ابناء السادة(هبةُ السيد)

بارت ال33

السلام عليكم اللهم صل على محمد وآل محمد

اختصرت رتابة كوومة لحد يكول ليش كله روتين ونفس الحجي وملل ومابي شي جديد

البارت ال33.....
رواية ابناء السادة(هبةُ السيد)
بقلمي اساور التميمي......

ريتال...

بعد هوسة العزيمة كلها هوسة بهوسة..انه بالي يم الي طلع من المستشفى وماشايفته صار شكد...الغربة كتلتني بدون شوفته...

كاعدين بالهول كل احنه البنات...طب نعيم للهول وياه الولد..ماشفته انه الا هسة شصاير بحاله لونه اصفر وماينوصف شحوبه وتعبه..ضعفان حيل...

عيوني دمعت على حاله واشتياااق بكبر الدنيا والي بيها اله ولوجهه وصوته وضحكته وابتسامته الحلوة.....

كمت على حيلي دموعي نزلن مسحتهن..كتله الحمدلله على سلامتك...مارد عليه ولا كأنه سمعني ولا شايفني...

البنات كلهم كامو الي تبوسه من خواته وآيات وبنات سعيد...والي تتحمدله بالسلامة...كلهم رد عليهم وكلهم باوعلهم الا انه ما التفت عليه ولا حتى رد عليه...

حسيت كلبي انحفرت بي حفرة وتاه بفضاء واسع مابي هوى ولا أمل ولا روح...انكطع عنه الدم...يمكن يعرف اهلي الي وره هالسالفة وهمه الي ضروه واخوه وصديقه...

ماجد بين الحياة والموت بالمستشفى بغيبوبة..ماقابل يشيلون عنه الاجهزة رغم كايللهم الدكتور ما أله امل...بس نعيم رافض يصدك هالشي ويقتنع بي...وهسة كرهني بسببه وبسبب الصارله ولمحمد...

بسببي وبسبب اهلي صار الي صار..بلعت الهضمة كعدت ساكته ماحجيت ولا كلمة بعد...راح للغرفة يرتاح...

انكشفت اوراقنه وكل الي ضامينه..كل العائلة يعتقدون نعيم نهبني من اهلي..بسبب طريقة  زواجنه الغريب والمفاجئ والي صارله من ضرب ناري...

محمد كايله اذا صدك نعيم نحلها بهدوء بلا دم وهالحجي..نحلها عشائرياً جنت راح تموت..نعيم كايللهم مانهبت البنية انه مو رجال وشخص عار  اذا اروح انهب من بيوت الناس بنية مستورة...

كايللهم محد يدخل بحياتي وشنو الصار بيها..والي هجم علينه شخص جبان مايخاف الله ومايكدر يواجهنه غدرنه....

هذا حجي ابن سعيد سولفنه انه وهبة..سألناه وحجالنه مساع..ظليت ارجف من الخوف..بطني مغص ماهدأ ابداً مادري شراح يصير بيه وبنعيم...

اذا اهلي رادو يموت معناها يرجعون يأذونه اذا عرفو ما مات...وياويلهم اذا هو يعرف بيهم..دم ماجد مايسكت عنه حتى لو ماعنده احد..هاي روحة مو هينة...

راح اموت من القهر البيه على هالشاب الراح بسبب اهلي..امه شحالها..ابنها ميت بس الاجهزة مخليته عايش...

زين انه شنو ذنبي اذا اهلي الي تعرضولهم...كوة لازمة الدموع وانه بينهم...اذا نعيم كرهني وين اتجه بعد هو الباب الوحيد المفتوح اليه..اذا انقفل محد الي غير ربي حتى نسابتي يسلموني لأبوي وبلحظة وين اروح...