𝑺𝒕𝒆𝒂𝒍 𝑻𝒉𝒆 𝑴𝒂𝒍𝒆 𝑳𝒆𝒂𝒅 (𝑴𝑴 𝑻𝒓𝒂𝒏𝒔𝒍𝒂𝒕𝒊𝒐𝒏)❲✓❳

25...

Unicode

စုဖူဝမ် ကအလျင်အမြန် ရှေ့တိုးလာပြီး တခြားလူဒါဇင်ပေါင်းများစွာက သူ့နောက်မှ လိုက်လာခဲ့ကြသည်။ သူ့အနီရောင် မျက်လုံးတွေက ဒေါသတွေနဲ့ လောင်ကျွမ်းနေရင်း သူ့ဝန်းကျင်တွင် ခန္ဓာကိုယ်တွေက လဲကျနေသည်။

အနောက်မှ ကျောင်ဝေ့မင် ကပြုံးလိုက်သည်။

“ဖေးချန်းချီ!” စုဖူဝမ် ရဲ့အသံက ကျယ်လောင်ကာ စူးရှနေသည်။

ဖေးချန်းချီ ကအသက်မဲ့နေသည့် မျက်လုံးတွေကို မော့လိုက်ပြီး ထိုလူအား ကြည့်လိုက်သည်။ ရုန်းကန်ရမှာလား? ဘာအတွက်လဲ... ဒါတွေကို သူလက်ခံလိုက်မယ်။

“ဂိုဏ်းခေါင်းဆောင်စု မှာအံ့ဩစရာကောင်းတဲ့ ဂိုဏ်းရှိတာပဲ။ ဒီလူတွေက မင်းကို အလွယ်တကူ သစ္စာဖောက်ပြီး ဖူရွှေဂိုဏ်း ရဲ့စည်းမျည်းကိုတောင် ပြောင်းလဲလိုက်တယ်။ အရမ်းကို အံ့ဩစရာကောင်းတယ်လို့ ငါက ပြောချင်ရုံပဲ” ကျောင်ဝေ့မင် ကပြုံးလိုက်ရင်း စုဖူဝမ် ရဲ့မျက်နှာက မဲမှောင်သွားခဲသည်။

စုဖူဝမ် ကရပ်လိုက်ပြီး ဖေးချန်းချီ ကိုစိုက်ကြည့်လိုက်သည်။ “မင်း ဘာကြောင့် ဒီလိုတွေ လုပ်နိုင်တာလဲ?”
ဒီမေးခွန်းနဲ့ ရင်ဆိုင်လိုက်ရပြီး ဖေးချန်းချီ တွင်ပြောစရာ မရှိပေ။ သူ့ခေါင်းကိုသာ ငုံ့ထားခဲ့ပြီး သူ့မျက်လုံးထဲမှ နာကျင်မှုတွေအား ဖုံးကွယ်ထားခဲ့သည်။

ကျောင်ဝေ့မင် ကမျက်မှောင်ကြုတ်လိုက်သည်။ “ဘာကြောင့်ဖြစ်ရမှာလဲ? သူက မင်းအပြုအမူတွေကို ဒေါသဖြစ်ခဲ့တာလေ။ သူ့အကူအညီနဲ့ ငါတို့က ဆွေ့ဟွားတောင်ကြားနဲ့ မသေမျိုးထျန် ကိုအောင်မြင်စွာ ဖယ်ရှားနိုင်ခဲ့တယ်” ကျောင်ဝေ့မင် က စုဖူဝမ် ကိုထိုးစွ,နေမှန်း သိသာသည်။

စုဖူဝမ် ကခေါင်းခါလိုက်သည်။ သူ့မျက်လုံးတွေက မြေပြင်တွင် ကျန်ရှိနေသည့် သေဆုံးခန္ဓာကိုယ်တွေကို ကြည့်လိုက်သည်။

ကျောင်ဝေ့မင် ကအရာအားလုံးရဲ့ အကျိုးဆက်ကို သိနေခဲ့ပြီး တဖြည်းဖြည်း ပြောလိုက်သည်။ “ငါ့အပိုင်းက ဒီမှာတင် ပြီးသွားခဲ့ပြီ။ ဂိုဏ်းခေါင်းဆောင်စု၊ မှတ်ထားပါ၊ အခု ငါ့အပေါ်ကို မင်းဘာမှ မလုပ်နိုင်ဘူး။ မင်းဂိုဏ်းထဲက လူတွေကို သတိထားပါ” သူ့လက်ကို လွှဲလိုက်ပြီး သူ့ခန္ဓာကိုယ်က ပျောက်ကွယ်သွားကာ သူ့နောက်မှ နတ်ဆိုးကျင့်ကြံသူတွေက လိုက်သွားခဲ့ကြသည်။