Pass Away (Complete) (Z+U)

part(36)..End.. တောင်ကြီးအပြန်လမ်း

Operation ခန်းထဲဝင်သွားသောကိုကိုသည် တစ်နာရီမျှအကြာတွင်ပြန်ထွက်လာခဲ့သည်
သို့သော် အဖြူရောင်ပုဝါအုပ်လျက်ဖြစ်၏

ကြိုတင်မျှော်လင့်ပြီးသား ဤလမ်းသည် တကယ့်လက်တွေ့တွင် ကိုးအား သေလောက်အောင်နာကျင်စေ၏

ပျော့ခွေသွားစေ၏

နုံအသွားစေ၏

သုံးရက်မြောက်နေ့တွင် ကိုကို့နာရေးအားတက်ရောက်ခဲ့သည်
မီးမဂြိုလ်စဥ်အချိန်အတွင်းတွင် သူသည် ကိုကို့အားတစ်ချက်မကြည့်ခဲ့ပါ

သူသည် ကိုကို့၏ဝိဉာဥ်ကိုချစ်ခဲ့သည်မို့ ကိုကိုမရှိသော ဤခန္တာကိုယ်အလွတ်အားသူကြည့်၍မငိုချင်ပါလေ

ထို့အပြင် သူသည် ကိုကို့အားကတိတစ်ခုပေးခဲ့ပါသေးသည်
ကိုကိုသေလျှင် ကိုကို့ရုပ်ကလပ်အားမကြည့်ပါဘူး ၊ မငိုပါဘူးဟူ၍

ကိုကိုတို့သည် ခရစ်ယာန်များမို့ ရက်လည်ဘာညာဟူ၍မရှိပါလေ

သို့သော် ကိုးသည် ကိုကို့အတွက် ဘုန်းကြီးကျောင်းတွင် ဆွမ်းကပ်ခဲ့သည်

ကိုကို့သေဆုံးကြောင်းအား တောင်ပေါ်မြို့လေးမှ မေကြီးတို့အား စာလေးတစ်စောင်ရေးကာ အသိပေးခဲ့သည်

သူကိုယ်တိုင်သွားလျှင် ငိုနေသောမေကြီးကိုကြည့်ကာ သူပါသေသွားနိုင်သည်မို့

တောင်ကြီးမှအပြန်တွင် မရှုမငြီးသည် သူ့အား ကိုကိုဖတ်နေသော စာအုပ်များနှင့် ဘော့ပင်များကိုလက်ဆောင်ပြန်ပေးလိုက်သည်

ဘော့ပင်................

ထိုဘော့ပင်တွေဟာ ကိုကိုနှင့်စတွေ့ခဲ့သည့်ရက်များမှ ကိုကို့၏ထွက်ခွာသွားသည့်ရက်များအထိအတူလိုက်ပါလာခဲ့ကြသည်

တန်ဖိုးမဖြတ်နိုင်သော အရာများတွင် ကိုကိုကိုင်ခဲ့သော ထိုဘော့ပင်များလည်း ပါ၏

စာအုပ်များအားသူလှန်လျောစဥ်တွင် ကိုကို​၏စာလုံးဝိုင်းလေးများနှင့်စာမျက်နှာများကိုတွေ့ရသည်

* ကိုယ်မသေခင်လေးမှာ ကလေးငယ်ကိုအမှတ်ရစရာလေးတစ်ခွန်းတော့ပြောပြချင်ပါ့ရဲ့ ကဗျာဆရာမဟုတ်တော့ ဘာပြောရမယ်ကိုယ်မသိဘူး ကိုယ်ချယ်ရီတွေကိုကြည့်နေခဲ့တယ် နေ့တိုင်း.... ညတိုင်း .....ကိုယ်တစ်ခုသိလိုက်ပြီ ကိုယ်ဟာချယ်ရီတွေနဲ့ပတ်သတ်ပြီး ကလေးကိုအမှတ်ရစရာတစ်ခွန်းတော့ပြောပြရမယ် *