السلام عليكم
الله يرضه عليكم قصة ريتال ماتردون تقروها عبروها لاتكتبون تعليق يضوج مو تكولون الغيها
الي يكول نسينه الاحداث شدعوة شسالفة شكد تقرون قصص راجعو بارت القبله تذكرون شصار وشغلة مو بيدي ماعندي جهاز اكتب بشنو يعني
المايتفاعل ☺ بالسجينة
البارت ال22...
رواية ابناء السادة....(هبةُ السيد)
بقلمي اساور التميمي.....
هبة......
وكفت وره الباب هو يريد يطلع..انتكيت عالباب..اريد انفجر مادري شصارلي..ينتظر اوخر حتى يطلع..بس ماوخرت عن الباب..لازمته...
نطقت بقهر:محمد اذا ماتريد شوفتي كبالك هيج ومستقرف مني..ليش ماتفضها وتكلي روحي هبة ماريدج..اشوف الكره بعيونك والشك مغلفك بيه..اذا ماواثق بشرفي تكدر تكلي وتفضها..تعبت اشوف الكره بعيونك....
ساكت وسكوته موتني..ظل يباوعلي بنظرة مافهمتها...تنهد وتنهيدته وصلت لأعماقي...
محمد:اكرهج ومستقرف منج..هذا ياهو هبة..انه شاك بشرفج واخليج يمي وبيتي..كل الي ردته تكليلي الحقيقة ماردت تجذبين عليه
حجيت بشوية عصبية:جااا ليش اشوف الكره بتصرفك..تتجنبني بكل فرصة..دموعي خلصن وانه افكر انته تكرهني وتشك بيه
محمد:رجعتي عالكره..شلون اكرهج هبة انه عاكشج من يوم شفتج هذيج الصدفة بالبستان وماعرفتج..من يوم صاحت بتي بأسمج وكلبي نبض الج وبس...صرت جني مراهق اولادي بطولي سهران الليل كله افكر بيج..اروح للبستان جني ماشايف مرة بحياتي بس حتى اصادفج..مو سالفة صارلها سنين وراحت ومالج ذنب بيها تخليني اكرهج اشك بنفسي وماشك بيج..انتي عشكي الأول هبة...
هنوب انه الي سكتت صدمة اجتني..يعني كلام آيو صحيح كل هالفترة هو يحس بنفس احساسي وبنفس الوقت همين...ماعرف شكله هسة وشرد...
مو بهالشجاعة انه واكله مشاعري اكول كلشي بس مشاعري ماكدر اخجل والله..خصوص انو انه عشكته قبل الزواج...هسة صدمة اجتني السيد يكلي عاشكج...
ارتبكت وضح ارتباكي:جااا ليش هيج تعاملني..والله صعبة عليه فوك الزمن انته تصير عليه بدل ماتواسيني عن المريت بي وعشته تصير انته عليه..اذا تحبني ليش تعاملني هيج مثل وحدة رخيصة فقدت شرفها ومو كد مقامك
محمد ترك الملابس الي بيده سحب ايدي حطها على كلبه:شوفي نبضاته تحسسيهن..ابد ماصرت ضدج ولا عليج ولا عاملتج مثل..ماكمل الكلمة.....استغفر الله ماقيسج هيج واقارنج بلي تبيع نفسها حاشه...كل الي ردته الحقيقة هبة وتفهمت وضعج بس بدون جذذذذذب اريد الصدك
تجمعت دموعي بعيوني:راح تكرهني والله
محمد:انتي راح تكرهين نفسج بالكوة بتصرفج وجذبج هبة..وكل شوي وكلتي تكرهني جاي اكلج انه عاشكج تكليلي تكرهني
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
