السلام عليكم
اللهم صل على محمد وآل محمد
البارت ال36.....
رواية ابناء السادة(هبةُ السيد)
بقلمي اساور التميمي......
هبة......
فراس وهو يحط الجدر عالأرض يم المطبخ..ريتال طلعت ماتدري شافته ورأسن طبت جوى....غلطي ماطبيت داخل كتلها لا اطلعين...
فراس:ولج هبة هاي البنية الحلوة منو؟ من بنات السادة؟
عقدت حواجبي:مو عيب تكول حلوة على بنات الناس فراس عييب وهاي مرت سيد نعيم..والله لو شايفك ويسمعك تكول عن مرته حلوة يشمرك من فوك السطح
فراس:هسة ادري تحارشت بيها لو اريد اغتصبها..كلنا حلوة..مجذب هاي مرت نعيم قمبلة
عصبت:شنو هالحجي فراس لسانك لزمه شنو هالألفاظ..والله لو يسمعك زوجها يسطرك وشيخلصك هسة انته تحارشت بمرته بدون ماتروح يمها..تقبل احد يكول عن مرتك حلوة وهيج الفاظ تلفظ
فراس:اعوذ بالله كلمة وطلعت الله يسترها ويحفظلها السيد..ماقصد شي ترا بس لسان
هبة:مو كلت راح اصلح حياتي وغلطاتي..هيج راح تبدي حياتك وتصلح حياتك..شنو كلمة طلعت منك اوزن كلامك.. يعني معقول انه ازغر منك اعلمك الأحترام..هذا كلام واحد عمره 32 سنة
فراس ضاج:على كيفج كنالج كلمة وطلعت مني..انه ماسويت شي واريد فعلاً اصلح حياتي
هبة:صلحها واول شي كلامك اوزنه..وفكر بتصرفات..سكتت...
آيات دخلت للبيت وهي تتأفف:انعل ابو الدوام وانعل ابو الجامعات...سكتت من شافتني انه وفراس...
سلمت ودنكت طبت جوى..لاحظت فراس صفن عليها..ويباوعلها بكل خطوة خطتها..اشو هذا سكت...
ضربته على جتافه:غض البصر لا تباوع للبنية أكلتها أكل
فراس:هاي البنية اذا كلتي متزوجة هسة اشمر روحي من السطح وسطحكم همين..مرت منو الله ياخذ الساعة الطبيت بيها هنا
ضحكت:عابت اي والله اثكل شوي شبيك ماشايف بنات فراس لا تصير ملطلط
فراس:ولج هبة وين شايف بنات حتى قبل لا انسجن ماجنت ادور بنات..كاتل نفسي عالفلوس..هسة هاي البنية منو ماحجيتي
لملت شفايفي اله:مامزوجة خخخ
فراس:بتهم هاي اخت السادة
هبة:نوووو..بت محمد هاي ومغلفها باكيتها لا تفكر ولا حتى تحاول لولد عمه مانطاها ههههه
فراس:عليج العباس محمد مو جبير اولاده كبار شني السالفة
هبة:مزوج عمره زغير..يالله روح فراس لا يشوفك واحد من الولد هنا..اخاف مايقبلون بناتهم اغلى من ما تتصور ترا
أنت تقرأ
ابناء السادة(هبةُ السيد)
Romanceقصتنه مختلفة نوعاً ما وحالة عشك غريبة عشك ناس ملتزمين بالدين عشك السادة. يقول الامام علي عليه السلام العشق بلاء لا أجر فيه ولا عوض
