السلام عليكم
اللهم صل على محمد وآل محمد
لا تنسون تعبي حبايب فرحوني بتفاعلكم تعليقات عالفقرات كلها
البارت ال52....
من رواية ابناء السادة(هبة السيد)
بقلمي اساور التميمي....
ريتال......
الطفل:خالة شدعوة هنه طماطة وبصل شطالبين قابل
ريتال:هااا خالة فوكها ماراضي علينه..انتم من هالجيران الي اربع وعشرين ساعة يطلبون وماراضين فوكها
الطفل:انعل ابو اليطلب منكم..راح ركض....
ظليت اضحك من كلبي عليه...انوب ينكرط شنو من طفل لسان وجمال ماشاء الله...اندك الباب كلت هااا تريد تمن هنوب....
فتحت الباب وصار رجال بوجهي بالباب واكف كبالي..يمه الرهبة الصارت بيه...
هو دك الجرس همين غباء مني فتحت الباب من البداية...
اتلفت لصوت نعيم وراي بعصبية:شلووون تفتحين الباب الزلم ماتووو بت المشعووول
بخوف بصوت ناصي:مادري والله عبالي الطفل اجه مرة ثانية
نعيم بين اسنانه:امشي طبي جوى خل اشوف منو واجي احاسبج
خفت منه ومن حسابه الا نعيم حساباته جبيرة وثكيلة الها وزنها...ظليت اضرب راسي غبييييية شلون فتحت الباب من الاول
ختلت وره سيارته...طلع للرجال ماسمع شيكول بس اسمعهم يتحادثون بعيد الباب للحوش لأن الحوش جبيييير كلش وبابه يم الديوان كلش
يعني مرات حتى بالحوش ما مسموحلنه نطلع بسبب الديوان دوم بي زلم وكل فرض صلاة يجي مؤذن يأذن بس مايطلع من الباب الي يطل عالحوش ابد ابد يطب من باب الي مفتوح عالشارع الفجر يدك الباب عالولد ويفتحوله
مرات محمد اذا موجود هو يأذن صوته حلو
انشغل بالي بالحساب..نفخت روحي تشجعت كلت يخاف على طفله مستحيل يحاسبني بشي يضره
هسة انه مسيطره
تذكرت العكال وضربته التوجع...لا والله رجعتلي الخوفة
باوعت للسيارة مالته بيضة وتلمع لمع وجديدة ومديل العام ماخذها ومابيها خدش
لزمت صخرة...بس يصيح عليه لو يريد يضربني اهدده بسيارته اخدشها اله وبعدها الله كريم الكتله صفره حمرة مدري خضره
رحت للياسة هلست اوراقها سويت بيها يكفخني لا يرزلني يكفخني لا يرزلني اخر ورقة طلعت يكفخني وبالعكال
اريد ابجي بخوفي يامحمد ياعلي اكفياني فأنكما كافيان وانصراني فأنكما ناصران
كمزت على صوته يمه جن اجاني الموت
أنت تقرأ
ابناء السادة(هبةُ السيد)
Romantizmقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
