တစ်ဦးတစ်ယောက်အား မျှော်လင့်ချက် တစိုးတစီမပါပါပဲ ရိုးသားစွာချစ်ကြောင်း ဝန်ခံမည်
# ကိုး
"သားငယ် ထတော့လေ ဘုရားသွားမယ်ဆို သားငယ်ရေ ထတော့လို့ကွယ်''
ခန္တာကိုယ်ကိုလှုပ်ခါနှိုးသော်လည်း အင်းအင်းအဲအဲ အသံကလွဲလို့ မျက်လုံးပွင့်ယောင်ပင်မပေါ်
ဖြန်းးးးးး
"အားးး! ! နာလိုက်တာ အန်တီချိုရယ် ''
"နာမှာပေါ့ သားငယ်က အသားမှမနာရရင် ထမှာမဟုတ်ဘူး''
အပျိုကြီးတွေများ သူများအသားဆိုရက်ရက်စက်စက်......
"မျက်စောင်းထိုးကြည့်မနေနဲ့ မြန်မြန်ထ ရေမိုးချိုးပြီး အောက်ဆင်းခဲ့''
"ဘာလို့လဲ အန်တီချိုရယ် ခုမှ ၆နာရီပဲရှိသေးတာကို''
ကုတင်ပေါ်မှမဆင်းသေးဘဲ စောင်ပုံကြားထဲ ငုတ်တုတ်ထိုင်နေသည့် သကောင့်သားက ချိုအခန်းထဲက ထွက်သွားရင်လည်းပြန်အိပ်ပေအုန်းမည့် ရုပ်နှင့်........
ကိုယ့်မွေးနေ့ဆိုတာကို မေ့နေသည့် ထိုကလေးအား ကိုင်ပေါက်ချင်စိတ်တို့ကတဖွားဖွား
" ဒီနေ့ဘာနေ့လဲ သားငယ်သိလား''
ထိုသို့ပြောလိုက်တော့ သားငယ်က သူ့လက်ချောင်းဖြူဖြူသေးသေးလေးတွေနဲ့ ခေါင်းကုတ်ပါးကုတ်လုပ်နေသည်
မျက်လုံးကလည်းတောင်ကြည့်မြောက်ကြည့်နှင့်......
အတော်ကြာမှ သိသွားသည်ထင်.....
မျက်လုံးလေးပြူးပြီး ချို့အား တအံ့တသြကြည့်လာသည်
ညက စာရေးရင်းနောက်ကျသွားသည်ထင်ပါရဲ့
ကိုယ့်မွေးနေ့ကိုယ်တောင်မေ့ပြီးအိပ်နေပုံထောက်ရင်........
"ဟုတ်တယ် ဒီနေ့သားငယ်ရဲ့မွေးနေ့ အဲ့ကြောင့်ထတော့ ဟိုနေ့ကပဲ ဘုရားသွားချင်တယ်ဆို နေမမြင့်ခင်သွားရအောင် တော်ကြာလူတွေများလာရင် သားငယ်ရဲ့ကိုကိုကြီးက မျက်နှာကြီး
ရှုံ့မဲ့နေအုန်းမယ်''
"............''
"အဲ့ဆို အန်တီချို သွားပြီနော် အော် မြန်မာဝတ်စုံဝတ်ခဲ့ မေ့နေမှာစိုးလို့''
ВЫ ЧИТАЕТЕ
Pass Away (Complete) (Z+U)
Любовные романыPass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
