3.4.2020....................
မနက် ၅:၃၀
ဆေးရုံလျှောက်လမ်းအမိုးမှ တဝီဝီလယ်နေသော ပန်ကာကို မျက်နှာသေနှင့် မော့ကြည့်နေသည် မိနစ်မြောက်များစွာကြာချေပြီ
ပြီးခဲ့သည့်ရက်သတ္တပတ်ကတည်းက ဆေးစစ်ချက်အဖြေတွေရမည်ဟု ဥက္ကာထံမှ စာပို့ထားသည်
ဆေးစစ်ခဲ့သည်မှာလည်း ဥက္ကာ၏အတင်းတိုက်တွန်းမှုကြောင့် လုပ်ခဲ့ရပြီး ကလေးငယ်တစ်ယောက်အားအသိမပေးခဲ့ရချေ
ဘာမဟုတ်သည့်ကိစ္စတစ်ခုနှင့် ကလေးငယ်အား စိတ်မပူစေလိုသောကြောင့်ပင်
ညဂျုတီကျသည့် ဥက္ကာသည် မနက် ၇ နာရီတွင်ဂျူတီဆင်းမည်ဖြစ်ကြောင်းပြောသည်
မြင့်မိုရ်လည်း မနက် ၄ နာရီကတည်းကနိုးနေ၍ လေ့ကျင့်ခန်းလုပ်ရင်း ဆေးရုံသို့တန်းလာခဲ့သည်
မြင့်မိုရ်ထွက်လာချိန်တွင် ကလေးငယ်သည်အိပ်နေဆဲပင်
အသိမပေးဘဲ ထွက်လာခဲ့သည်ကြောင့် ကလေးငယ််စိတ်ပူနေချေတော့မည်
" သီဟမြင့်မိုရ် ဝင်ခဲ့လို့ရပါပြီရှင် ''
သူနာပြု၏အသံကြောင့် ပန်ကာမှအကြည့်လွှဲကာ အထူးကုရုံးခန်းထဲသို့ဝင်သွားလိုက်သည်
ဥက္ကာသည် အရိုးအထူးကုဖြစ်သောကြောင့် မြင့်မိုရ်အား သူယုံကြည်ရသောဆရာထံတွင်အပ်ခဲ့ခြင်းဖြစ်သည်
" ထိုင်ပါ ဥက္ကာရဲ့သူငယ်ချင်းသီဟမြင့်မိုရ်ဟုတ်တယ်မလား''
ဆရာဝန်ကြီး၏နှုတ်ဆက်စကားအား ပြုံး၍သာခေါင်းငြိမ့်ရင်းထောက်ခံသည်
ထိုင်ခုံတွင်ဝင်ထိုင်ချိန်ထိ ဆရာဝန်ကြီး၏မျက်နှာမှာ မပြုံးမရွှင်ပင်
" ဒီကိုကြည့် မြင့်မိုရ် ''
မြင့်မိုရ်နားမလည်သည့် ဓာတ်မှန်ပုံများကိုလက်ထောက်ကာ စကားစလိုက်သည်
" ဦးနှောက်ရဲ့နေရာအနှံ့အပြားမှာ အကြိတ်လေးတွေဖြစ်နေတာ အကြိတ်နေရာတွေကအဖြေအနေအကောင်းကြီးတော့မဟုတ်ဘူး
အော့တယ်အန်တယ်ခေါင်းမိုက်ခနဲဖြစ်တယ်ဆိုတာရောဂါလက္ခဏာတွေပဲ အင်းးးး''
ဆရာဝန်ကြီးသည် သက်ပြင်းရှည်တစ်ခုကိုမလုံမလဲချလိုက်သည်
أنت تقرأ
Pass Away (Complete) (Z+U)
عاطفيةPass Away တွင် အချစ်ကြောင့်ဖြစ်ပေါ်လာသော ခံစားချက် ၊ လုပ်ရပ်များနှင့် ခံယူချက်များကို ဇာတ်ကောင်တစ်ယောက်စီတိုင်း၏ရှုထောင့်မှရေးသားထားသည် အချစ်ကို အပျံသင်တတ်စငှက်ငယ်တစ်ကောင်လောက်သာ အတွေ့အကြုံရှိသည့် စာရေးဆရာတစ်ယောက်၏ သူချစ်ရသူအကြောင်း ပြောပြရေးသားထားသ...
