السلام عليكم
متت ضحك عالنيات بالبارت الراح غيث موزع نيته عليكم هو وزيد وقويسم😂 حتى شمرو عليه شوي من نيتهم المخربطة
تفاعلوو عالفقرات والا اموتكم ترا😈
البارت ال19...
رواية ابناء السادة....(هبةُ السيد)
بقلمي اساور التميمي.....
كلي شلون اطلعها من كلبي ذيج الكلمة واكولها الك؟؟(كلمة احبك)
هبة.....
خديجة كالت هبة كومي بغرفتج ارتاحي سطروج الجهال وهسة راح يزفونكم..ابتسمتلي..شكد احبها هي وفاطمة وحتى زهرة...كلهم احبهم ومن حبيت السيد اكثر حبيتهم...
كمت راحت وياي أمل..دخلت للغرفة..جنها غرفة من الأحلام تجنن مسويها اثاثها جديد شكلها تلمع هواي..فراش سرير يجنن...
شموع جاي تشعل آيات..من شافتني دخلت ضحكت كالت اسويلكم جووو رومنسي عود...تارسة الغرفة شموع ونشرة ذهبية والفراش مال السرير يلمع...
صايرة الأجواء فد شي بخور ودافية هواي..هاي الي بيها تزوج السيد..وهنا بهالغرفة عاش ويه العلوية..مدري ليش هسة احترك كلبي منها وغرت منها حظت بالسيد قبلي...
لزمت كلبي لا يكون يحبها جان..ياربي كون ماعرف انو جان يحبها مستحيل يتحمل كلبي...مو كافي عنده ولد منها...
كعدت عالسرير..اتأمل الغرفة..مستحية انه بغرفة السيد حرارة الخجل صعدت حرارتي..دايخة دوخة مو طبيعية شلون راح نكون انه والسيد بهالغرفة...
هي نفسها جانت غرفتي قبل كم سنة بس راحت هالسنين..الليلة انه والسيد ججدنه العقد راح نصير واحد انه وهو...الخجل ماخذني أخذ...
أمل كعدت يمي:هبة لازم اروح بعد زوجي يتصل...ان شاء الله الف مبروك بعد كلبي اختي الله يسعدج انتي والسيد واشوفج خريجة افضل دكتورة بحظنج طفلج
لزمت بيها:لا تروحين أمل فدوة ابقي..والله مجاي نشوفج عدل شما تجين ماتبقين..جهالج يم زوجج ابقي فدوة
أمل:يعمري هو لأن يمه لازم اروح هسة يدوخ بسرعة خطية اكيد تعبان همه عقال بس همين خطية تعبان...
بوستني وراحت طلعت..بقت بس آيات يمي..خلصت شعل شموع صار جو الغرفة يجنن بمعنى الكلمة..كلبي فايض بمشاعره ونبضات عاشكه لصاحب الأبتسامة الحلوة...
آيات:هاا حبيبي هباوي تردين اعلمج شراح يصير الليلة..وين عمة زينب اشو ساكته الليلة عنج
ضربت جتفها:عاااابت شتعلميني زعطوطة انه..ماراح يصير شي..طلعت لساني الها..الست اجت
آيات:ههههههههههههههه عليج العباس
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
