" ကျွန်တော့်ကိုချစ်လား ''
" ရင်ဘတ်ကြီးနဲ့နင့်နေအောင်ပဲ ''
" ကျေနပ်တယ် ''
မနက်နိုးလာကတည်းက စိမ်းကားစွာ ကျွန်တော်ဟုသုံးနှုန်းသည်
အပြစ်မဖို့ချင်တာမို့ လွှတ်ထားပေးခဲ့သည်
ရှိသမျှအလုပ်ပြစ်ကာ ဆေးရုံတွင် ကလေးငယ်နှင့်အတူတူရှိနေပေးခဲ့သည်
စွတ်ပြုတ်တစ်ခွန်းခွန့်တိုင်း မေးခွန်းတစ်ခုမေးနေတော့သည်
ဥပမာ-ချစ်လားဟူ၍
" မနေ့ညက ဘယ်ရောက်နေတာလဲ ကျွန်တော်နိုးတော့ ကိုကို့ကိုမတွေ့ဘူး ''
ရင့်သီးသည်မဟုတ်သော်လည်း နားထဲစိမ်းသက်နေသည့် ကျွန်တော်ဟူသော နာမ်စားကြောင့် မြင့်မိုရ်စိတ်ထဲ စနိုးစနောင့်ဖြစ်ရသည်
" အိမ်ပြန်ပြီး ကိုးအတွက်လိုတာလေးတွေယူနေတာလေ ''
" ကျေနပ်တယ် ''
ကျေနပ်တယ်တစ်ခွန်းပြောကာ ပါးစပ်လေးဟပေးချိန် စွတ်ပြုတ်တစ်ဇွန်းအမီတိုက်ရသည်
မဟုတ်လျှင် မစားဘူးဟု ဂျီကျတတ်သည်ကို မြတ်မင်းမောင်မှတဆင့် သတိပေးစာရထားသည်
" ကျွန်တော့်ကြောင့်အလုပ်နားလိုက်တာလား ''
" ကိုးလေးက ကိုယ့်ဘဝပါ အလုပ်ဆိုတာ ဖေကြီးတို့ကိုကျေးဇူးဆပ်ချင်ရုံပဲ ကိုးလေးကိုချစ်တယ်ပြောပြီး ဒီလောက်တော့ကိုယ်လုပ်ပေးနိုင်ရမှာပေါ့ ''
" ကျေနပ်တယ် ''
သူကျေနပ်စေရန် စကားကိုအနူးညံ့ဆုံးဆိုသည်ကိုရှာဖွေသုံးနှုန်းနေရသည်
" ညကျရင် ကိုကိုဘယ်မှာအိပ်မလဲ ကျွန်တော့်ကုတင်ကကျင်းကျင်းလေးရယ် ''
လူနာကုတင်လေးအား လက်နဲ့တိုင်းကာ ဆူပုတ်ပုတ်ပြောလာသည်
" ကိုယ်အနားမှာပဲရှိနေမှာ ကိုးလေးစိတ်ပူမနေနဲ့ ''
" အိုကေ ကျေနပ်တယ် ''
စားလို့ကုန်သွားသည့် စွတ်ပြုတ်ပန်းကန်ကိုဆေးလိုက်သည်
သောက်ရန်ဆေးများကိုရှေ့ချပေးသည့်အခါ ဂျီကျမည်ဟုထင်ထားသော်လည်း မတူကွဲပြားစွာ နာခံသည်
YOU ARE READING
Pass Away (Complete) (Z+U)
RomancePass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
