لم تكن امي(لبوة الاسد)

البارت الخامس عشر

،، رواية لم تكن أمي،،
_البارت الخامس عشر _
.......................
شمسٌ أنا 
و الشمس لا تنطفئ
أنا اليقين أثناء الربّما
أنا مرساة نفسي و السفينة
أنا عُكّاز نفسي ،  أستقيم و أُقيم
.........................
مهيمن _اشوفج باجر ان شاء الله هدوشتي..
هدى _هاا ليش...
مجاوبني خله وطلع واني بقيت بحيره بين كلامة وبين الشعور الي داحس بي من اقترب مني..
طبيت للبيت وقفلت البيبان واني شبهه بعدني افكر بموقف مهيمن وياي ليش هيج يهتم بيه ويذكر أصغر تفاصيل حياتي..
شنو سر هذا الإهتمام بيه والخوف عليه ونضراته الي ماعرف افسرها وابتسامتة من يشوفني وسؤاله عليه معقولة عطف على وضعي الي صرت بي لو حته يحميني من هذاك البيت..
حياة _ها هدى اشوفج صافنة مو داحجي وياج..
هدى _لا مصافنة بس دافكر شنو كلتي؟
حياة _داكلج شوكت راح مهيمن
هدى _مصار هواي شوفي طلع جايب كيكة مال عيد ميلادي..
حياة _ياعيني شكد كلبة طيب وجبير
هدى _اي
حياة _الله يحفظه لشبابة اني مهيمن حيل أعزه مو لانو ابن اختي لا والله بس  صاحب مواقف حلوه وعدنه احترامة وللصدك من خطبج حيل كيفت..
هدى _اليوم نازلة مدح بمهيمن..
حياة _اي الواحد يحجي الحق...
يلا هسه كافي سوالف روحي لفراشج باجر ورانه طلعه من الصبح وفره من هاي الزينة
هدى _تمام.. تصبحين على خير
جنت نعسانه بحيث رأسا نمت من دون مافكر بشي كعدت ثاني يوم بال٩ الصبح مطيت جسمي شنو من نومه هاي جريتها فرد جره بحيث محسيت بروحي..
كمت غسلت وحطيت حجابي على راسي ونزلت جوه شفت عمو يوسف كاعد يتريك هوه وماما يسولفون صبحت عليهم وصبيتلي كلاص جاي وكعدت وياهم..
الشي الحلو بعمو يوسف اجتماعي وابتسامته متفارق وجهه ودائما يحب ينصح ويسولف عن أيامه بالبصره ابد مو معقد..
خلصنه ريوك اني صعدت ابدل اول شي صفنت على الملابس والله حيره خصوصا اني لبسي شوية تغير بعد كلام امي حياة انو ميصير اظل على لبسي القديم وكذا..
كلبت بيهن بعدين طلعت بنطرون جينز اسود وفوكاها قميص مشمشي يوصل طولة فوك الركبة ولبست شال اسود هم باوعت على نفسي بالمراية خوش راهم حبيته..
نزلت جانت ماما حياة هم مكمله داطلع جان تكلي..
حياة _انتضري شويه فد ٥ دقايق..
هدى _ليش بعدج ممكملة؟
دتحجي جان يدك تلفونها
حياة _يلا اجه خلي نطلعلة..
هدى _طلعت جان اشوف سيارة مهيمن بالباب وهوه كاعد بيها حجيت،،
هاي شنو مهيمن جاي ويانه لو يوصلنة؟
حياة _الاثنين..
هدى _ياا شعجب؟
حياة _شمدريني عجبه يطلع ويانه خوما اكله لا تجي..
هدى _ممم صعدت ماما يمه واني ليوره..
مهيمن _شلونكم خوما تأخرت..
حياة _لا أسد اصلا ستونه كملنه تبديل..
مهيمن _هاا خوش..
اكول خالتي حليانة هل ايام شنو كاعد تاكلين ما دكوليلي مو هيج حتخلين الناس تباع عليج واني اغار تره..
حياة _هههه بطل سوالفك أسد وانتبه على الطريق..
مهيمن _اي مو تدللين..
الجماعة مالهم حس الظاهر بعدهم نايمين
هدى _تحجي وياي؟
مهيمن _شدكولين انتي
هدى _ممم مدري..
مهيمن _خير ان شاء الله..
هسه اول شي لسوك القماش وبعدين للسوك الجبير مو..
حياة _اي يمه..
هدى _مسافة الطريق وصلنة للسوك مهيمن راح يوكف السيارة واحنه رحنه قبله اول شي رحنه للمحل الي تتعامل وياه أمي حياة جان المحل بي رجال جبير بالعمر وثنين ولد..
نطته أمي القطع شفته علامات الرضى على وجهه فرحت والله بالنسبه اليه هاي الفقره مال تسليم أصعب حته من استلام نتائج المدرسة هههه..
بعدين كعدوا شوية يتفاهمون على المبلغ والسوك وشنو يريد تخيط اله ومن هل سوالف شوية باوع عليه الرجال وحجه،،
ابو عبد الله _هاي بنتج ست حياة الي تصمم وياج وتجيبين جنتي تصاميمها
حياة _اي بنيتي..
ابو عبد الله _الله يحفظها الج ما شاء الله صغيره بس شاغوله شغلها حلوو ومال بنات هل وكت تفيدنه..
حياة _الله يسلمك ابو عبد الله..
اي هيه تحب التصميم وهسه بدت تتعلم لمكينة الخياطة..
ابو عبد الله _اي زين مسوين..
مهيمن _السلام عليكم..
ابو عبد الله _وعليكم السلام هلا بيك أسد نورتنه يابة يعني إلا نعتب عليك يلا تجينه..
مهيمن _حقك والله بس تعرف انته طبيعة دوامي
ابو عبد الله _الله يحفظكم
مهيمن _خالتي اذا خلصتوا حته نكمل فرتنه
حياة _اي هاهيه ماعدنه شي
هدى _تمشينه شوية وراها اجتنه محلات الملابس والاحذيه والنواعم يعني بين قوسين كل شي اكو بدينه اول شي بالملابس طبعا مهيمن كللها لأمي تشتري حته لبعد الزواج مو بس لهسه مادام طالعين  طالعين
بدتها بملابس البيت اخذتلي تراكات عريضه اكثر من موديل وبرمودات وبعدين اخذتلي ملابس طلعة وفساتين وهواي شغلات وسوالف اني تعبت وهيه بعدها مستمره مبقت قطعه تعتب عليها مهيمن جان ينتضرنه بره من خلصنه اجه يمنه..