السلام عليكم اللهم صل على محمد وآل محمد
البارت ال31.....
رواية ابناء السادة(هبةُ السيد)
بقلمي اساور التميمي......
لا تلوم عيوني اذا صفنت عليك كلشي بيه يدوخ مو بس عيني انه من حظن امي لأحظانك اجيت يعني بالجنة اخلص سنيني......
ريتال.....
كلام سراج يدور براسي والقهر تمكن مني..كتله بدموع وعصبية:كافي تجذب على نفسك وعليهم..انه مو مرتك وحدة غريبة منومها بغرفتك..كلهم الحقيقة...
ارد اكمل اجاني نعيم بغضب:انتي شتهذين ياحماره..انتي مرتي..ماكمل كلامه..حسيت بحرارة وقوة الطراك على وجهي شعل نااار....
محمد كال بصياح نعييييم ايدك..مو بالضرب
نعيم بغضب:انتي وين مضيعة عقلج وين حاطته
عمتي لزمتني حظنتني:نعيم ماعلمتك تمد ايدك على مرة يمه
محمد لزم نعيم حتى لا يرجع يضربني:اهدأ نعيم احاجيك
نعيم سوه نفسه هادئ:محمد اتركني ماكو شي ماراح اعصب..خلص اتركني
محمد تركه:شنو الي تكوله نعيم انه ماشك بيك..وضحلي شنو الي تكوله ريتال..شنو الي يخليها تكول هيج
نعيم:محمد افديك بروحي مادامك واثق بيه وماتشك..لا تسألني..وهي غبية وطفلة ماتصدك عقدنا..ماكو شي وماصار شي
ام محمد:ئزااا بئينك نئيم وتجي تئالج بالضرب
محمد:ماصار شي..هو ومرته يتصافون يمه..ماراح تضربها مو هيج...كال هيج وهو عاقد حواجبه...
نعيم اشر عليه:خليج ممنونة من محمد نقذج والله وبالله..لزم ايدي سحبني من عمتي وانه ابجي بالصامت...
ام محمد:ماخليك تاخذها اهدأ وبئدين هاجيها..هي زغيرة يمه وماتعرف شنو تهجي
نعيم:والعقل وين شنو موقعه بجمجتها..لو بس جوزة براسها...يمه تركيها اريد احاجيها بس
محمد:تركيها يمه....
تركتني عمتي..سحبني من ايدي ظليت ابجي بصوت..اخاف يضربني عافوني...استنجدت بعمتي سكتني سوالي اششش...يجرني من ايدي للغرفة دخلني وسد الباب بعصبية...
نعيم بغضب:والله بيج كتله..يالله بس مو رجال الي يمد ايده على مره ولا يرضي الله..بس انتي تخلين الواحد يطلع من دينه بغباءج..شنو الي كلتي الهم انتي شنو وشلون تفكرين..شعلتي النار طفيها..برديني غردي لا اتصرف وياج غير تصرف
ببجي مسحت دموعي:ماجذبت انه مو مرتك انه هذا العقد ماصدكه
نعيم بغضب هزاني من ايدي قوي:كلت برديني مو شمري نار عليه
اريد اسحب ايدي منه:ماريد اذيك مارييد انه اعرف هاي العقد مو صحيح
نعيم سحبني اله كلش:شلون بالله مو صحيح..عقدت عليج غيابي لوما انتي حاظرة العقد وسألج السيد..من طلعتي من بيت اهلج نسيتي دماغج هناك..تردين اثبتلج انتي مرتي
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
