السلام عليكم
اللهم صل على محمد وآل محمد
بنياتي خواتي انه ماكلت الرجال الي يضرب مرته حقه ولا ابداً من حقه والله حرم هالشي من مد يده الى زوجته مدها الى الناررررر ولا كلت انو هو مامقصر يعني متحملها ومسوي فضل عليها ومدري شنو فهمو كلامي يابناتي انه قصدي واااااضح كلت الزينات كلها ماننكرها علمود خطأ واحد بس
دائماً من تصير زلة وحدة لا تتغاضين عن كل الزينات وتركضين وره زلة لو ثنين والزينات هواااي
والنبي كالها وروى في كتاب الايمان عن ابن عباس، ان النبي (ص) قال: ريت في النار فإذا أكثر أهلها النساء قيل أيكفرن بالله يا رسول الله؟ قال يكفرن العشير، ويكفرن الاحسان، لو أحسنت إلى إحداهن الدهر، ثم رأت منك شيئا، قالت: ما رأيت منك خيرا قط
والعشير هو الزوج اذا نكرتي افعاله الج مادخلين الجنة
عذروني عالتأخير مريت بكومة ظروف امتحانات وخطار وادرس واقوم بواجب الضيوف وانوب نت مالتنه عطل ورجع اجونه ضيوف مافرغت الا قبل يومين وماكو نت عندي
لا تنسون تعبي حبايب فرحوني بتفاعلكم تعليقات عالفقرات كلها
البارت ال53....
من رواية ابناء السادة(هبة السيد)
بقلمي اساور التميمي....
ريتال...........
باوعت:هاي مو بيت سعيد..هاي..سكتت من شفت الكراج من يجيبني للسوك هنا يحط السيارة مانتبهت شبيه فاهية...
نعيم نزل من السيارة:راح تبقين هنا
نزلت بسرعة وراه..مد ايده اليه يعني لزمي ايدي..هاي شنو عساس زعلانين واروح بيت سعيد...
ليش جايبني هنا شراح يصير شراح يسوي.....لزمت ايده..مشه ليكدام وانه وياه...
نعيم التفت اليه:اليوم الج كله شتردين وشتتمنين
فهيت:شكو نعيم مافهمت..مو عساس انروح بيت سعيد
نعيم:بعدين نروحلهم لو تردين..جبتج للسوك مو تكولين محبوسة شتردين وشنو بنفسج..الج الي تتمنينه
نبض كلبي اكثر اله رغم كل الكلته وسويته جايبني يغيرلي جو مو حتى يحاسبني على كلامي ودوستي ابطنه
اي اعترف دست بنص بطنه بس هو تحملني
هاي الرجال يخليني احبه اكثر..لو هيج الزلم لو ماتصير زلم خلي يشيلون هدومهم يروحون لكوكب الزهرة مالهم مكان هنا...
ريتال:نعييم
نعيم:نعم
ريتال همست:الله ينعم عليك..جاي تخجلني من نفسي بتصرفك..اسفة ضوجتك
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
