السلام عليكم
اعذروني للتأخير تعبانة حالتي ومنتظرة الفرج😔 وشكراً لكل شخص اندعالي فديته ان شاء الله مانساكم بالدعاء بشدتي
تفاعلووو لا تنسون تعبي☹
البارت ال18...
رواية ابناء السادة....(هبةُ السيد)
بقلمي اساور التميمي.....
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه....
منقوول......
هبة........
فتح الباب وطاح ضرب بصالح..برررد كلبي بي..كلت حيييل كون يكسره..ماهماني شصار..نزلت ركض للبيت ماباوعت وراي ابد...
ابجي بصوت واعثر بخطاي..امي ظلت تلطم من شافتني جانت بالباب يمكن فاروق رايح بيت عمي ومالاكيني ومتصل بصالح مايرد وخايفين عليه...
حظنت امي بكل قوتي ابجي بصوت واحظنها اقوى..وهي تسأل شصارلج هبة شسوالج صالح..استمريت ابجي....
ظلت تكرر السؤال عليه..اسمع اصوات الصياح بره فاروق وصالح...يكله انته ماتستاهل ظفر هبة...ابجي بكل قوتي واتمنه يخلصوني منه...
كتيت الاكو والماكو من كلبي كلهن كلتهن لأمي شسوه وشكال وين وداني..اكلها ببجي وقهر صالح سحر ابوي هو الي مرضه هو اعترف بنفسه...
امي لطمت وجهها قوي:عزااا العزاك صالح..حسبي الله ونعم الوكيل..شسوالج هبة لمسج يمه هبة
اهز راسي ببجي:لا مالمسني والله ماسوالي شي بس خوفني..رعبني يمه...
سكتت عن الكلام احظن بأمي قوي ما مصدكه رجعت يمها وماسوالي شي..ابجي بحركة كلبي الموقف صعب جان عليه...
مو تخويف الا ترويع متت رعبة..بلحظة جنت اشوف براءتي الي ماعرف موجودة لو لا شفتها راح تنسلب مني ومنو صالح الاكرهه...
كلشي ما فرزن من الحجي..صارت هوسة بره..فاروق مكسر صالح..لأن رايح بيت عمي وماشايفة ولا شافني وانجن جنونه...
ابويه مابي يكوم طريح الفراش..مارحت يمه حتى لا يخترع على وضعي..امي تبجي من القهر عليه جابتلي ثوب غير العلية لأن مشكوك...
وكل شوي خطية تسألني شسوالج هبة متأكدة ماسوالج شي..اهز راسي بلا بس ماكدر احجي بعد..مادري شصار بعد..مدري شبيه حطيت راسي عالمخده ونمت كبل وحاظنة نفسي قوي..جسمي بعد يكزبر من السالفة...
أنت تقرأ
ابناء السادة(هبةُ السيد)
Romansaقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
