" ဒီနေ့ မေကြီးတို့ဂေဟာကိုအလည်သွားကြမလား ကိုး''
မနက်စာစားဝိုင်းတွင် ကျွန်တော် ကလေးငယ်အား မေးလိုက်သည်
" ကောင်းတယ် ကိုကို ကိုးလည်း သွားလည်ချင်နေတာ ''
" ဟုတ်ပြီ အဲ့ဆို အတူသွားကြတာပေါ့ ''
ထို့နောက် ဖေဖေမေမေတို့အား ခွင့်တောင်းကာ ကျွန်တော်တို့ ကားလေးနှင့်ထွက်လာခဲ့ကြသည်
လမ်းတလျှောက်တွင် ကလေးငယ်သည် ကျွန်တော့်ထံတွင်ရင်ဖွင့်သည်
" ကိုး မေကြီးတို့ဆီမရောက်တာ တော်တော်မှတော်တော့်ကိုကြာပြီ မေကြီးမှတ်မိပါ့မလား ကိုးကိုလေ ''
ကလေးငယ်သည် စကားအဆုံးတွင် အသံလေးတိမ်ဝင်သွကာ မျက်နှာလေးညိုးကျသွားသည်
" ခုကိုကိုနဲ့အတူတူသွားနေရပြီမလား စိတ်ညစ်မနေနဲ့တော့ အိပ်ရင်အိပ်လိုက် ရောက်ရင်ကိုယ်နှိုးမယ် ''
ကျွန်တော်ပြောလိုက်တော့ ကလေးငယ်သည် ခေါင်းလေးနောက်မှီကာ အိပ်ပျော်သွားတော့သည်
အိပ်ပျော်နေသည့် ကလေးငယ်၏ခေါင်းလေး မှန်နှင့်ပြေးစောင့်မှာစိုးရိမ်သောကြောင့် လှည့်ကြည့်လှည့်ကြည့်နှင့်ပင် ကားမောင်းလာခဲ့သည်
တောင်ပတ်လမ်းတစ်လျှောက် ချယ်ရီများပွင့်နေသည့် အလှတရားအား ကြည့်ရန် ကျွန်တော် ကလေးငယ်အားနှိုးလိုက်သည်
" ကိုး ကိုးထအုန်း ''
" ဟင်......အင်း......''
အင်းအဲနှင့် မျက်လုံးပြန်မှိတ်သွားသည့်ကလေးငယ်ကြောင့် ကျွန်တော် ခပ်တိုးတိုးလေးရယ်လိုက်သည်
" ကဲ ပြန်အိပ်မနေနဲ့ အပြန်ဘက်ကိုတစ်ချက်လောက်ကြည့်အုန်း ''
" ဟင် ဘယ်...ဘယ်ကိုကြည့်ရမှာ ''
မျက်ခွံလေးများအား ရဲရဲနီသည်အထိ ပွတ်သပ်နေသည် ကျွန်တော်တားရပြန်သည်
" ဟေ့ အဲ့လောက်မပွတ်ရဘူးလေ ရေလေးသောက်လိုက် ''
" ဟုတ် ''
ကျွန်တော်ရေဗူးကမ်းပေးတော့ ကလေးငယ်က အလိုက်တသိ ယူသောက်လိုက်သည်
ရေသောက်ပြီးနောက် ကျွန်တော်ပြောသည့်အတိုင်း အပြင်ဘက်ခြမ်းကို တစ်ချက်ငေးကြည့်ကာ ပြုံးတော့သည်
ESTÁS LEYENDO
Pass Away (Complete) (Z+U)
RomancePass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
