السلام عليكم
اللهم صل على محمد وآل محمد
اريد همة همه بالتفاعل ❤️🔥
البارت ال48....
من رواية ابناء السادة(هبة السيد)
بقلمي اساور التميمي....
ريتال........
ريتال:نعيم كلش ثكيلة انه وبطني كبرت هواي شسبب
نعيم:ماكلة خروف...غير بيها جاهل اكيد تثكلين وتكبر بطنج
ريتال:لاااا مو هيج بس بطني غير عادية كلش كلش كبرت
نعيم:مو رحتي دكتورة شكالت
ريتال:بيه ثلاث توائم
نعيم:بيج بخت اذا 3 بطن وحدة هاي رزق جبير من الله..سكتي اريد اسجل بصمة
ريتال:اذا تلاثة استعد تشتري....ماكملت سكتت
نعيم بعصبية:مو جاي اقندر كتلج سكتي..صوتج راح بالبصمة..احترك ابوج
ضجت من عصبيته عليه:ماقصدي مادري فتحت بصمة
نعيم بعصبية:مو كتلج سكتي ماتفهميها..شووووف البصمة فتحها سمع صوتج..استغفر الله
عبست:شنو ذنبي سجلت بصمة وانه احجي مادري ماتعمدت..جاي تكتبله ليش ماستمريت بالكتابة مو انه يمك..انته ماتحبني لو تحبني ماتعصب عليه...
كمت من الجرباية بعصبية وابجي...همداه لحظي حتى حب ماحصلت انه زايدة عالمجتمع اصلاً...
فتحت الكنتور ادور الجنطة ماكو...خذيت دشداشة اليه شديت رداناتها اخذت ملابسي كلهن شحط عبيتهن بالدشداشة لأن دورت الجنطة ماكو...
نعيم:وين مولية وماخذه بقجة ملابسج هيج
بعبوس:اعوفك..اروح اعيش بيت سعيد احسن الي انته ماتحبني
نعيم:لا تنسين تاخذين ادويتج يعمري..ادزلج رسايل بوقتهن خوش لان انتي تنسين وفاهية
بعصبية:ماهاااامك خوووش اذا رجعت يمك اعتب عليه
نعيم لازم ضحكته:دنيا ليل عمري نامي يم البنات لمن يصير الصبح..وخابري سعيد يجي ياخذج
خذيت بقجة هدومي على ظهري:اييي خوش مو تجي تتوسل بيه ارجعلك دير بالك.....
اسمعه انفجر يضحك جان عصبي توه...طلعت من الغرفة مفورة منه..انه وبقجة ملابسي دشداشة ومعبيتها ملابس
حطيتها وكعدت بالهول..سمعت صوت باب الهول ركض رجعت للغرفة انه والبقجة استحي يشوفوها...
نعيم:هاا اشو رجعتي انتي وصديقتج الي وياج......يقصد البقجة....
تخصرتله:لا مارجعت بس استحيت احد دخل للهول..هسة اروح...
طليت بره محد اكو..خذيت البقجة مالتي تارستها هدومي حتى ثكيلة..رحت لغرفة البنات...كتلهم اريدلي مكان يمكم الليلة...
أنت تقرأ
ابناء السادة(هبةُ السيد)
Romansقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
