ابناء السادة(هبةُ السيد)

البارت 16

السلام عليكم

يابه سالفة الصبه الحجه بيها غيث بنات يكولون اكو مقطع هيج ماشايفته انه بس البنات شايفاته خاف تكولون ماخذته منه 😂 ترا سوالف بيت السادة من آيو واكو بعد ثلاثة يسولفون الي بالديوان 😉

بالنسبة للنشر حبايب ليش تظنون انه اتعمد مانشر واتأخر واشلع كلبكم ترا والله ظروفي هيج والزهراء ما تأنه واتبطر عليكم ربي يشهد كوة امشي وحمل وتعب وبأي لحظة ممكن ادخل ردهة الولادة واكتب ما عوفكم بس مرات ظروفي تمنعني  مو رغبة مني هسة صار 4 ايام كهرباء ماكو عدل وحرنه بالبصرة رطب بلا اوكسجين ياهو اله خلك يكتب بس اكعد اكتب والله حتى ماعوفكم وملتزمة وياكم بين يوم ويوم وحتى لو اخلفت يوم جاي اطول البارت

البارت ال16...
رواية ابناء السادة....(هبةُ السيد)
بقلمي اساور التميمي.....

هااا يليلي وشبدينه والنحبه امفاركينه.....💔

هبة.......

خلصت حساب الباكات..كعدت بالكرفس..تنهدت ماكو السيد كلت ماعتقد يجي...مددت روحي بالكرفس حتى حجابي رخيته ضجت منه كلت محد اكو هنا...

نايمة جني بزونة بالكرفس واباوع للسمه...فزعت من مكاني على صوت سلام عليكم...

كمت بسرعة عدلت حجابي رديت السلام لبست عبايتي...اشوف السيد وياه اخوه نعيم سلمو..متت خجل وجهي شعل نار من الفشلة شلون نايمة بالكرفس...

نعيم بأبتسامة:ياهلا بهبة..يابه شلونج بالمبارك نجاحج دكتورتنا..سمعنا بس ما باركنالج التوفيق ان شاء الله

خجلت دنكت:الله يبارك بأعمالك سيد والك التوفيق بحياتك..ماقصرت ان شاء الله

محمد:اي بالمبارك بويه..ان شاء الله يوم التخرج..عفية عليج مفخرة اهلج..وتعب الرباج

اختنك صوتي من احاجي:الله يبارك بحياتك سيد..ربي يحفظ اولادك وتفتخر بيهم بصلاحهم وطيبهم

نعيم:عرفت هبة سباعية وراح تجيبها..الا وين عمي ابو جمعة

اشرت لبعيد:ابويه راح مناك كال راح يزبر نخلة ويجي مدري يشلع منها سعفات

نعيم:خوش والله اليوم ام محمد تفرح بالسعفات..من رخصتج هبة..سلام...

راحو مشو لهناك...اباوع لكفاهم..ليش ماحصل من السيد محمد بس كفاه..شفته مالابس بشت بس دشداشة وشماغ وعكال...

من راحو ظليت الطم راسي من الفشلة..وارزل نفسي وثول ومرض هبة شلون ماخذه راحتج لتكول بيتكم نايمة بالكرفس جنج راكون طاح بأكله المفضل لمدة سنتين....