اريد تقرون البارت بفهم وتمعن ولا تحكمون رأسن بدون سؤال وبدون فهم خوش حبايبي
اول شي ابو ريتال الشرعي والجيني هو سلطان وهو ميت والي رباها وجان زوج امها شرعاً وقانوناً هو هادي وتسجلت بأسمه قانونياً وصار ولي امرها يعني نسب ريتال مو ضايع تفهمون عليه
ريتال من اتزوجت السيد شني جانت؟؟؟ شاردة من اهلها ومضطرة تعقد من غير وجوده وجان اكو شهود عالعقد لأن ماكدر يجيب ابوها السيد بسبب الحالة الي هي بيها وانو لو اخذها لهناك لأبوها جان نحرها بذاك الوقت غضبان لذلك تم العقد من غير وجوده
نجي لسالفة زواج ريتال من السيد باطل لو لا اكو بعض البنات كتبو باطل زواج ريتال من السيد يابه شلون باطل وهي ابوها سامحها ونسبها ماضايع حتى نكول عقدها باطل هاي نقطة
النقطة الثانية لنفرض فرضاً انو العقد باطل اول مرة عقد عليها السيد بدون ابوها وبعدين رجعت عليهم ابوها سامحها بعدين وصحح هالعقد اكيد لأن هادي ابو ريتال مو بس بالاسم نسبها الهم وابو ريتال تزوج ام ريتال جسدياً يعني تم الادخال بيها وتزوجها بعد ما وضعت مولودتها مو قبل الوضع وامها ربتها جم سنة يالله توفت وجانت امها زوجة لهادي شرعاً وصارت مسلمة وبناتها مسلمات خوات ريتال الي من امها
العقد يكون باطل بحالة هي مو بتهم ولقيطة مايعرفون نسبها يبطل العقد اذا ابوها عاقدلها وكال زوجتك ابنتي وهو مو ابوها الحقيقي هنا يصير اشكال بالعقد
فلوو كان اكو شك واحد بالمية بالعقد بين السيد وريتال عمها ولي امرها موجود وصحح العقد وهي والسيد زواجهم مو باطل حبايب لتحجون شي مافاهمينه بالأول افهمو يالله تحكمون وماكدر احكم وافتي من يمي بس هذا القريته وكلولي اياه السادة
وبعدين ليش هالأستصغار لريتال لان طلعت بنت حرام مو بيدها وغصب امها هيج جابتها البعض استصغرو ريتال وهمزين تلاحكت الموضوع ومسحت تعليقات ماقريت همين كل التعليقات
(مو حلوة بحق السيد واولاده نسبها كدام الناس )
شنو هالحجي جا لكوها بالشارع غير هي منسبة لعشيرة ابوها نفسه عمها شبيكم يابشر تحكمون عالناس ابن الحرام اذا طلع خوش انسان شنو ذنبه بفعل اهله وحتى رواية ابن الزنا لا يدخل الجنة السيد نفسه كال رواية ضعيفة والشيخ شهيد العتابي وضح انو ابن الزنا حاله حال البشر يتحاسب على عمل الشر ويُأجر على عمل الخير ويجوز الزواج من الأبن غير شرعي لا مانع من ذلك وكلشي اله شروط واحكام وهالاشياء بيها ذمم مو شوية نتحاسب عليها يوم القيامة
وهاي صور نقلاً للفتاوي عندنا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وتذكرون زواج ريتال جان بدون حظور ابوها وجانت حالة اضطرارية وعقد عليها السيد من ناحية ثانية تكدر تروح لمرجع غير الي تقلده حتى تكدر تزوج نفسها بهيج حالة وزواجها ماجان بحظور ابوها فعقد ريتال ماله علاقة بأبوها فهمتو هسة
الي مافهم ليش البعض كالو باطل لأن اذا ريتال او اي بنية جانت اجه رجال مربيها عساس هو ابوها وكال زوجتك ابنتي وبعدين كشف انو هي مو بنته الشرعية هنا يصير اشكال بالعقد ويكون باطل لأن مو بنته الشرعية اتمنه فهمتو 😂
انه مو مفتي واحجي من كيفي بس هاي الاعرفه وقريته وعلمته...
هسة عوفونه من هالموضوع شنو رأيكم بالنهاية حلوة مرضية وياهو اكثر شخص تحبوه بالرواية ومنو اكثر شخص عجبكم شخصه
شنو اكثر موقف حبيتو وماتنسوه وشني اكثر كلمة حفظتوها من كلام الابطال وبقت براسكم 😍
شنو اكثر موقف ماتصدكوه وتحسونه همبلة 😂😂😂
بالنسبة للرواية واحداث بعد ماصارت هاي كل الكتبته لحد يومنا هذا ريتال توها والدة وهبة ماتخرجت بعدها وقاسم ماتعين ولا آيات كلهم بلا تعين حتى غيث وزيد الوحيد الي متعين هو نعيم ومحمد وهسة بس نعيم بقه محمد مايكدر يلتزم بوظيفة وهو ضرير
هسة يستمع للقرآن يحاول يحفظ الي ماحافظة 🥺💔
يجي يوم انزل احداث اضافية واحجيلكم عن زوجات زيد وغيث... قاسم خاطب قبل فترة عقد على منار اخت هبة وزواجاتهم شرعية ترا لحد يكول شلون يصير خبطو العائلة
الي يكول غيث جان يريد منار ترا شقه جان ماكو هيج شي غيث ازوج تقليدي ماجان اباله وحدة بس زيد رادها بنفسه
والي يسأل عن محمد تقبل وضعه لو لا ؟؟الحمدلله متقبل الوضع وابتسامته ماتفارك محياه حتى لو كربات الدنيا يتخطاها محمد بقوة صبره وايمانه
حالياً ماراح انزل اي رواية ماخذة استراحة لحد يكول قصة سيد رضا اريد ادرسها اول يالله اكتبها يجوز انزل قصة شبابيك العشك الله اعلم حسب تقبل عقلي لفد قصة معينة
اذا اختفيت ومارديت على احد اعذروني سلامي للكل بيباي
