အနီရောင် Aster ပန်းများ.....................
နီရဲရဲတောက်နေသည့် ကိုကိုပေးသော ပန်းစည်းထဲမှ Aster ပန်းများကို နှာဖျားလေးနှင့် ကျီဆယ်မွှေးကြူရင်း တခစ်ခစ်ရယ်မောမိသည်
နားနားကပ်ကာ တီးတိုးဆိုစေသော ပန်း၏အဓိပ္ပါယ်မှာ 'မသေဆုံးသော ပေးဆပ်ခြင်း ' မည်၏
နေ့ရက်များဟာ နတ်သူငယ်မြူသည့်အိမ်မက်များလို ပြီးပြည့်စုံကာရင်ခုန်စိတ်လှုပ်ရှားစေသည်
ချစ်ရသူ၏လက်လေးတစ်စုံ ၊ ချစ်ရသူ၏ပုံရိပ်များပြည့်နေသည့်အိမ်လေးတစ်လုံး ရှိရုံနှင့် ကိုးဟာ ဘဝပြည့်စုံခြင်းကိုစံစားနေရသည်
" Aster တွေလှရဲ့လား ကလေး ကိုယ်သေချာမှာပေးထားတာ ''
Lover seat တွင်ထိုင်၍ နီရဲရဲပန်းစည်းအားပွေ့ပိုက်ထားသော ကိုးအား မြင့်မိုရ်ကားမောင်းရင်းမေးလိုက်သည်
" လှပါတယ်ကိုကို မပြောင်းလဲဘဲလှတုန်း ''
ပြုံးစစနှင့်ချစ်စဖွယ်ပြန်ဖြေလာသည့် ကိုး၏ပါးပြင်အား ခပ်ဖွဖွညစ်ရန် လက်လှန်းလိုက်စဥ် ရင်ဘတ်တလျှောက်ပျို့တက်လာမှုကြောင့် ကားကိုထိုးရပ်လိုက်သည်
ကားတံခါးကိုအတင်းတွန်းဖွင့်၍ လမ်းဘေးတစ်နေရာတွင် ခေါင်းထိုးအန်မိသည်
အနောက်မှကျောပြင်ကို ကလေးငယ်သည် လက်သေးသေးလေးများဖြင့် ပွတ်သတ်ထုထောင်းပေးသည်
" အဆင်ပြေရဲ့လားကိုကို ဆေးခန်းသွားကြမလား ''
လက်ခါပြ၍ငြင်းတော့ ကလေးငယ်သည် 'ခေါင်းမာပြန်ပြီ ' ဟု တီးတိုးရေရွတ်လိုက်သည်ကို မြင့်မိုရ်သေချာကြားသည်
ကလေးငယ်၏ ထိုစကားမှာမမှားချေ
မြင့်မိုရ် ဤသို့အော့အန်နေသည်မှာ ခဏခဏပင်
တခါတရံ အလုပ်လုပ်ရင်း ၊ တခါတရံ ထမင်းချက်ရင်း ၊ တခါတရံ ယခုလိုကားမောင်းရင်း ဖြစ်လေ့ဖြစ်ထရှိသည်
အမြဲဆေးခန်းသွားရန်တိုက်တွန်းသော်လည်း ကိုကိုဟာ ဆေးခန်းကို ယောက္ခမအိမ်လို့မြင်နေပုံပင်
မသွားချင်ကြောင်း တဆတ်ဆတ်ခေါင်းခါငြင်းတတ်သလို နောက်မှဟူ၍လည်းရွှေ့ဆိုင်းတတ်သေးသည်
ESTÁS LEYENDO
Pass Away (Complete) (Z+U)
RomancePass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
