Pass Away (Complete) (Z+U)

part(22).........အချစ်ဟာသူပေါ့

အကို့အချစ်ဟာသူပေါ့

# ကိုး

" အားလား ကိုး ခဏလောက်အပြင်ထွက်လာခဲ့ပေးပါလား ''

လူကိုတနေကုန်ပြစ်ထားပြီး ယခုမှ အားလားလာလုပ်နေသည့် လူဆိုးကြီးကို ကျွန်တော် ချက်ချင်းပြန်မဖြေဘဲ အင်တင်တင်လုပ်နေခဲ့သည်
ခဏမျှကြာတော့ စိတ်မရှည်သည့်လေသံနှင့် ခပ်မြန်မြန်မေးလာသည်

" အားလားလို့ ကိုယ်တွေ့ချင်လို့ပါကွာ နာရီဝက်ပဲ မဟုတ်ဘူး ဆယ့်ငါးမိနစ်ပဲ ခဏဆင်းလာခဲ့ပါနော် ''

" ကိုကိုကြီးဆေးရုံတက်နေလို့ အိမ်မှာ ကိုးနဲ့အန်တီချိုပဲရှိတယ် ကိုးလာရင် အန်တီချိုကအိမ်မှာတစ်ယောက်တည်းရယ် သိရဲ့လား ''

" ခဏလေးပဲလေနော် နော်လို့ ''

" ဂါးးးးးဘယ်လိုတောင် ဂျစ်တိုက်နေရတာလဲ တနေကုန်ပြစ်ထားပြီးခါမှ လာခဲ့မယ် ခြံရှေ့မှာစောင့်နေ ''

ခဏဟုဆိုသောကြောင့် ကျွန်တော် အနွေးထည်မဝတ်ဘဲ ဆင်းလာခဲ့သည်
အန်တီချိုမမြင်အောင် ခြံထဲမှ ခိုးကာဝှက်ကာ ကုတ်ချောင်းချောင်းနှင့်ဆင်းလာခဲ့သည်
ခြံရှေ့ရောက်သည့်အခါ မားမားကြီးရပ်ပြီးပြုံးနေသည့် ချစ်ရသူကစီး​ကြိုသည်

" လာ လမ်းထိပ်ထိ လမ်းလျှောက်ရအောင် ''

လက်ကိုဆွဲကာ လမ်းလျှောက်မည်ဟုပြောနေသူကို ကျွန်တော်နားမလည်နိုင်
အချိန်အားဖြင့် ည၁၀နါရီကျော်နေပြီး ဒီအချိန်လမ်းလျှောက်မည်ဟုပြောနေသည်မှာ မထူးဆန်းဘဲမနေနိုင်

" ဘာကိစ္စလမ်းလျှောက်မှာလဲ ''

"ဘာကိစ္စမှမရှိလို့ကိုလမ်းလျှောက်မှာ ဘာကိစ္စိဘာပျော်စရာမှမရှိဘဲ ဒီတိုင်းလမ်းတူတူလျှောက်ချင်ရုံပဲ ဘယ်လိုလဲ လိုက်မလား ကိုယ်ရှိတဲ့အရပ်ကို''

ကျွန်တော့်ရှေ့တွင် ရပ်ကာ လက်ကမ်းပေးလာသည့် ကိုကို
မဝင့်မရဲနှင့် လက်လေးထိုးပေးလိုက်သည့်အခါ လူကိုအတင်းဆွဲဖက်ထားသည်

" ဘာအစီအစဥ် ဘာကိစ္စမှမရှိဘဲ ကလေးနဲ့အတူ လျှောက်သွားပစ်ချင်တယ် ကလေးလက်လေးကိုခုလိုကိုင်ပြီး မျက်နှာမူရာလျှောက်သွားကြမယ် ''