السلام عليكم
الله صل على محمد وآل محمد
خلونه نجدد بيعتنه للأمام صاحب العصر والزمان ونهدي سلام وصلوات محمدية وندعيله بالفرج بنهايتها خلونه انه وانتم نطي عهد وياه وياه وننطي عهد نعوف الاغاني ومانأخر صلاتنه وكتاب الله هو ملجئنا وسجادتنا مهربنا من الدنيا نتعاهد وياه نعوف الغيبة والبهتان والنفاق والكذب ونعوف الحقد الي بكلوبنه ونسامح
انه ماسئولة عن النيات بهذا البارت 😂💔 بريئة ذمتي من نياتكم
اكو بردات راح اشيلهن شوي لا اطلطلون من هسة شبيكم 🙈🙈
البارت ال47....
من رواية ابناء السادة(هبة السيد)
بقلمي اساور التميمي....
تزوجي من يكون امام صلاتج تزوجي من يلتفت الج ويكولج لا تنسين الاستغفار تزوجي الي ايمانه واخلاقه رداءه تزوجي الي يمسح اثر كحلة بعينج حتى لا يخليج محط انظار تزوجي الي يلبسج ذيج السودة الي لبستها سيدتنا فاطمة عليها السلام
تزوجي من ينتبهلج ما لابسة جواريب ويلبسج اياهن تزوجي الي يكلج انتي وصية رسول....اذا جان مؤمن ماراح يظلمج ابد ✨️
تزوجي الي يسابقج بختم القرآن تزوجي الي يكعد قبلج لصلاة الفجر تزوجي الي يباركج بدعاءه بعد صلاته
.. والا لا تتزوجي
هبة......
رحت للحمام..سويت اختبار الحمل...رحت للغرفة شفته نفس الحالة سلبي ومو حامل..كمت ابجي بصوت وتركته طاح من ايدي...
عصبت طلعت كل الاختبارات شمرتهن بحرقة قلب بالارض..كعدت ابجي بصوت ابدي اكوم اكسر كلشي كدامي
محمد رجع للغرفة يمكن ماتحمل يتركني بهالحالة..بس شافني بهالحالة وباوع الاختبارات مطشرة بالأرض عرف سالفتي مال كل شهر
محمد اجه عليه:ذكري الله هبة..واعدتج اخذج سفرة علاج..لا تفقدين املج بالله
ببجي وعصبية:محمد انه ماريدك بس اريد طفل تفهمني بس اريد اصير ام حتى انته ماريدك
كعد يمي حظني بكل قوته رغم كتله ماريدك ماعافني وتفهم وضعي..هليت دموعي بحظنه...
شنو انه من دون محمد ماكدر اعيش من دونه ولا راح يجي يوم اكدر اعيشه من غيره
تمسكت بحظنه قوي ابجي بكل مابيه من قهر وحزن..انه ليش وصلت لهل المرحلة وانه القوية والي استمد بقوتي من الله وثم حب محمد الي
هو الأمان من بعد الله..جرحته شكد صارلي ايام اجرحه وماحس بنفسي وصرت انانية فكرت بس بمشاكلي النفسية مافكرت بلي يمر بي وياي
محمد يمسح على راسي ويبوسه:يجي يوم وتفرج..ربج مايضيقها الا وتفرج ان شاء الله..يمكن ربج اشتاق لمناجاتج وانتي تركتي بهالوقت..كولي الحمدلله مصارلج هواي هبة الي ماتو وماعدهم نسل شيكولون
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
