𝑺𝒕𝒆𝒂𝒍 𝑻𝒉𝒆 𝑴𝒂𝒍𝒆 𝑳𝒆𝒂𝒅 (𝑴𝑴 𝑻𝒓𝒂𝒏𝒔𝒍𝒂𝒕𝒊𝒐𝒏)❲✓❳

Extra 3

Unicode

ရာဗန် ကသူ့ကို ဘာကြောင့် ဒုတိယအခွင့်အရေး ပေးခဲ့လဲဆိုတာ မသိခဲ့ပေ။ လူတွေက သူ့ကို ဘာကြောင့် ခွင့်လွှတ်ပေးခဲ့တာလဲ? သူ့လက်ထဲတွင် သွေးတွေက ခြောက်သွေ့နေပြီး အပြစ်တွေကိုလည်း ကျူးလွန်ခဲ့ကာ ဘာမှပြန်ပြင်လို့ မရနိုင်ပေ။

သို့သော် သူက အခွင့်အရေးပေးခဲ့သည်။

ဒီခန္ဓာကိုယ်အသစ်ကို သူရခဲ့ပြီး ဒီဘဝအသစ်ဆီ ဝင်ရောက်လာကာ သူ့အရင်ဘဝကို ပြန်သတိပေးနေခဲ့သည်။ ရုတ်တရက် သူက ရာဗန်ဘလိတ် ဖြစ်လာခဲ့ပြီး သူ့အဖေဆီမှ လျစ်လျူရှုခံရသည့် ဘီတာတစ်ယောက် ဖြစ်လာခဲ့သည်။

သူက သူ မဟုတ်ပေ။ သူက အာလန် ဖြစ်သည်။ သူလာခဲ့သည့် ကမ္ဘာတွင် အယ်လ်ဖာ၊ ဘီတာ၊ အိုမီဂါ ဆိုသည့်အရာတွေ တစ်ခုမှ မရှိပေ။ သူက ရိုးရှင်းစွာဖြင့် ယောင်္ကျားလေး၊ မိန်းကလေးတွေသာ ရှိသည်။

အရွယ်ရောက်လာပြီး အာလန် ကငယ်ငယ်တည်းက စွန့်ပစ်ခံခဲ့ရသည်။ ကျွန်တွေနဲ့သာ နေထိုင်ခဲ့ပြီး သူက ချစ်ခြင်းလိုအရာကို မခံစားခဲ့ရဖူးပဲ အမှိုက်ပုံတွင် စားသောက်နိုင်ဖို့သာ ရှာဖွေရင်း အသက်ရှင်ခဲ့ရသည်။ လူအချို့ရဲ့ ရိုက်နှက်မှုကိုလည်း အမြဲတမ်း ခံစားခဲ့ရသည်။ ပေါင်မုန့်တွေ ခိုးပြီးစားသောက်ပြီး အာလန် ကတစ်ခုခုလုပ်ဖို့ ဆန္ဒရှိနေခဲ့သည်။

အသက် ၁၆ နှစ်လောက်ကလား? သူ့ခန္ဓာကိုယ်ကို စတင်ရောင်းလိုက်သည့် အချိန်ဖြစ်လိမ့်မည်။ သူ ဂရုမစိုက်ခဲ့ပေ။ ရိုက်နှက်မှုတွေ၊ နာကျင်မှုတွေကို ခံစားခဲ့ရတာကြောင့် သူ့ဗိုက်ကလည်း နာကျင်မှုကို ထပ်မခံစားနိုင်တော့ပဲ သူ့ကိုယ်သူ ပြည့်တာဆာအဖြစ် ရောင်းချလိုက်တာက ပိုကောင်းနိုင်သည်။ သူက အဆိုးဆုံး ဝယ်ယူသူတွေသာ ရခဲ့သည်။ ကျွန်တွေကြားတွင် နှစ်ပေါင်းများစွာ နေထိုင်ပြီး နာကျင်မှုတွေကို ထပ်တလဲလဲ သင်ယူခဲ့ရသည်။ ထိုအချက်ကြောင့် သူ့ခန္ဓာကိုယ်တောင် ထုံကျင်နေခဲ့သည်။

သူသေဆုံးခဲ့သည်။ လူအများအပြားက သူတို့ကိုယ်တိုင် ကျွန်ဈေးကွက်တွင် ရောင်းချခဲ့ပြီး သူ့အား သေစေလောက်သည့် ဝယ်သူနဲ့ ကြုံတွေ့ခဲ့ရသည်။