السلام عليكم
اللهم صل على محمد وآل محمد
اريد همة همه بالتفاعل
اقرو هاي ضروري 👇
اكو يكولون ريتال تتصنع الفهاوة والفطارية الله بالخير ياذكي يحط نفسه بمواقف محرجة شبيكم حبايب اذا هي تتصنع مرة مرتين الانسان هم يتعب يتصنع كل يوم ملل ولعبان نفس وياهو يخلي نفسه مضحكة صدك تحجون اذا هي هيج متصنعة لازم تكون حية متلونة جان ماطاحت بهل المصايب 💔
واكو كالو ما اعتقد القصة هلكد محترمة بشقه الولد وريتال وهبة والعمة ترانة وزينب ترااااا بشر همه مو معصومين يابه ترا سادة ما معصومين صح مؤمنين ومحترمين بس مو معناها معصومين وهاي السوالف اغلبها بكل بيت عراقي
ليش ماخذين فكرة عن ناس الدين والسادة بالذات لازم يكونون معصومين حتى يرضون كل الناس ترا بشر مثلنه بس همه كدرو يخلون كلبهم يم ربهم وما مضطرين يرضون البشر يرضون ربهم فقط
يشاقون الولد وزينب وريتال وهبة وعمة ترانة بس ابد ماكو فشاير بالمواضيع مالتهم لو قلة ادب مجرد شقه حتى اهل الدين يشاقون ويضحكون ترااااا
والبطلات ماوصفن نفسهن وجسمهن ابد ابد والله العظيم انه الي اتحدث عن جمالهن لأن شايفتهن شوف العين هبة السمرة جمالها وجاذبيتها مختلف ويم ريتال الجمال ماينوصف والله بس ماوصفت اجسامهن بس مجرد فكرة عن شكلهن وماعتقد كتبت فد شي مفصل عن العلاقة الزوجية وهالأشياء
حبيت اوصل فكرة انو قصتي محترمة وراضية عنها عكس كل القصص هسة حشه الزينات كله خراب مابيها عمار تحياتي لكل ناقد وهذول الي انتقدو بأحترام مو تحجون عليهم بنات
واستمتعو حبايب❤️
البارت ال49....
من رواية ابناء السادة(هبة السيد)
بقلمي اساور التميمي....
علك خليني اشداً روحي يمك واشبك روحي بيك من ارد اشمك.....واغمض يمك العين.....
ريتال......
للساعة بالسبعة الصبح هذا حالي...طلعت يمهم ماجه همين ماشفته...كاعدة يم عمتي لاحظتني...
بس خديجة يمها لا ايات لا هبة بالدوام... ولا فاطمة...ولا الولد بس عمي وكاعد على صفحة يسبح بسبحته...
عمتي:يمه ريتال شبيج
ظليت ابجي:عمة ابنج راح اتزوج عليه يكول يريد وحدة بعمره
عمتي ضحكت:يمه شبيج شاربه نفت من الصبه نئيم تزوج ئليج
عمي:هااا نعيم مايسويها ليش يابه يزوج عليج
خديجة ضحكت:ليش تكولين هالحجي ولج شبي نعيم وياج
ابجي:اي ليش لا يسويها عنده فلوس ويكدر يزوج اربعة همين واكو نسوان عادي عدهن ياخذن مزوج
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
