ဆုမတောင်းစရာမလိုဘဲပြည့်လာခဲ့သောအရာတွေထဲတွင် အကို့၏ကြင်နာမှုများအားပို၍ နှစ်လိုခဲ့သည်
#ကိုး
ဘွဲ့ယူပြီးနှစ်လသုံးလလောက်ထိဖေကြီးကမြန်မာနိုင်ငံမှာနေအုန်းမည်ဟုဆိုသည်
ထိုစကားကိုကြားကြားချင်းအပျော်ဆုံးကတော့ ကိုကိုကြီးဖြစ်သည်
ကျွန်တော်ဘွဲ့ယူပြီးအားလပ်ရက်အဖြစ်တစ်ပတ်လောက်အေးဆေးနေဖြစ်သေးသည်
ကျောင်းတက်ရက်တွေ၌လွမ်းနေခဲ့သော တစ်စုံတစ်ယောက်အားပုံမှန်ငေးတွေးကြည့်ရင်းနဲ့အချိန်များအားကုန်ဆုံး၏
မနက်စာထမင်းဝိုင်း၌ဖေကြီးကခေါင်းရင်းမှထိုင်ကာကျွန်တော်နဲ့ကိုကိုကြီးကတော့မျက်နှာချင်းဆိုင်ဘေးဘီတွင်ဝင်ထိုင်လိုက်သည်
မနက်စားစားနေချိန်မှာပင်ဖေကြီးကမျက်မှန်ကိုင်းကိုပင့်ကာစကားစလာသည်
"သားကြီး''
"ဗျာ''
ဖေကြီးရဲ့ခေါ်သံကြောင့် ကိုကိုကြီးမော့ကြည့်ကာပြန်ဖြေလိုက်သည်
"သားကြီးအိမ်ထောင်ပြုသင့်ပြီလို့ထင်တယ်''
"အော် ဘာများလဲလို့''
"ဘာများလဲလို့တဲ့လား.....မင်းအသက်ကဖင်ဆောင့်နေပြီကွ.... အိမ်ထောင်ပြုမယ်မစဥ်းစားဘူးလား''
"ပြုချင်ပါတယ်....ဒါမဲ့ မဂ်လာဆောင်တာတစ်ယောက်တည်းဆောင်လို့မှမရဘဲ''
"ဟာကွာ... ဒါဆိုမင်းမှာချစ်သူဘာညာတွေမရှိသေးဘူးလား''
"ပေါက်ကရတွေဖေကြီးရာ''
"ဘာကိုပေါက်ကရလဲ.....မှတ်ပုံတင်လဲပြန်ကြည့်အုန်း..အသက်ကဖြင့် 28နှစ်ဖြစ်ပြီ အကယ်၍မင်းမှာချစ်သူရှိရင်မြန်မြန်ယူဖို့စဥ်းစား ဆင်းရဲရဲချမ်းသာသာရတယ် အကျင့်ကောင်းပြီးမျိုးရိုးကောင်းရင်ရပြီ''
"စဥ်းစားလိုက်ပါအုန်းမယ်''
"အေး...စဥ်းပဲစားနေ မင်းညီညီကအရင်ရသွားလိမ့်မယ်''
မဆီမဆိုင်မိမိအားလာရောက်အဖျားခတ်တော့ မျက်လုံးပြူးကာလိုက်ကြည့်နေမိသည်
ကိုကိုကြီးကတော့ကျွန်တော့်ကိုတစ်ချက်မျှမော့
ကြည့်၍ပြုံးရင်းသာခေါင်းငုံ့သွားသည်
YOU ARE READING
Pass Away (Complete) (Z+U)
RomancePass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
