السلام عليكم
لا تنسون تعبي تصويت ومتابعة لحسابي وتعليقات عالفقرات اهم شي ⚘❤
البارت الثاني...
رواية ابناء السادة....(هبةُ السيد)
بقلمي اساور التميمي.....
.
.
.
.
.
.
.
.
.
.
كلمات أبي الهذيل العلاف في حقيقة العشق في الروضات...
نهج البلاغة: قال الأمام علي (عليه السلام) في خطبة 108 ومن عشق شيئاً أغشى بصره، وأمرض قلبه، فهو ينظر بعين غير صحيحة، ويسمع بأذن غير سميعة، قد خرقت الشهوات عقله، وأماتت الدنيا قلبه، وولهت عليها نفسه فهو عبد لها ولمن في يديه شئ منها....
وقال الامام علي (عليه السلام) العشق مرض ليس فيه أجر ولا عوض، وفي العشق جهد عارض، صادف قلباً فارغاً......
هبة.....
رحنه لبيت الشيخ وصلنه للباب هوسة وزلم..لحفت نص وجهي بعبايتي مالت الراس..دخلت جوى..بالرغم ماحاطه مكياج بس استحي زلم كومة...
اول مادخلت صار بوجهي منظر الحديقة الكبيرة والحلوة..يم المضيف كومة زلم...مشيت بسرعة اروح داخل...شفت سيد سراج بالباب..واكو بنات يحجون وياه...لاحظت نظره صار عليه..دنكت..بنفس اللحظة عافهم وراح...
اريد ادخل بس ظليت واكفة بباب الهول..التفتت اباوع للبيت وضخامته والدنكات العالية...حتى بيت عمتي مو هيج جبير..كلش حلو وبي حديقة جبيرة كلش...حتى المضيف مناك بعيد بباب الحوش يصير...
دخلت جوى من داخل احلى بعد بناءه..وهواي ناس هوسة..ظليت ادور امي وينها..وادور ميساء بلكي جاية...شفت خالتها بس هي ماكو...
رحتلها سلمت عليها..سألتها خالة وين ميساء كالت ماجت عندها دروس..انقهرت اكيد هي مانعتها..عفتها رحت ادور المطبخ...
لكيته والهوسة مو طبيعية شكد عدهم اهل معقولة هلكد خطار..جيران مدري اهل..وعود العروسة بعدها ماجايبيها...
شفت امي بالمطبخ حارة حالتها حالة خطية كسرت كلبي منظرها..هالجمال كله والحسن كله راح من الضيم...امي تخبل عيونها خضر وسمرا سمار يخبل بس عيونها تموت وكل معانيها حلوة...
اباوعلها بعدها مو ذاك الكبر والله بس ليش مبينة اكبر من عمرها عشرين سنة..دمعت عيوني على امي..واهلي كلهم..من ابوي وفراس الضيع نفسه لفاروق الشاب الي ترك دراسته ويشتغل بالبستان لو عمالة..وهسة يتمنه يشوف حياته شغلة مرتبة وزوجة واطفال بس هاي امنياته بعد...
احلامه بسيطة صارت..تمنيت لو عرسه اليوم..واركص ركص وافرحله من كل كلبي لأنه على نيته طيب وحباب...
عود جاية فرحانة بالعرس تعكر مزاجي..كلت اللهم لك الحمد دائماً ابداً..اللهم صل على محمد وآل محمد..لا حول ولا قوة الا بالله العلي العظيم...
أنت تقرأ
ابناء السادة(هبةُ السيد)
Romansaقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
