اعذروني عالتقصير بس والله ظروفي وصحتي مو تمام والتهائي بالعزاء وشكراً لكل شخص عزاني ردت اوكف الرواية مؤقتاً بس لازم اخلصها ماريد اخليكم معلكين جاية المدارس ولخة تصير
بارت السابق هواي ناقص هوااااي بعد كومة سوالف الولد كله راح ويه البارت بجهازي العطلان وبعد قفلة هبة بس لأن رجعت كتبته شون ماجان صار قليل احداث
البارت ال23..... رواية ابناء السادة(هبةُ السيد) بقلمي اساور التميمي......
خُضت نزالاً مع الأيام لأجل لحظة فرحٍ...كنتُ اتمناها ولا اراها سوى في احلامي...هزمتني تلك الأيام خرجت من النزال بكسور بالغة.... وليس هناك كسرة اكبر من كسرة الأهل في ابناءهم...💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبة.......
محمد خذه رضا وطلع..ساعدت خديجة..ايو نايمة هي وفاطمة من تعب الزيارة يمكن..والولد ماشفتهم همين تعبانين يمكن...
خلص اليوم وافكر بسالفة الحمل..ومنا محمد مريض فلاونزة قوية صارت بالليل ظل بس يكح بالرغم هو مو مدخن ولا مدخن بحياته بس كلش تنك وصار وجهه احمر محتقن من الصخونة...
ظل بالي وياه بالرغم هو رجال قوي ومايهزه شي بس الفلاونزة قوية تهد الحيل لو اقوى انسان همين تقلل نشاطه...
بالليل همين سويتله زنجبيل وريحان..كلما اباوعله كاعد يمهم يتبسم اليه ابتسامة مليانة حب وفايضة حنية..عيونه الحلوات نظرهن عليه...ذبلانات من المرض بس حلوات غركني بأحلى عشك...
الولد بس يصنفون ويضحكون وطبعاً محمد مافك نفسه منهم بس ما حجه وياهم شي بس يبتسم ومرات يضحك على كلامهم...خوب قويسم لتكول صديقه مو ابوه حيل مطيح الميانة ويه ابوه...
غيث وزيد يسمونه الأعمى اضحك عليهم من يصنفونه هو ونظارته...هو عنده قصر نظر بس مو اعمى..هو ذكي ماشاء الله وشاطر متمكن من الانكليزية ماشاء ومتعلم فرنسية من اصدقاءه يعني حيل شي حلو...
