بالعكال
قاسم:عمي اريد ادرس..سكت من شاف ابوه صافن..اشر لعمه نعيم..الحبيب شبي صافن
نعيم:جاي يفكر شلون يعقلك وانته بطوله صرت..وانته مو ماتشوف شلون لاحظته صافن
قاسم:عمي ماشوف الكتابة مو الصور والي حواليه..ابوي شبي ابد مو طبيعي خاف رجع ابو خالتي نور يضغط عليه يرجعها
نعيم:لا ما اعتقد..شيردون بعد بتهم ماسلكت عد زوجها..حتى اخوك خل يكبر شوي يجيبه عنده ان شاء الله..وانته شوكت عيونك تصير زينة
قاسم:مايصيرن زينات راح ابقه عالنظارة..ابوي ماعاجبني..احسه ينقهر لأن رضا بعيد عنه من يجي ويروح يضوج يعتزل هيج
غيث:خاف عشك مرته بعد ماطلكها هههههههه يسويها البخت يطلع عاشكها
قاسم:انطمر انته..ضربه بطنه قوي..لو عاشكها ليش يطلكها..ابوي البي اكبر من عشك خالة نور..خاف حن للأزغر منها
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
