السلام عليكم ورحمة الله وبركاته
البارت العاشر...
رواية ابناء السادة....(هبةُ السيد)
بقلمي اساور التميمي.....
بالبارت السابق ماذكرت بنات نسيتهم همين دوم يتفاعلون بين الفقرات 😘
user97168142
اريد اعتذر عن السحكات بالبارت السابق وكل بارت لان مالحك اراجعه اكتب وانشر ❤⚘وشي ثاني حبايب كتلكم الجمعة ما مشمولة بالكتابة😘
هبة.....
رجعت للبيت..امي همين غريبة طول اليوم تسأل عني..شلوني اخر شي سألتني هبة شنو سمعتي...آيات بت السيد شنو كلتلج...
هبة:يمه شبيج شنو اسمع شنو تكلي آيات..سامعة انتي شي..انتي غريبة..بيت السيد بيهم شي
امي تنهدت:لا مابيهم شي..اول وتالي تعرفين هبة..السيد محمد انطوه هدية مرة
ابتسمت:وليش مقهورة يمه وضايجة..يتهنه السيد يستاهل مرة معدلة تشوفه تسعده وتحبه..من حقه يتزوج شنو قابل راح يكطع نصيبه بعد ومايفكر بالزواج
امي تنهدت:ولج هبة ياكلب الشايلته يمه..من يمي احتركت وعطبت زلمتج راح بعد ماله رجعة
حطيت ايدي على ايدها:يمه صدك تحجين..ماعاد زلمتي هو رجال اجنبي ونفصلنه..انه وياه ما متناسبين وانفصلنه..الله يسعده
امي:الحمدلله على كل حال..وانتي بعد الله يسعدج يمه ويعوضج..يروح السيد يجي الأحسن من ان شاء الله
هبة:ان شاء الله..السعادة مو شرط مرتبطة برجال يمه..انه اريد سعادتي بتحقيق حلمي واصير دكتورة ان شاء الله
امي رفعت ايدها للسماء:يمه من عمري على عمرج بنيتي وينطيج على كد نيتج ويحققلج حلمج بحق الكطعو نحره وبجتله الارض والسماء..بحق الضلع المكسور والمظلومة الزهراء عليهم السلام ربي يحققلج امنيتج..اللهم صل على نبيك محمد وآله وسلم
هبة:اللهم صل على محمد وآل محمد..يارب انت اعلم بما في قلبي..ابتسمت لأمي..هاا شنو بهيجة طالعة حلوة اليوم كحل وحمرة جوزية
امي غشت وجهها بشيلتها:هههههه غيرت اليوم مايصير
ضحكت:لا لا يصير ليش مايصير..خاف ناوية تجيبين زغيرون جديد يمه....
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
