"တီ တီ တီ''
"ဟာ နားငြည်းတယ်ကွာ ရှေ့မှာကားဒီလောက်ပိတ်နေတာမြင်ရဲ့သားနဲ့ ငါ့ဟွန်းတီးတော့ငါက ကျော်ခွသွားလို့ရတာကျနေတာပဲ ''
ရာသီဥတုပူရသည့်ကြားထဲ ကားက အလိုက်မသိစွာ ပိတ်ဆို့နေသေးသည်
ထိုသည်ထက် နောက်ဘက်မှ လူ့ဂွစာက တတီတီနှင့်ဟွန်းတီးနေသေးသည်
ကားထဲမှ air-conပင် ကယ်ပါကူပါအော်ရလောက်အောင် လေထုဟာ ပူနွေးနွေးကြီးနှင့် အသက်ရှူပင်ကျပ်ချင်စဖွယ်
မီးစိမ်းပြပြချင်း အရှိန်တင်ကာမောင်းမိသည်
တစ်ပတ်လောက်ကြာမှတစ်ခါလောက်တောင်သွားချင်မှသွားရသည့် companyကို တစ်ခါသွားတိုင်း တစ်မျိုးဒုက္ခတွေ့သည်
မကြာခင်ကထွက်ထားသည့်စာအုပ်ကြောင့်လူလည်းတော်တော်လေးနံမည်ကြီးသွားသည်
အောင်ပွဲခံမည်ဘာညာနှင့် ဌာနာမှူးက အခေါ်တော်ပြုချေသည်
အချိန်ကား မွန်းလွဲ ၃နာရီပင်ကျော်နေပြီ
Companyရောက်လျှင်ရောက်ချင်း ဌာနမှူးအခန်းသို့သုတ်ချေတင်လိုက်သည်
"ဒေါက် ဒေါက်''
"ဝင်ခဲ့''
တံခါးခေါက်လိုက်တော့ အလိုက်သင့်ပြန်ထွက်လာသည့် အသံခပ်သြသြ
"အော် သံသာကိုးရောက်ပြီလား လာထိုင်လေ''
"ဟုတ်ကဲ့''
ကျွန်တော့်ထက် အသက်နှစ်ဆလောက်ကြီးသူမို့ တလေးတစားဆက်ဆံရင်း ညွှန်ပြရာ စားပွဲဝိုင်းတွင်နေရာယူလိုက်သည်
" ဟို ညစာစားပွဲလုပ်ဖို့အတွက်ဆိုင်တွေဘာတွေရွေးပြီးပလားမသိဘူး''
" အဲ့တာကိုတော့စိတ်မပူနဲ့ သံသာ အငယ်လေးတွေကအကုန်စီစဥ်ပြီးသား ဘယ်တုန်းကတည်းကသွားချင်နေတယ်မသိပါဘူး ဒါနဲ့ MTကိုယ်တိုင်လည်းလိုက်မယ်တဲ့ အဖွဲ့ထဲက အငယ်တွေက မင်းနဲ့ရင်းနှီးချင်လိုတဲ့ကွာ ''
ဌာနမှူးကရယ်ရယ်ပြောပြောနဲ့ဆိုတော့ ကျွန်တော်ပါသံယောင်လိုက်ရယ်မိသည်
"ဟုတ်ကဲ့ ကျွန်တော်လည်းရင်းနှီးချင်ပါတယ် ဒီနားမှာ ဝယ်စရာရှိတာလာဝယ်ရင်း ဒီကိုတခါတည်းလာခဲ့တာ တော်တော်စောနေသေးတယ် ''
YOU ARE READING
Pass Away (Complete) (Z+U)
RomancePass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
