لم تكن امي(لبوة الاسد)

مشهد

،، رواية لم تكن أمي(لبوة الأسد)..،،
مشهد ١..
مصدكت من خلصت تنظيف البيت وسويت الغده احس ضهري راح ينقسم نصين من الشغل...
ركضت على جنطتي طلعت كتبي اريد اللحك اقره باجر عدي امتحان فيزيا والنهار طار نصه بعدني ستوني فتحت الكتاب دفرت الباب برجلها وطبت عليه بالغرفه
.. لج هي قذره شو كعدتي اني مو كلت نظفي الكراج وغسلي الفرشات شو صايره متنفذين لازم جلدج مشتاق للكتل
لااا فدوه ماما والله ستوني كعدت جنت انظف البيت وكملت الغده والله تعبت وعدي امتحان باجر ولهسه مقاريه حرف فدوه بس اليوم خليني ما اغسل الكراج
.. اشو صايره تراددين قويانه عود بوجود عمتج يابه اليوم ماكو عمتج خلي اشوف منو يخلصج مني
ش شراح تسوين.. مجاوبتني راحت مدري وين واني الخوف اكلني اريد اختل منها وين اروح وين وين فكرت اختل جوه الجربايه بس لسوء حظي رجعت طبت قفلت الباب عليه وشايله بيدها الصونده
.. اليوم اخلي هاي الصونده تلعب على جلدج
فدوه لاااا لااا يمه لااا بااباا..
محد سمعني لانو ماكو احد بالبيت غير خواتي ويخافون منها صار تضربني بيها بكل وحشيه ورمت جسمي اصرخ وابجي اريد احد يخلصني من الوجع الي داحس بي بس ماكو..
بعد متلذذت بضربي راحت على كتابي الي طلعته حته اقره بي وشكته سوته الف قطعه كمت ابجي بحركه ليش ليش هيج تسوين بيه
.. خلي اشوف شلون راح تقرين بعد.. خلي يفيدج الكاتب وهسه امشي طلعي نظفي الكراج لا والله ارجع العب الصونده على ضهرج
مجنت اكدر اوكف من الوجع اجت لزمتني من ملابسي وسحلتني للطارمه شمرتني بالكاع والدنيا صيف موت حر وفوكاها حافيه كمت ابجي من الم جسمي ورجلي و كتابي الي شكته...
٠٠٠٠٠٠٠٠٠٠٠٠٠٠٠٠٠٠٠
مشهد ٢..
كملت سبح لبست البرنص ولفيت الخاولي على شعري طلعت من الحمام للغرفه شفته واكف يم السرير ولازم تلفوني وعاكد حاجبه الخوف تملك كلبي عززه معقوله عرف بكل شي والله اروح بيها ومو بعيده يذبحني...
بلعت ريكي مثلت القوه كدامه بس بداخلي ميته خوف.. رحت لميز التواليت كعدت انشف بشعري واسوي روحي ممهتمه..
عاف التلفون على الميز تقدم عليه قيد خصري بأيده وحط راسه بركبتي زعجني.. كتله
عفيه شبيك وخر مني وخرر.. شو اني بس كلت هيج ماحسيت غير تحول غير شخص وصار مثل الوحش دارني عليه قيدني ظل حاط راسه بركبتي واني ادفع بي اكله..
شبيك تخبلت انته وخررر مني..
ماهتم اليه شمرني على الجربايه ونام فوكايه وصار الي محد جان متوقع يصير وانو هذا الشخص بالذات يسوي هيج وياي وياخذ عذريتي!!!!.....
~~~~~~~~&&&~~~~~~~~~~~~~
هلوو حبايب قصه حقيقيه من واقعنه تتناول حال هواي بنات بيها اختلاف عن بقيه القصص وراح تشوفوها ان شاء الله
القصه بيها اكثر من رساله اريد اوصلها أولاً للامهات وثانياً للبنات المراهقات حصرا.. وحته الشباب الولد بيها عبر تابعوها

القصه طبعا منقوله مو الي متابعه ممتعه💕