Pass Away (Complete) (Z+U)

part(35).....တောင်ပေါ်မြေမှချယ်ရီ

" ကိုယ်ဟာ ကလေးအတွက်လေပြေလေးဖြစ်ပေးပါ့မယ် '

#မြင့်မိုရ်

သင်းပျံပျံချယ်ရီများသည် ဆေးရုံဝန်းတစ်ခုလုံးတွင် အနှံ့မွှေးကြိုင်နေစေတော့သည်

လေတိုက်ရာနောက် လူးလာခေါက်ပြန်လိုက်ပါနေသော ပွင့်ချပ်များမှာလည်း နေရာအနှံ့ပင်

အခန်းပြတင်းပေါက်အားဖွင့်ကာ ပန်းနုရောင်ပါးလျလျပွင့်ဖတ်ကလေးများအား ဝင်ခွင့်ပြုလိုက်သည်
တဟူးဟူးတိုက်နေသော လေနောက်ပျံ့လွင့်လာသော ပွင့်ဖတ်များအား မျက်နှာမော့ကာလေညင်းခံရင်း စီး​ကြိုသည်

ဖြူသွယ်သွယ်လက်ချောင်းတို့သည် ပြတင်းဘောင်တွင် နေရာယူကာ မေးထောက်ထားစေ၏

ဖြည်လျှော့လိုက်သောစိတ်တို့သည် တင်းမာနေခဲ့သည်မှာ အချစ်ကြောင့်လား.၊ အလုပ်ဒဏ်ကြောင့်လားမသဲကွဲ

သူ လေးနာရီမျှသာအိပ်ရသေးသည်

ညက နှစ်​ယောက်ကြားရန်ဖြစ်ကာ ပြန်ပြေလည်ခဲ့သည်
ကိုကိုသည် ညစာစားအပြီး သောက်ဆေးတွင်အိပ်ဆေးပါသောကြောင့် စောစောအိပ်ပျော်သွားခဲ့သည်

စောစောမအိပ်တတ်သော သူသည် စားရေးရင်းပင် ညနက်မှအိပ်ပျော်သွားခဲ့သည်

ဆိုဖာထိုင်ခုံပေါ်တွင်အိပ်ခဲ့တာကြောင့် တကိုယ်လုံးကြိုးတုပ်ခံရသလို တောင်းတင်းနေသည်

အညောင်းပြေလမ်းလျှောက်ရင်း ပြတင်းပေါက်ကိုဖွင့်မိချိန် ချယ်ရီနံ့ဟာ တစ်ခန်းလုံးနေရာလပ်မကျန်မွှေးပျံ့သွားစေသည်
ပြတင်းပေါက်တွင် လက်ထောက်ကာ လေကိုတစ်ဝရှူနေခိုက်တွင် ကိုကို့၏အသံအားသူကြားလိုက်ရသည်

" ဘယ်သူလဲ မင်းဘယ်သူလဲ ''

စကားလုံးများမှာ ကြောင်တောင်တောင်နိုင်သည့်အပြင် အသံမှာလည်းအရင်လိုနူးညံ့မှုစိုးစီမရှိ

ကြောင်နနလေးနှင့်ပင် ကိုးပြန်လှည့်ကြည့်လိုက်သည်

" ဘယ်သူလဲလို့ ''

ကြောင်နေဆဲကိုးကိုစိတ်မရှည်စွာ သူမျက်မှောင်ကျုံ့လိုက်သည်