မျက်ရည်များကုန်အောင်ငိုလိုက်ပါလေ
# ဥက္ကာ
ကြောက်မက်ဖွယ်အိမ်မက်ထဲမှ ရုံးထွက်ရန်ကြိုးစားရင်း လူဟာချွေးများဖြင့် လုံးပန်းနေသည်
တူကြီးကြီးနဲ့ထုခံထားရသလို ဦးခေါင်းခွံတွေကပါအတွင်းသားနှင့်အတူ အလိုတူအလိုပါ ကိုက်ခဲနေသည်
ခေါင်းအားဖိကိုင်ထားသောလက်တွင် ဆေးထိုးအပ်တန်းလန်းနှင့်ဖြစ်သည်
ပြင်းလွန်းသည့်ဆေးနံ့ကြောင့် မျက်လုံးများမဖွင့်မီ မျက်မှောင်အရင်ကျုံ့မိသည်
အလိုမကျခြင်းတို့အားစုပြုံလာသည်
မျက်လုံးကိုအားတင်းဖွင်ချိန်အလင်းစူးစူးကြောင့် ပြန်မှိတ်ထားလိုက်ရသည်
အခန်းမီးကိုဖွင့်ထားသည်နေမည်
မျက်လုံးထဲ စူးခနဲပင်
အနားမှတရှပ်ရှပ်ခြေသံကြောင့် အကူအညီရလိုရငှားအသံပြုလိုက်သည်
" အနားကဘယ်သူလဲ ''
သြရှရှသူ့အသံသာ အခန်းတွင်းပဲ့တင်ထပ်သွားသည်
" ဘယ်သူလဲလို့မေးနေတယ် ''
ဒုတိယမြောက်ခေါ်လိုက်သည့်အခါ ထိုခြေသံသဲ့သဲ့မှာအနားတိုးကပ်လာသည်
" ဘာများအလိုရှိလို့လဲ လူနာ ''
male nuse တစ်ယောက်၏ဖြေသံကို သူရှင်းရှင်းလင်းလင်းကြားလိုက်ရသည်
" မီးပိတ်ပေးပါ အခန်းမီးပိတ်ပေး ''
ခွင့်တောင်းသံအဆုံးတွင် မီးခလုတ်နှိပ်သံကိုကြားလိုက်သည်မို့ မျက်လုံးဖွင့်ကြည့်လိုက်သည်
ဆေးရုံ၏ private အခန်းတစ်ခန်းဖြစ်သည်
အခန်းတွင်းတွင် မြင့်မိုရ်နှင့် ထို male nuse တစ်ယောက်သာရှိသည်
အခန်း၏ ထောင့်ရှိစားပွဲဝိုင်းတွင် မရှုမငြီး၏ခြုံပုဝါလေးတစ်ထည်မှာ လွှားတင်ထားသည်ကိုတွေ့ရသည်
" အဲ့အမျိုးသမီးရော ''
ခြောက်ကပ်ကပ်လည်ချောင်းကိုအားပြုကာ ခြုံပုဝါအပြာလေးအားလက်ညိုးထိုးမေးလိုက်သည်
" ဆရာဝန်ကြီးရုံးခန်းမှာပါ ခဏနေပြန်လာပါလိမ့်မယ် ''
ကိုယ်ပေါ်ရှိ အဖြူရောင်လူနာဝတ်ဆုံကိုငုံ့လျှိုးကြည့်ရင်း ပါးစပ်အဟောင်းသားဖြစ်ရသည်
ŞİMDİ OKUDUĞUN
Pass Away (Complete) (Z+U)
RomantizmPass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
