السلام عليكم
اعتذر للتأخير البارت جاهز جان بس خطار عندي مالحكت افتح واتباد💖
البارت ال15...
رواية ابناء السادة....(هبةُ السيد)
بقلمي اساور التميمي.....
كما قال امير المؤمنين عليه السلام... العشق بلاءٌ لا اجر فيه ولا عوض.....اللهم عوضاً جميلاً يالله لقلبٍ عاشقاً وينوي الحلال يالله....🔥💔
هبة......
دوم اتذكر هذيج الذكرى السيئة..اتمنه تكون مجرد تخيل..ولو صرت موقنة مو تخيل..بس اتمنه مايكون بيه شي...مجرد تخيل الفكرة ترعبني وتشل رجليني والله....
يوم طلعت النتيجة مالتي...حسيت راح يغمه عليه من شفتها...ظليت اكمز مثل طفلة كلولها اجه ابوج وهي فاقدته...
الفرحة بداخلي ماتنوصف..اخيراً حلمي..ضليت ابجي من الفرحة اشبك بأمي وابوسها..بست حتى ايديها..واكلها هاي دعواتج يالحبيبة...
امي دمعت من الفرحة:يارب يدوم عليج الفرح والسرور يمه وينطيج كل الي تتمنينه..مايصيبج الا كل خير بحق محمد وآل محمد...
ابوي وفاروق فرحانين مثلي..ابوي يضحك عليه بدمعات الفرح الي تملكتني...رحت حظنته بسته..عصرته عصر بحظني...وهو يكول الله يفرحج دوم يابه ولا يحزن كلبج...
فاروق فرحان:هبة بطلة انتي بطلة..يوم لأخوج اندعي اكمل واجيب الي اريده..وعد لا افرج الدنيا كلها وشنو تتمنين اخذه الج
ضحكت بدموعي:يارب يارب ينطيك الي تتمناه حبيبي اخوي..حظنته...بحق الزهراء وظلعها المكسور وحركة كلب الرسول عليها كون ينطيك مرادك وتحقق الي تريده..مستقبل وحب وسعادة وزوجة مثل ما تتمنه ورزق فايض...
كل احنه فرحانين وطايرين فرحة معدلي اكثر من الي تمنيته..ماتوقعت اجيبه وجنت خايفة..رغم المشاعر الاجتني بوقت مو وقتها بس كدرت احقق الي اريده..سعيت وتعبت...
تعبت درست فكرت سهرت..اجتهدت وشكثر جنت احتاج اشياء وماكدرت احصلها بس مع ذلك درست..بحياتنه البسيطة...هواي اشياء مانلتها جنت اشوفها عد البنات بس ابد ماتمنيتها الي عدهم...
لا تمنيت الي الله يقسمه الي..ماتمنيت من اشياء احد ابداً..حتى السيد لو باقي ويه زوجته فلا اتمناه منها...
احسن نفسي اريد اطلع بالشارع واروح لكل الدنيا اشوفهم نتيجتي..اكلهم ياعااااالم حققت حلمي..الله يحقق كل حلم لكل شخص حالم ويسعه...
الكل عرفو بنتجيتي..حتى جدي اجانه يباركلي خطية طاير فرحة..شبكني يكلي دكتورتنه المستقبلية..حتى بيبي مافاهمة شنو معدلي بس فرحانة نجحت وراح ادرس بكلية...
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
