السلام عليكم اللهم صل على محمد وآل محمد وعجل فرجهم سوو صلوات محمدية مئة مرة اهدوها لصاحب الزمان ان شاء الله يوكف لأهل سوريا الاحباب💔
اللهم برداً وسلاماً على اهلنه بسوريا 💔 اخوان لا تقصرون بالتبرع الكم اجر يم رب العباد ان شاء الله يبجون العيون دم حالتهم ياربي سترك وحفظك ولطفك بيهم اهلنه المظلومين سوريا الحبيبة برداً وسلاماً احنه وياكم ان شاء الله
اسفة تأخرت بالبارت سويته طويل خطار يموت عليه مو بيدي
البارت ال29.....
رواية ابناء السادة(هبةُ السيد)
بقلمي اساور التميمي......
ريتال....
شفته كاعد بطرف السرير بكامل اناقته بيده تلفونه..بس مالابس ملابس عملية لابس الزي العربي..وهذا الزي يجنن عليه احلى من البنطرون والرسميات
مو ركابتي ازلقت من الزحف عليك سيد صايرة اشبه اختي ملطلطة واباوعلك وكل وكل ثانية ازحف عليك..
ريتال:احم احم..آمر سيد
نعيم حط مبايله بصفه رفع وجهه اليه:مايآمر عليج ظالم..سكت شوي..ريتال شنو رأيج بيه
خجلت من سؤاله شكله انه اهواك سيد واعشكنك بكل مابيه ولو تسألني شنو رأي اكلك معنى الرجولة والشهامة انته...
ريتال:صحتني علمود هالسؤال سيد
نعيم هز راسه:لا لا..جاوبيني واكلج ليش صحتج
ريتال:والنعم منك انته سيد شهم وطيب وعلى هالراس
نعيم:يسلم راسج..رغم انتي شوي مطفية بس الطيبة مبينة بيج والادب والأخلاق...وابتسم...
ريتال:هذا مدح ذم سيد خلط يعني..بس اشكرك..بس ماكتلي ليش صحتني...
ظل يضحك شوي وسكت...
نعيم كام وكف:ريتال تقبلين بيه كزوج
ظليت مفهية:شلون يعني سيد مافهمت
نعيم غمض عيونه ورفع راسه للسكف:يالله شلون افصل على المطفيات..ريتال اريد اعقد عليج عقد سيد تقبلين
هسة طخت براسي من المفاجأة ماعرفت شكول:هاااا لاااا..ايي..لااا..قصدي خلي افكر..سكتت لا اللوصها اكثر..جبت العيد واركض...
نعيم هز راسه:فكري براحتج..بس لازم تعرفين..محمد بده يشك بينا ويسألني عن عقد المحكمة..شاف هويتي مابيها اسمج وشك سألني ليش ماعاقد محكمة..ولازم تعرفين هالعقد بس حتى اكدر ابقه بالغرفة..بس راح يكون شكليات الج كامل الحرية ترفضين...
سكتت ماعرف شنو اكول متفاجئة حيل اريد اقبل واريد اكله سيد ابصم بعشرة اصابع اتزوجك بس هو كال شكليات يعني علمود لا يشكون بينا مو لأن التف اليه وحبني...
ظليت محتارة صفنت وانه عيني عليه..هو ساكت بعد ماحجه..فزيت من تفكيري على كلامه...
نعيم:تكدرين تجاوبين هسة او تاخذين راحتج بالتفكير
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
