لم تكن امي(لبوة الاسد)

البارت الثالث والعشرون

,, رواية لم تكن أمي،،
_البارت الثالث والعشرون_
~~~~~
‏"أين الطريق إليكَ
ياكُل الطُرق؟
إني انشطرتُ
على حوافِ المُفتَرق
فمضى إليكَ اثنانِ،
كلهما أنا."
~~~~~~
هدى _نزلت راسي تحركت لانو جنت واكفه مقابيلة بس للاسف لزم ايدي وصار قريب مني وعينة منزلت من عيني ابد..
مهيمن _هدى اني طالع اشتري جكاير لا تفتحين الباب لاحد واذا نعستي نامي..
هدى _بلعت ريكي وحجيت بهدوء،،
تمام بكيفك بس مو تتأخر اخاف اظل وحدي..
مهيمن _ما اتأخر ارتاحي..
هدى _وخر من يمي وطلع حسيت وضعة مخربط مو تمام لانو نفسة سريع و وجهه احمر جان كعدت على الجرباية ورجع طب مهيمن..
مهيمن _دا اخذ بلوزي التراكسود خنكني حار تردين اجيبلج شي وياي..؟
هدى _لاا سلامتك..
راح جان اكو تلفزيون بالغرفة بقيت اكلب بي شوية وراها ضجت انتضرتة ماكو مرجع تمددت على بالي ابقة كاعده بس غلبني التعب ونمت..
٠٠
فاطمة _خلص العرس وزفينة العرسان جانت هذني اليومين كلش حلوات هدى ومهيمن جانوا احلى عرسان انوب خالتي حياة كلبتها مناحة على هدى تبجي عليها تكول تعودت عليها يمي وعلى حسها بالبيت شلون هسه حيصير البيت عليه كأبة..
بيبي واحنه نسكت بيها وبعدين خطية اجة السيد وكف فوك راسها ويسكت بيها ههه الكل تأثر بالموقف الا امها لهدى احلام ولا بجت ابد مضاجت بس حايره لازمة بطنها وتخاف لا أحد يطخها وتتأذه..
بوكتها صدك أيقنت انو الام مو الي تخلف لا الام الي تربى ومو كل الأمهات اكو بكلبهن المحنة وغريزه الامومة اكو أمهات حته الرحمة مشيولة من كلبهن ياما و ياما نسمع هاي الي ذبت طفلها بالشارع وهاي الي سقطته لو باعته الخ..
رجعنه للبيت وطبعا الخطار نصهم يباتون ينتضرون جية العرسان ثاني يوم يتريكون وياهم يلا يرجون لبيتهم هذولة خصوصا النسوان الكبار عدهم هذا الشي واجب حته بيبي بقت عدنه..
طبعا اني من وره هوسة العرس صارلي فتره لا حاجية عدل ويه فارس ولا حته شايفتة لهذا اتفقنة ياخذني هسه نتعشى بره..
صعدت لغرفتي بسرعة بدلت ملابسي لبست سبورت وغسلت وجهي من المكياج لانو جان مكياج حفلات مو مال طلعة حطيت اني مجرد شغلات بسيطة دك عليك فارس اكيد تأخرت عليه هوه بالصالة كاعد ويه اخوتي ودينتضرني اكمل..
شلت جنطتي رشيت عطر على السريع ونزلت رحت يمه هوه بس شافني كال..
فارس _يلا نتوكل احنه من رخصتكم..
ابو محمد _ابقوا تعشوا وكت عشة هسه وبعدين اطلعوا..
فارس _لا عمي تسلم بس واعد فاطمة اطلعها حته نتعشة بره اليوم..
ابو محمد _خوش لعد على راحتكم..
فاطمة _طلع هوه واني طلعت وره جان هم جايب سيارة صديقة..
اكلك حبيبي اخاف صديقك يحتاج السيارة واحنه كل مره ناخذها..
فارس _لا حبي ميحتاجها اني متفق وياه يلا صعدي هسه..
فاطمة _تمام..
طول الطريق مشغل اغاني ومره يتغزل بيه ومره يسولف وياي من يشوفني أخجل ههه.. وكف السيارة يم مطعم بس مبين راقي..
نزلنة وهوه لزم ايدي كعدنه على طاولة شفت المنيو كلها الأسعار غالية نار شنو السالفة هسه هوه ليش جابنة على هذا المطعم مبين من شكلة غالي واني الصراحة ابد ماريد ازاحم فارس وبعدين ورانة كومة مصاريف..
فارس _شنو صفنتي معقولة معجبج شي؟
فاطمة _هاا اي يعني الصراحة الاكل الي يقدموا مو كلش احبة
فارس _ليش حبيبي وبعدين عدهم كومه اكلات معقولة كلهن متاكليهن..
فاطمة _ تدري اني اصلا شبعانة  لهذا مداشتهي كلش الاكل والله شنو رأيك نغير المطعم لو نعوف سالفة الاكل اصلا اكلهم كله مبالغ بي..
فارس _باوع عليها وحجه بضوجة،،
فاطمة تره شايل فلوس لا تخافين وبعدين صح اني مو طاك بس بنفس الوكت هذا مو معنى اني حافي وماعدي فلوس حته اطلعج ناكل بره
فاطمة _فارس والله مقصدي هيج بس المطعم مبالغ بي وأسعاره نار لهذا محبيت كلش..
فارس _هاي اعترفتي بلسانج من وره الأسعار بطلتي تاكلين تدرين انتي هيج كاعد تستنقصين مني تره اني الرجال مو انتي واعرف مصاريفي شلون امشيها..
فاطمة _حبيبي اني و..
فارس _يلا امشي نطلع انتي مو تريدين هيج خلص على راحتج..
فاطمة _الانزعاج انرسم على وجهه هسه اني قابل قصدي شي مو زين هاي فوكاها محبيت الصرف الزايد اي غير افكر بي اني ..
وكت زعل هسه والله مشتاقتلة وجان كلش عاجبني نبقة نسولف ونضحك اليوم الظاهر حسدت روحي والله خرب..
صعدت بالسيارة وهوه حرك انوب حته الحجي كطعة والله منطاني كلبي نرجع للبيت و واحد زعلان من الخ فكرت بشي يرضيني ويرضي..
حجيت،، فارس فروسي حبيبي كلبي مو داحجي وياك..
فارس _شكو..
فاطمة _عفية ماريد ارجع للبيت هسه..
فارس _وين اوديج او الاصح يا مكان يعجبج ست فاطمة..
فاطمة_اريد مكان نكون بي  بس اني وياك  اريد مكان يكون على الطبيعة وهم مابي ناس هواي كون هادئ..
فارس _ابتسم بخفة،، يعني وين بالضبط..
فاطمة _لا يروح بالك بعيد حبيبي اقصد على الحديقة خلي نكعد بالحديقة الجو حلوو
فارس _تدللين..
فاطمة _فرحت لانو تعدل مزاجة صدك نزلنه يم حديقة عامة ولانو ليل والوكت متأخر مابيها بس كم نفر واحنه هم كعدنه على جهه وصرنه نسولف ونضحك صارت بعيونة لمعه فرح وراحة..
وره شوية راح اشترالنة لفات همبركر، فنكر وعصير شفت المزاج وردي كلت استغل الفرصة وارضي حجيت،،
.. حبيبي خوما بعدك زعلان مني اني مقصدي اجرحك لو استنقص منك لا والله بس جديات شفت السالفة مبالغ بيها انته تدري هسه هاي الكعده بالنسبة الي تسوه الدنيا ومابيها لانو حيل تونست
فارس _فهمت قصدج حياتي وللعلم اني هم هاي الكعده تسوه عدي الدنيا ومابيها بس لسبب واحد تره والي هوه انتي كبالي يا مرتي الحلوه..
فاطمة _اروحلك فدوه زوجي العزيز ههه..
فارس _فاطمة مكملتي اكل عاد صارلي شكد من كملت اني وانتي بعدج تلوجين باللكمة..
فاطمة _والله اني بطيئة بالأكل شسوي قابل..
فارس _امشي نرجع للسياره وعود كمليها بالطريق..
فاطمة _تمام.. تمشينة للسيارة اني صعدت قبله وهوه راح يجيب مي ويجي المكان الي بي السيارة جان ظلمة مابي ضوه و على جهه بس سيارتنة بي صعد انطاني بطل المي وصفن عليه..
شنوو اكو شي؟
فارس _بلع ريكه.. فاطمة حلكج صاير بي صلصه من اللفة
فاطمة _صدك،،
داطلع كلينسة امسح بيها حلكي جان بحركة سريع فارس يلزم ايدي و يبوس طرف شفتي الي بي الصلصة واقترب طبع بوسة سريعة على شفايفي..
مدري شصار بيه اول مره يتقرب مني هيج واول مره احس بي وبقربة انوب احس نفسي دخت ياربي شبية غمضت عيوني وكمت اجر النفس بهدوء..
فارس _فاطمة عمري بيج شي؟؟
فاطمة _هزيت راسي نافية،،
كل شي مبية لا تخاف بس دخت شوية..لزم ايدي بقوه
فارس _اسف حبيبي والله مجان قصدي اصلا مادري شلون هيج تقرب منج..
فاطمة _خجلت من كلامة،،
خلص مو مشكله بس خلي نرجع تره حيل تأخرنه..
فارس _صار هسه نرجع بس مسحي حلكج قبلها..
فاطمة _حطيت ايدي على حلكي.. ليش شبي حلكي
فارس _احم شوفي انتي بنفسج
فاطمة _طلعت مراية من جنطي شفت حمرتي صايره فوك شفايفي..
مسحت حلكي بسرعة ومحجيت شي وهوه هم معلق على الموضوع احسن والله كافي احراجات لهذا اليوم وصلني للبيت سلمت عليه ونزلت بسرعة للبيت..
طبيت شفت العشيرة كلها بعدها سهرانة وكل مجموعة كاعده بجهه تسولف شفت غدير كاعده وحدها بالمطبخ تعزل بالمواعين طبعا غدير مو كلش اجتماعية واغلب الأوقات اشوفها وحدها تكعد..
حجيت،، الله يساعدج غدوره لا دكوليلي غسلتي مواعين العشة وحدج..؟
غدير _ويساعدج كلبي.. لا البنات وياي خطية محد قصر..
فاطمة _خوش لعد اني صاعده اسبح واجي..
غدير _على راحتج..
رحت كعدت بالهول يم امي وخالتي عبرت ال١ وبعدهم كاعدين شوية واجه همام وحجه ويه أمة..
همام _ام محمد وين الفراشات الناس تعبت تريد تنام..
جنان _ هسه اخلي البنات تنزلهن جوه
همام _بس استعجلي تره كاموا يغفون وانتوا محد بيكم كال نفرش للناس باجر وراهم رجعه للنجف..
جنان_اي يمه  دقايق وتصير يمك بس لا تضوج..
غدير _شي غريب ليش يصيح أمه ام محمد و ميباع بوجهه وحته خلكة حيل ضيك صاير..
خالة صعدت البنات واني وياهن نزلنة هواي فراشات وحطيناهن يم باب الصالة واجة همام اخذهن..
البنات هم كامن يفرشون الهم اني انام يم فاطمة من البداية لهذا ماعدي شي كلمن يفرش لروحة بعد شوية ورجع همام ينتر..
همام _ادري صخام فاطمة وينها غاطة يعني الواحد يريد حاجة مين يطلبها والبيت كلها نسوان حتلو لو اريد افوت لازم انطي إنذار..
غدير _ظل يحجي ويدردم والظاهر واكف ينتضر يشوف لو خالة لو فاطمة مدري شلون شجعت روحي ورحت يمه..
محتاج شي همام اذا تحب اجيبة الك اني..
همام _شوفيلي خالتج لو بتها وين اختفن وله اكلج اكيد اذا ترحين بعد مترجعين روحي  كوليلها لفاطمة اريد تراكسود حته ابدل..
غدير _تدلل بس ليش تنتر بيه شعلية اني
همام _مناتر هسه مراح ترحين يعني..
غدير _لا رايحة انتضري ما اتأخر عليك..
همام _خوش..
غدير_صعدت ركض لغرفة فاطمة حته اكلها على ملابسة لا اتأخر عليه ويصير عصبي اكثر طبيت جفت عليها فزت لانو جانت مندمجة ويه التلفون..
فاطمة _خرعتيني ولج
غدير _اي غير انتي هنا سرحانة بالتلفون وجوه اخوج خبص الدنيا على ملابسة..
فاطمة _ياا والله نسيت شوفي تندلين انتي غرفت الولد بصف غرفتي واصلا ماكو احد بيها اني حضرت ملابسة على الجرباية اخذيها وانطيها اله..
غدير _وليش متجين انتي ادرى متشبعين من خطيبج..
فاطمة _شلون ازعاج هذا حته المخطوب مياخذ راحتة عوفيني مو الرجال ينتضر على الخط..و روحي شوية اخذيلج فره بالبيت يلا تجين..
غدير _عابتلج اي والله.. عفتها وطلعت لازكه بالتلفون شيكومها اذكرت همام هسه اكيد ظل يحجي عليه لانو تأخرت رحت يم غرفتة دكيت الباب..
اخاف بيها احد واني مادري المهم ماكو صوت دخلت فارغة باوعت على الجرباية شفت تراكسود اكيد مالته هذا همزين صار كبالي حته ماظل ادور..
اخذته داطلع حطيته بأيد وايدي الخ افتح بيها الباب اجاني عطر من الملابس غمضت عيني  بدون وعي قربت الملابس يم وجهي شميت العطر عجبني اشتمة اكثر..
بس بسرعة انتبهت على روحي هاي شداسوي اني شبية شنو تخبلت غبية لو احد شايفني اسوي هيج شيكول عليه ممترباية نزلت بسرعة ورحت نطيته اله واني مدنكة راسي..
همام _شنو نمتي لو ادري جايبه اني بدقية ولا هل شتلة مو داحجي وياج ليش ساكتة..
غدير _لانو ماعدي جواب..
همام _روحي نامي مبين التعب أثر عليج خلفلة عليج مقصرتي ويانة..
غدير _تدللون تعبكم راحة..
همام _تصبحين على خير..
غدير _وانته من اهل الخير..
راح حته قبل ميسمع جوابي هذا ليش هيج يتصرف ظليت صافنة لحد مختفة اثره صعدت فوك يم فاطمة نعست اريد انام بس فتت لكيتها بعدها تسولف هاي شلون شغلة اليوم جوعانة حجي.
فاطمة _مو كتلج شوية تأخري يلا تجين..
غدير _اكلج عيني نريد انام تره كافي سوالف ولا اكلج هاي مشكلتج بعد اني حفرش الي وانام وانتي بعد بكيفج تكملين سوالف او لا بقت يمج الشغلة..
فاطمة _خبيثة يلا وهاي سديناه..
غدير _ادري مو ستوج جنتي وياه مكافي..
فاطمة _لا والله مكافي لج والله صارلي فترة مبتعده عنه بحيث مداحس روحي مكتفية بالحجي وياه..
غدير _شنو هاي هلكد تحبي..
فاطمة _وكلش هم احبة والله يعني فارس جان مثل الأمنية بحياتي وتحققت تدرين بأول لمسة منه الي ردت افقد وعيي ..
غدير _كمت عدلت كعدتي وحجيت،، يعني شلون لزملج ايدج وخربتي تره اوفر الصراحة جنج مشايفة جان انضرب بمخدة طايره..
اخ شبيج عابت..
فاطمة _لج شو تحجين عليه لو تستهزئين بيه ماقصد لمست ايد احم غير شي يعني باسني..
غدير _باسج؟
فاطمة _اهوو ليش تدققين بالكلمة مشيها بله متعيدين وراي بس والله مادري شصار بيه فد فشلت من دخت كدامة هسه يكول مصدكت وذابت بين ايدية..
غدير _والله خجلت من يمي هسه هيه بينكم شكو تحجيها الي..
فاطمة _مادري حبيت احجي لاحد عن الاحساس الي بداخلي ولج..
غدير _يلا الله يكثر احساسكم  ههه..
فاطمة _مضحك تره ليش مستهينة بمشاعري..
غدير _لا والله مو هيج بس جديات شسويلج قابل اخابره يجي يبوسج بعد ههههه..
فاطمة _اهوو صوجي والله حجيتلج يلا انطمري وهم انسي الي حجينه مو تلزكين كل شوية ومذكرتني..
غدير _هوه اني بله ماذكرج الكاج تحلمين بيها ههه..
فاطمة _اني اعلمج خبيثة كمت هجمت عليها جريت شعرها كامت تعيط انوب دفترتني وكامت تركض توها فتحت باب غرفتي تريد تشرد جان يصير كبالها همام..
غدير _ملخت شعري هاي المخبلة كوه وخرتها من يمي بحركة لا ارادية فتحت الباب مال غرفة داطلع صار بوجهي اخر انسان اتمنى يشوفني بهل شكل والله انخطف لوني وبنفس الثانية سديت الباب بوجهه..
عزه صار جم مره اتفاشل وانحط بهيج موقف كله من وراج فاطمة شلون هسه اكيد يكول عليه مخبلة..
فاطمة _مو بس عليج عليه هم شو وخري خلي اشوفة هوه مو جان جوه شصعده..
فتحت الباب لكيته واكف على جهه وضايج بس شافني حجه..
همام _فاطمة سوالف الزعاطيط شوكت ناوين تبطلوها لج صوتكم واصل ليجوه ضحك واعياط مدكولون العالم جوه مخمودة..
فاطمة _والله مو بقصد طلع صوتنة احم مو جنت جوه شصعدك انته..
همام _خاف متقبلين ست فاطمة ولازم اخذ اذنج حته اصعد بغرفتي..
فاطمة _شبيك همام هسه قابل شحجيت اني شدعوه هلكد خلكك ضيك..
همام _مسحت على وجهي مستغفر،،
صوتكم جان حيل مزعج توني غافي وفزيت والله لوما الي كاعد جوه جان سحلتج من كفشتج هاي يعني وين انطي وجهي جوه النوم جافاني لانو مو فراشي..
دزت عليه امج حته انام فوك كلتلي ماكو احد بس اختك صعدت فرحان جاي لغرفتي انطمر انوب انتن سطرتوني..
فاطمة _اسفين هاهية روح نام مراح تسمع صوتنة بعد بس لضوج..
راح لغرفتة وركع الباب وراه عزه هذا صايره ولا يتحمل حجاية بسرعة ينفجر طبيت للغرفة لكيت غدير شوية وتبجي هاي شبيج..
غدير _كله من وراج شفتي شلون ترزلت..
فاطمة _حبيبتي اني هم تره ترزلت وياج..
غدير _ماعرف شلون حتزوجين وسوالفج كلها مال زعاطيط..
فاطمة _اهوو تره كبرتي السالفة انتي الخ شجاج..
غدير _هوه همام شبي تره مجان هيج عصبي وينتر صاير شي وياه..
فاطمة _لا كل شي مبي يتراوالج خلي انام كافي لا هم يكعد على صوتنة خطية بهل يومين حيل تعب لهذا ضايج..
غدير _هاا..
كعدنه ثاني يوم من الصبح لازم نحضر الريوك قبل ميجون العرسان حته يتريكون كل العشيره وكلمن يطش لبيته ندست فاطمة حته تكوم ماكو متحس ملفلفة روحها بالبطانية عفتها
لبست شالي ونزلت جانوا كلهن كاعدين تقريبا وصاير البيت هوسة رحت للمطبخ جانت خالة وحدها تشتغل ادري هذني بس شاطرات بالسوالف على الاقل يجاملون شي رحت يمها اساعدها احضر بالريوك..
اجه محسن حجه ويه امة مدري شنو وراح مهتميت كلش شعليه قابل اني شوية واجت خالة يمي نطتني كوب جاي باوعت عليها بأستغراب..
جنان _يمه هاج هذا الكوب ودي لهمام كاعد بالحديقة هوه..
غدير _أشرت على نفسي وحجيت،، اني اودي اله؟
جنان _اي يمه شوفت عينج ماكو احد غيرنه هنا واني بأيدي شغل روحي انتي ودي يلا قبل ميبرد
غدير _خلتني تحت الأمر الواقع أخذته وطلعت بره دورت عليه بعيوني شفته كاعده بالحديقة ويدخن مشيت بهدوء ناحيتة من تقربت منه انتبهه عليه..
باوع عليه بنضرات يكلي بيها شكو قدمت اله الكوب وحجيت،، تفضل جايك..
همام _رفع
حاجبة،، ماكو غيرج يجيبة؟
غدير _اا ماادري خالتي كالت..
همام _خوش مشكوره.. شو بعدج واكفة مرحتي
غدير _همام اسفة على البارحة اخاف انو..
همام _ماكو داعي لهذا الحجي قابل منو انتي حته اضوج منج واذا معدج شي بعد طبي جوه..
غدير _اسلوبة وجوابة جان مثل الراجدي بالنسبة الي كلامة حيل جارح عفته ورجعت للمطبخ كارهه نفسي لانو خليت روحي بهيج موقف..
٠٠٠٠٠
هدى _فزيت ثاني يوم الصبح واني شبعانة نوم اول مكمت استغربت المكان بس بعدين تذكرت ياا اني مزوجة هسه عود باوعت بأرجاء الغرفة زين وينه مهيمن..
هوه البارحة قبل مانام جان طالع معقولة بعد مرجع شنو خاف رجع للبيت وعافني وحدي هناا كمت مخروعة ادور عليه دقايق وجان تنفتح باب الغرفة وطب هوه وبيده صينية الريوك..
مهيمن _صباح الخير هدوش..
هدى _صباح النور شنو وين جنت تدري عبالي رحت وعفتني والله خفت وحدي اذا تريد تطلع جان كتلي على الاقل ما اخترع هيج ..
مهيمن _هوب هوب جري نفس جنتي نايمة ومحبيت اكعدج لانو جان مبين عليج التعب بحيث نايمة بعمق رحت اجيب الريوك ومتأخرت تره ستوني رحت..
هدى _اي صحيح مدري جنت نعسانة كلش ومحسيت بشي..
مهيمن _يلا تعالي نتريك هنا خفايف وهناك بالبيت الثكيل..
هدى _ههه تمام..
اكلت شوية جان جايب فطاير بالجبن واللحم كملنه اني اخذت ملابسي وطبيت بالحمام سبحت ولبست سويتر ابيض كامل وحطيت شوية مكياج الي اعرفلة طلعت جان هوه هم مبدل..
باوع عليه مبتسم وكال يلا طلعنه من الفندق وصلنه للبيت جان الكل دينتضرنه بس فتنه النسوان كلبن البيت بالهلاهل واني حلكي احس صار بي شرجي من البوس..
بعدين فرشوا سفره شطولها وكعدنه كلنة سوية سوالف وضحك والعيون أكثرها علينه عبالك كائن جاي من غير كوكب لوما احنه البارحة بالليل جنه وياهم والله سوالفهم اضحك..
جان مهيمن كاعد بصفي ويقدم الكيمر والصمون يمي حته اكل..
مهيمن _اكلي شنو مستحية..
هدى _مو دا اكل بس شبعانه ما اشتهي كلش
مهيمن _حتلو جاملي..
هدى _اوك.. خلصوا اكل وصاروا يلمون بالسفرة اني مقبلوا اكوم اساعدهم باوعت مهيمن صعد فوك فلت ههه..
الحجية _اشوف عينج وره الزلمة شحجينة احنه ..
هدى _ها شنو..
الحجية _لاسوين روحج ثولة مو عليه سوالفجن انتن البنات..
هدى _حبابة بيبي لا تبدين تره والله استحي..
الحجية _وعلى شنو تستحين بعد صارت الشغلة ومابيها خجل.. صدك بيبي خوما صار عدج نزيف اوجاع اذا بيج شي كولي حته افحصج..
هدى _هاا لاااا  ليش يصير قابل كل شي مبية..
الحجية _والله اثاري هل أسد مو هين يعرف يشتغل عدل..
هدى _بقيت ساكتة شكلها قابل سوالفها كلها تخجل والله بقت النسوان تبارك الي وتنطيني صباحية زواجي تعبت من الكعده لحد منقذتني عمتي..
جنان _يمه صعدي وره رجلج فوك ارتاحوا عود على الغده نصيحكم..
هدى _اي رايحة من رخصتكم... صعدت بسرعة واخيراً فلتت طبيت جانت هاي اول مره اشوف غرفتنه الصراحة حلوه وجبيره بقيت استكشفها واشوف غراضي وين خاليها مهيمن مجان موجود بالغرفة نزعت شالي محتره..
شوية و طب مهيمن ينشف بشعره اجه يمي باسني من خدي..
مهيمن _عجبتج الغرفة؟
هدى _اي حلوه عاشت ايدك..
مهيمن _تدللين..
شنو رأيج نرجع انام احسن من هوسة البيت الجوه..
هدى _ليش انته نعسان اني شبعانة نوم ماريد انام..
مهيمن _منمت زين البارحة اذا حتنزلين جوه هدى ماكو داعي اوصيج شلون تصرفين كدام الكل واكيد حيسألوج خصوصا امي والحجية اذا كملت الشغلة و..
هدى _خدودي حمرت من كلامة،،
هزيت راسي اني ومدنكة راسي استحي اباوع عليه خصوصا من ينحجي بهذا الموضوع حسيت بي لزم ايدي ومشة للجرباية للحضة حسيته حيخلف بوعده ويكمل هذيج الشغلة ردت اسحب ايدي منه مخلاني..
مهيمن _لا يروح بالج بعيد وهذا الخوف الي بعيونج مستحيل بيوم يجي  من اسدج يا لبوة..
هدى _لا مخايفة بس شبيك شتريد مني..
مهيمن _اريد انام مو كتلج تمددي يمي ومن اغفة عود روحي..
هدى _زين ليش..
مهيمن _هيج بله ليش يلا دتعالي هواي اسألين صايره..
هدى _اخذني للجرباية نام هوه ومددني يمه ماعرف هسه شمستفيد مني ومخليني قريب منه هيج داغير نومتي وانطي ضهري مقبل..
مهيمن _لا تنطيني ضهرج..
هدى _اوك سحب ايدي خلاها على شعره..
مهيمن _لعبي بشعري حته اغفه بسرعة..
هدى _لعبت بشعره من دون ماحجي شي لحد مشفتة نفسة ثكل وغفة صفنت على ملامح وجهه اول مره اكون بهل قرب منه عيني راحت على حواجبة الثخان رموشة ملامح وجهه لحيته الي صار فتره مبقيها لانو مرايح للدوام..
بقيت مركزه بتفاصيلة لحد مغفيت اني هم وياه مكعدت غير على دكت باب الغرفة بالكوه سحلت روحي من الفراش رحت فتحتها هاي فاطمة..
فاطمة _صح النوم يلا نزلوا صبينة الغده..
هدى _حجيت واني النعسه بعيوني،، خوش هسه نجي
فاطمة _اشو نايمة بالسويتر شعجب..
هدى _هاا تعاجزت ابدل والله يلا روحي خلي اكعد اخوج ونجي..
فاطمة _تمام مو تتأخرون..
هدى _درت وجهي على مهيمن شفته كاعد يفرك بوجهه شو ولا عبالك نايم البارحة اخاف من وراية منام لانو نمت وحدي على الجرباية..
مهيمن _طلعيلي ملابس بين ماغسل..
هدى _هاا شطلعلك..
مهيمن _دشداشة بيضه..
هدى _تمام،،
طلعتها اله طب يبدل هوه ااني بسرعة طلعت من الغرفة انتضرت بالباب بين ميكمل حته ننزل سوه شوية وطلع باوع عليه..
مهيمن _ عود صدك تحجين عبالي نزلتي من طلعتي من الغرفة معبالي تنتضريني..
هدى _هاا مو غير جنت دتبدل..
مهيمن _رفع حاجبة،،
هدى لازم تتعودين على سالفة ابدل ملابسي بالغرفة وانتي موجوده بيها يعني خوما ابدل بالحمام وما شاء الله بهل طريقة ابد منفضح روحنة..
هدى _ميخالف احاول اتعود .. مدلي ايده
مهيمن _يلا ننزل يامرتي اللبوة..
هدى_ ههه خوش يا زوجي الأسد..
بعدنه ستونة دننزل جان نسمع صوت عالي عياط مدري عركة هااي شكوو؟؟؟
يتببببع....