လေပြေလေညင်းတို့ကသယ်ဆောင်လာသော ချစ်ရသူ၏ ကိုယ်သင်းရနံ့သင်းသင်းလေးကအစ ကျွန်တော့်ကို ထာဝရ မှေးစက်စေသည်
#ကိုး
"တီတောင်''
အစ်ကို့အိမ်ရှေ့ခြေစုံရပ်ပြီးတံခါးဖွင့်မည့်အချိန်ကိုစောင့်နေလိုက်သည်
"အော် ကိုးပါလား အိမ်ထဲဝင်အုန်းလေ''
"နောက်တစ်ခါမှပေါ့ babyကိုလာခေါ်တာ စျေးလည်းသွားရအုန်းမှာမို့''
"အန်တီချိုရောသက်သာရဲ့လား''
"အော်ဟုတ် သက်သာပါတယ်''
ထို့နောက်babyအားအိမ်ပြန်ခေါ်လာခဲ့သည်
ကိုကိုကြီးကလည်းအလုပ်သွားမည်မို့ အိမ်တွင်ကျွန်တော်နှင့်အန်တီချိုသာကျန်ခဲ့သည်
သိသည့်အတိုင်းအန်တီချိုက ကျန်းမာရေးသိပ်မကောင်းသည်မို့ ကျွန်တော်ကသာအိမ်မှူးကိစ္စလုပ်ရသည်
Babyကိုအိမ်ပြန်ခေါ်ပြီးနောက် စျေးသွားရသည်
ပြန်ရောက်တော့လည်း ချက်ပြုတ်ရင်းပင်အိမ်သန့်ရှင်းရေးလုပ်ရသေးသည်
အရင်လိုကျွန်တော်လည်းမအားတော့တာမို့ ကိုကိုကြီးက နေ့လည်စာကိုအိမ်ပြန်စားသည်မှာ ကျွန်တော်အလုပ်ရကတည်းကပင်
ချက်ပြုတ်ပြီးစီးသည့်နောက် ရေချိုးသန့်စင်ကာ ရေးလက်စစာများကိုအပြီးသတ်ရသေးသည်
ကျွန်တော့်ရဲ့ပွဲဦးထွက်စာအုပ်ကလေးကမကြာခင်ထွက်တော့မည်မို့ အလုပ်ကိုဦးစားပေးနေရသည်
ပုံမှန်ဆို အွန်လိုင်းကနေသာ ကျွန်တော်တို့ရေးသမျှကိုဖြန့်ပေးသော်လည်း စာဖတ်သူတို့၏တောင်းဆိုမှုကြောင့် စာအုပ်ထုတ်ပေးမည်ဟုဆုံးဖြတ်ထားသည်
ထို့သို့ စာအုပ် design နှင့်ကိစ္စအဝဝကြောင့်အလုပ်ရှုပ်နေခဲ့သည်
Companyနှင့်အိမ်ကို ကူးကလန်ခတ်နေရသည်မှာ တစ်ပတ်ခန့်ရှိချေပြီ..........
စာအုပ်ထွက်ပြီးနောက် ဘယ်ကရသွားမှန်းမသိသည့် ကျွန်တော့် ဓာတ်ပုံက စာဖတ်သူတွေကြား နံမည်ကြီးခဲ့သည်
ကျိန်းသေ ကျွန်တော်ကချောလို့ပေါ့ဗျာ.........
ESTÁS LEYENDO
Pass Away (Complete) (Z+U)
RomancePass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
