لم تكن امي(لبوة الاسد)

البارت الثاني والثلاثون

،،لم تكن أمي(لبوة الأسد)،،
_البارت الثاني والثلاثون _
~~~~~
الذين عرفناهم بعقولنا قد
يسقطون من الذاكرة ..
لكن من أحببناهم بقلوبنا
لا يسقطون أبدا فذاكرة
القلوب أقوى والمشاعر
لا تنسى ..
غدير _اباوع عليه فاقد ويكسر اي شي يطلع كدامة كلب الغرفة كلاب محترك كلبة بسبب أمة وشلون فرقتة عن الابنية الي يحبها زين واني اشو محد اهتم لحالي محد كلي ميخالف كل شي يصلح لا تضوجين...
اليوم انكسر كلبي اي والله والسبب جان عمتي الي كذبت عليه اكبر كذبة بحياتي وعيشتني بأحلام مالها اصلا والي كسرني هم همام الي ما اهتم لمشاعري ولا اي شي يشوف روحة هوه المظلوم الوحيد والمكسور..
كعد بالكاع ضهره على الكنتور وحاط ايده على راسة كمت وكفت كبالة جريت نفس وحجيت..
اذا متحبني وعمة الي خلتك تقبل بية اني شنو ذنبي هاا كلي ليش ظلمتني وياك اذا اصلا متحبني من اول مزوجنة واني احسك مو يمي ولا حته طايق وجودي بحياتك..
تدري بية احبك يا ابن عمتي وتدري جنت طول هذيج الفتره ادور رضاك بس انته بكل سهولة تتجاهلني وتعاملني حالي حال المااكوو
لكك لييش ليش اخذتني حته تنسى حبيبتك بية..
همام _موو هيج لا تخربطين بالحجي كتلج اضطريت علمود سمعتج شلون ارفضج بعد ما أمي خطبتج وعود بلساني مدكوليلي ونشرت الخبر مال خطبة بنفس اليوم شلون اكسر بيج..
غدير _ليش هسه بهاي شغلتك عبالك مكسرت بية موو انته موتتني تدري كتلت الحياة الي جانت بداخلي كتلت حبي الك شكد جنت انطيك أعذار بسبب حبي الك واكول ميخالف غدير اصبري باجر عكبة يلين يتعود عليج يصير زين انطي وكت ووو... بسس شنوو الصار هاا..
همام _رحمة لدينج شسوي اني شوو أمي مناا ناحت عليج لحد مكالت بس لا تكسر بختها وانتي منا تكولين كسرتني لعد شسوي بس فهموني غلطان بشي اااني وبعدين اني جيتج بنفسي كتلج احبج حته كاعد تلوميني!!!
غدير _ابتسمت بحزن..
صح كلامهم اني تأملت من كيفي وبنيت احلام بمزاجي الغلط من الأساس جانت غلطي..
همام _مسح على وجهة..
زين هسه شتريد كوليلي واني حاضر ادري انتي انظلمتي بسببنة شلون تردين اعوضج صدكيني اني ما اكرهج بالعكس مابيج شي ينكره..
غدير _ماكو شي يعوض عن شي هاهية اصلا زين انو عرفت الحقيقة شنو ولا اظل هيج دايخة ماعرف شبيك..
همام _غدير اني..
غدير _لا همام لا تحجي شي والله ماكو داعي انته هم مو ذنبك هذا الشي جان مكتوب النه..
همام _تمام اني حطلع شوية اتمشى وارجع..
غدير _براحتك..
طلع وأني بقيت على كعدتي افكر بيني وبين نفسي شكد غبية لعد ومحسيت بكل هاي الأشياء بقيت مثل الثولة اقشمر على نفسي وجودي بحياة همام وعدمة ولا شي بالنسبة اله..
ماريد ابقى بعد وافرض روحي عليه كمت طلعت جنطة داريد اخذ ملابسي واخابر اهلي يجون عليه طبت عليه عمتي جنان..
جنان _يمه هاي شدسوين كل عقلج تردين تعوفينة وتعوفين زلمتج..؟
غدير _عمة فدوه اروحلج هذا الموضوع جان المفروض من البداية افهمة وما اخلي روحي بهذا الموقف بس شكول يعني ليش هيج سويتي بينه وكذبتي عليه وعليه مو حرام على الاقل جان صارحيني وكوليلي تره اني الي رايدتج لابني مو هوه..
جنان _لو كايلتلج هيج راح تقبلين بي..؟؟
غدير _طبعا لاا لانو هيج راح افرض نفسي على شخص مايريدني
جنان _اي ولهذا السبب مكتلج اني اريد مصلحتكم انتوا الاتنين..
غدير _عمة اي مصلحة هاي الي دتحجين عليها مدكوليلي اي مصلحة..
جنان _يمه اني ادري بيج عينج وره ابني ومن زمان واني هم جنت حابتج كلش تصيرين من قسمتة..
غدير _بس هوه ميحبني يحب غير وحده عمة..
جنان _هاي الوحده راحت من زمان وكملت حياتها الا هوه ابني الاغبر عايشلي على حسراتها..
وبعدين يا عمة بنت الأصول تعرف شلون تكسب زوجها لها إداري وتخلي يصير طفل بين ايديها هوه زلمتج ولازم تتعلمين تخلي يتعود عليج ويحب وجودج مو من أقل سالفة لميتي ملابسج ورايحة لاهلج وانتي بعدج عروس شدكولين الهم بله فكري زين عمة..
انتي وهمام بعدكم بداية الطريق حاولي مره وان فشلت رجعي حاولي مرتين وثلاث لحد مترهم انتي مو تحبي ضحي علموده..
غدير _يعني تردين ادوس على نفسي وكرامتي بس على حساب ابنج و حبي اله..
جنان _ليش تفهمين غلط يا عيني تره الرجال لو شكد ميفتر بس بالاخير يرجع لحضن مرتة لا تصرفين بطيش وترحين تره محد يخسر غيرج فكري بيها زين..
غدير _عافتني وطلعت بعد مفرت عقلي فرر شسوي والله ماعرف لا اني كادره اتقبل كلامهم الي سمعته وصدمة عدم تقبل همام اليه ولا اني الي كادره اكرهه واحقد عليه..
احبة واتمنى يحبني ويقدر الحب الي اكنه اله بس بنفس الوكت هاني وجرحني هواية بكلامه وابد ميراعي مشاعر الي مقابيله عقلي يكلي دوري راحتج ورجعي لبيت اهلج طزز بيهم همه الخسرانين وكلبي يكلي لا غدير غلط الي تسوي همام جان بالنسبة الج أمنية ومن حصلتيها تردين تتخلين عنها حتلو ميحبج يكفيج كونج جزء من حياته..
صراع بين كلبي وعقلي انتصر بيها كلبي وظل بأمل يجي يوم ويتغير هذا الحال  بقيت اليوم كله بغرفتي ضايجة من عمتي ومالي اي واهس اشوف احد والأهم احس عقلي اتبنج من التفكير والحسبات..
بهل أثناء دخل همام وجنه تفاجئ من شافني موجوده بالغرفة..
همام _تدرين عبالي رحتي لبيت اهلج بعد ما..
غدير _قاطعتة..لا ليش داروح
همام _يعني بعد الي سمعتي تصورتج مثل هذني النسوان يرحن زعلانات لبيت أهلهم..
غدير _ابتسمت بقهر..
ماكو داعي روحتي بس اذا انته تريدني اروح اهنا يختلف الحجي..
همام _لا ليش ترحين قابل هذا بيتج صار و..
غدير _و شنو كمل..
همام _ولا شي..
غدير _تمنيت يكلي انتي مرتي وأم أطفالي اي والله مجرد يفرح الكلب بس للاسف دائما انتضر الشي من الشخص الغلط..
راح يبدل ملابسة تمددت اني ونطيتة ضهري تعبانه حيل وتعبت من هذا اليوم التعيس الي بس صار بي بصيص امل اختفى هل امل..
ظل يتحرك بالغرفة ماعرف شيسوي بس اسمع حسراتة وشلون يتنهد اخير شي طفى الضوه ونام بصفي سويت روحي نامي شوية وحسيت بي تقرب باسني من خدي وحط ايده على خصري ماعرف شنو قصده ولا اريد اعرف..
ثاني يوم كعدت لكيت مكانة فارغ الظاهر طالع من وكت كمت نظفت الغرفة بهل أثناء طبت يمي هدى..
هدى _تسمحيلي ادخل لو لا..
غدير _اكيد حبيبتي طبي بدون هل كلام..
هدى _شلونج البارحة اختفيتي ظل بالي يمج و الصراحة سمعت عياط همام وعمة ماعرف شكو شصاير..؟؟
غدير _يعني متعرفين شبي همام معقولة؟
هدى _لا والله كل شي ماعرف..
غدير _ضحكت..
والله لو تدرين طلعت عمتي خاطبتني لهمام من دون رضاه وهوه اضطر يقبل بيه لخاطر سمعتي و عرفت بي جان حاب بنية بس عمة مقابلة وهيج دوخة بدوخة..
هدى _هاي شنو والله صدمتيني بس والله همام حباب ومستحيل يفكر يأذيج دامج صرتي بأسمة ومرتة هم..
غدير _ادري الله كريم..
هدى _اوف شهل حظ الي عدنة زين عادي اطلب منج طلب ولو هسه تكولين عليه مصلحجية..
غدير _ههه دعوفي الرسميات وفوتي بالمفيد مو بينة..
هدى _غدير عفية اريد احاجي مهيمن اريد بس اطمن عليه واحجيلة كل شي حتلو ميسامحني بس المهم احاجي حموت من التفكير ميهون عليه بعده عنه..
غدير _باعي هوه البارحة مرجع للبيت بس اول البارحة جان نايم بغرفة الولد فأذا تردين خابري من جهازي بلكي يسمعج..
هدى _اي فدوه..
اخذت جهازها دكيت عليه بقه يدك شوية بعدين شالة صارت غصة بكلبي مشتاقة لصوتة وكل شي بي..
مهيمن _هاا خوية غدير خيرج..
هدى _مهيمن..
حجيتها وصرت ابجي وهوه سكت بس مسده بقه يسمع..
مهيمن حباب ارجع للبيت واسمع مني اني اعرف بروحي كلش غلطانه والغلط راكبني من ساسي لراسي وانتي ابد ماتستاهل الي سويته وياك بس قسم بالله اني مو مثل محجالك مازن كل الي سويتة بس علمود افضحة كدامكم واحمي اختي منه..
ادري والله ادري غلط الي سويتة واني اكبر غبية من تصرفت هيج وخليتك تخسر ثقتك بيه بس والله مجنت قاصده اذيتك معبالي راح ينكلب كل شي ضدي..
مهيمن _ادري..
هدى _تدري؟ شنو تدري..
مهيمن _اعرف كل الموضوع من بدايتة لنهايتة..
هدى _شلون دريت..
مهيمن _ماكو شي يصعب على الأسد
هدى _موو...
الووو مهيمن وياي...
اووف يربي سده هسه شنوو حيرجع لو لا..
غدير _كافي تنوحين كأبتيني تره وهم روحي  لغرفتج الصراحة وصاني مهيمن تبقين بالغرفة ومطلعين كدام احد حته متصير كالت وكلت وميتعاركون وياج كال افضل تبقى بغرفتها..
هدى _زين الي متى اظل هيج الكل مكاطعني الكل صارت تكش روحة مني حته فاطمة ابتعدت عني وتعاركت وياي انو شلون اسوي هيج بأخوها بس اني محد الي ومحد يريدني لو يفكر بيه..
غدير _ههه ثنيناتنة وحده اضرب من الخ بس والله انتي قوية شلون اجتج الجرئة هيج تسوين مختفي من احد..
هدى _مادري اصلا ماعرف ليش سويت هيج كل الي اعرفة غلطت..
غدير _روحي ارتاحي احسلج بعدج تعبانه واني حنزل اجيبلج لكمة تقوين روحج بيها تره الدكتوره كالت نسبة دمج نازلة اكثر صايره هسه خمسة..
هدى _عادي بلكت اموت واخلص الناس من دوختي..
غدير _اهوو هدى  احسن متكونين كئيبة حاربي حته تصلحين الي كسرتي توضي فرشي سجاتج طلبي من ربج يريح كلبج لزمي كتاب الله وانسي همج بي شوفي الانسان من الله يبتلي معناه يريده يرجع يقترب منه بالصلاه والأذكار لهذا يكولون المؤمن مبتلى كون الي صار وياج تاخذين منه درس يعلمج بشرط متكرري..
هدى _ابتسمت..
احس روحي ترزلت موو بس خلص رايحة عليج الله اذا اجه مهيمن تعالي كوليلي خوش..
غدير _اي سهلة..
هدى _رجعت لغرفتي وصدك سويت مثل مكلتلي توضيت وصليت الفرض وبعدين فتحت القرءان لا على التعين طلعتلي سورة مريم بديت اقره بيها ودموعي تنزل ماعرف ليش بس بكل حرف اقراه احسة يلامس كلبي وروحي وماخفي كمية الراحة الي دخلت كلبي بعد القراءة..
بعدني داقره سمعت صوت مهيمن بالهول الي فوك بسرعة صدقت وطفرت ممصدكة انو رجع للبيت فتحت الباب شفته كاعده ويخابر بقيت اتأملة من بعيد ياربي شكد مشتاقتلة ومشتاقة لملامحة الهادئة خفت أقترب منة وينفرني بس لابد من هل شي.
تقدمت مشيت قريب منه جان مدنك يفرك بأيده كعدت على ركبي ولزمت ايده بسرعة دفعها وخزرني  مهتميت رجعت لزمتها بشكل اقوه
وحجيت..
أسد اني بنتك، لبوتك ترباية ايدك مو جنت هيج تكلي وداعتك ادري ادري بروحي غلطت وجانت غلطتي أذية الك..
ادري كسرت كل الثقة الي جانت مبنية بينة وهدمت كل اللحضات الحلوه الي عشناها.. انته كتلي كل شي اتحمل الا انو احد يأذيني بيج بس للاسف اني الي اذيتك وخليت كلبك ينزف...
ماعرف اذا كلمة اسفة تكفر عن ذنبي  بس أسد والله لبوتك تحبك مثل ما انته تحبهاا.. اي لتباع عليه هيج اني احبك ومن زمان هم بس مشاعري جانت مخربطة واني نفسي جنت ماعرف شريد ماعرف اصرف هواي غلطت وانته بالمقابل هوه صبرت عليه..
سامحني..
اعذرني..
ارجع اقبلني..
لا تعوفني..
والله ماعدي احد غيرك بهل دنيا وماعدي اعزز منك انته وماما حياة.. أسد اني الدنيا مشت وياي كله بالعكس لا تصير انته والزمن عليه.. انته دائما جنت سندي وأماني بس ابتعدت اني ضعت وتهت بهاي الايام..
سكتت و دنكت راسي شكول بعد وشبرر ماكو بعد كلام اكولة المشكلة لا حجة ولا كال كلمة بقاني بحيرتي.. شفته كام ورجع للغرفة فرحت كمت رحت وراه شفته دينزع ملابسة وبقه بس بالداخليات سديت الباب وراي..
بقيت اباوع عليه اتمنى لو اعرف شيفكر وشنو اكو بعقلة صد عليه صفن يمكن ثواني مو اكثر وكلي..
مهيمن _تعاي حدي..
هدى _رحت يمه وبقيت اباوع عليه بنضرات رجاء وطلب..
مهيمن _كتيلي تحبيني موو..!!
هدى _هزيت راسي بمعنى اي..
مهيمن _اثبتيلي..
هدى _بعدني مستوعبت قصده سحبني عليه من خصري وصار يوزع بوساتة على كل وجهي واخير شي استقرت على شفايفي..
ولأول مره ابادلة بهل شعور واحب هل شي لانو راغبة اله باسني من تحت اذني..
نزل على ركبتي يطبع بوساتة السريعة عليها ويرسم بيها آثار ملكيتة واستمر اكثر انسجمت وياه لأبعد الحدود بس وقبل ميكمل!!
فجأه كام عني رفضني وعافني بهل وضعية حسيت بأهانة مو طبيعية واستحقرت روحي شلون سلمتة نفسي وذبت بين ايدي وهوه سوه هيج..
باوعت عليه شغل جكارة وكعد على جهته ولا يمة الموضوع لبست ملابسي وحجيت بغصة.. ليش سويت هيج متقصد موو؟؟
مهيمن _ليش اخاف ضجتي لو انقهرتي؟
حقج بس حبيت اروايج شعور الرفض الي جنتي تقدمي الي بكل مره احاول اقربج مني.. وخليها ابالج مكاتل روحي على قربج لانو طلعتي من نفسي
هدى _حجيت واني اناشغ بالبجي..
قصدك وحده بوحده موو ههه عبالك جنت فرحانة من اسوي وياك هيج لو متقصدة مثل ما انته سويت هسه
مهيمن _هدى انتي لهسه شوفين روحج صح لج انتي كسرتي روحي وفرحتي وحبي بيج طلعتيني بالوجهه الأسود كدام اهلي وناسي لج من وراج نطيتي المجال لواحد تافهه يحجي أشكال الكلام وماكدر ارده بسببج..
هدى _مراح تسامحني يعني..
مهيمن _وهيج بهل سهولة أسامح وانسى وكأن شيئاً لم يكن
هدى _خلاص تمام صار واضح قصدك واني هم مكاعد انكر ادري كلش زين غلطت واذيتك وجرحتك وسودت سمعتي هاهية اني حتحمل نتيجة أخطائي وحدي..
كمت من الفراش اخذت ملابس الي ورحت الحمام صرت ابجي بحركة تأذيت حييل من الي سواه والي حجاة اكبر اهانة ممكن تحس بيها الابنية من يرفضها زوجها بهل طريقة قرفت من نفسي شلون تفاعلت وياه تمنيت الموت بهل دقايق ولا اعيش هيج احساس..
يمكن بقيت بالساعة واني ابجي بالحمام لحد متعبت وخلصت كل طاقتي غسلت ورجعت للغرفة شفته نايم ابتسمت..
من يا وكت يا مهيمن تنام واني مو بالغرفة الظاهر ماكو شي يظل على حالة وحته الحب ميدوم الا ما يجي البديل عنة..
استمر الوضع هيج مهيمن ابد ميحاحيني وميطلب مني اي شي وكل احتياجاتة امه تسويها اله بعيد عني وقريب بس بالغرفة..
من مهيمن بالبيت محد يسمعني حجاية بس من هوه ماكو يشتغل الحجي والكلام الثكيل عليه مع انو هوه محاول يلم السالفة انو اني مالي ذنب..
بس هم مو الكل مقتنع وبس يريد الفرصة حته يسولف بية جنت كاعده وية غدير صديقتي الوحيده بهذا البيت والوحيده الي مقاطعتني وبقت تحجي وياي بالوكت الي حته امي حياة كطعت وياي وبقت زعلانة عليه...
جنت دافكر صار اكثر من خمس ايام فايتتني العادة بس خايفة من هل شي خايفة اكون حامل وهذا اتعس شي ممكن  يصير وياي واني بهل وضع الي حته ماعرف مستقبلي شنوو الخوف تملك كلبي باوعت على غدير ماعدي غيرها اريد احجي لانو حطك..
غدير _شبيج صار ساعة صافنة بوجهي..؟
هدى _غدير يمكن اني حامل..
غدير _يااا صدك شلون عرفتي..
هدى _معرفت بس داشك لانو فايتتني صار فتره اريد تساعديني اتأكد من الشغلة والله خايفة..
غدير _اكلج انتي صار فتره فايتج واني من يوم زواجي مجتني بس شو مهتميت كلش لانو من قبل ما ازوج تصير عدي خربطة بموعدها..
هدى _زين عفية خلي بحجتج نروح نحلل الله عليج حموت والله اذا طلعت حامل راح ادمر واني منا حياتي سوده مصخمة..
غدير _خلاص اهدي عوفيها عليه راح احاول ادبرها اني بس كوليلي انتي و مهيمن  متفاهمتوا محاولتي تصالحي..؟
هدى _حاولت وحجيت وبالاخير ماكو نتيجة..
غدير _مديقتنع منج مو..
هدى _كارهني هوه حاليا وحته وجودي يمه مكاعد يكدر يتقبلة شلون ترديني هنوب اجيب طفل لو افرح انو احتمال حامل اني راح ينظلم الطفل ويانه..
غدير _فهمت قصدج حقج والله يعني كل شي مخربط اصبري هسه هناا كعدي بين ما أدبر الموضوع..
هدى _ومهيمن خاف ميقبل..
غدير _اني هسه احاجي معليج..
هدى _تمام انتضرج..
راحت شوية ورجعت مبتسمة..
غدير _كولي بدلي قبل تطلعين وهمام راح يوصلنة..
هدى _طفرت من مكاني..
والله يمه فديتج ما انسالج هل معروف..
غدير _ههه دروي جهزي روحج شمسوية قابل هسه اني
هدى _بدلت على السريع نزلت جوه وهاي أول مره انزل بعد المصيبة الي صارت جانت عمتي كاعده وتخوزر بيه مهتميت اني كل همي اطلع واشوف وضعي..
وصلنه همام والكل جان ساكت اذا تذب الابره بالسياره يمكن تسمع صوتها.. دخلت سويت التحليل وغدير هم حللت بقينة ننتضر النتيجة احس الوكت صار دهر أصعب شي لحضات الانتظار بشي يحدد مستقبلك..
وره نص ساعه طلعت النتيجة اخذتها وبسرعة دخلنة للدكتوره شافتها وحجت..
الدكتوره _وحده حامل و وحده لاا..
غدير _منو الحامل دكتوره..
الدكتوره _انتي ماما غدير حازم حامل عليج شهر واسبوع حاليا الف مبروك بس ديري بالج لانو الاشهر الأولى صعبة وهسه صعدي على السرير دافحصج..
غدير _ابتسمت ماعرف افرح انو شلت بداخلي ثمره حبي لهذا الانسان لو اخاف يمكن حالتي جانت تشبهه وضع هدى بس بأختلاف الضروف.. فحصتني كل شي تمام
الدكتوره _وانتي ماما هدى لا ضوجين بعدج صغيره والله يرزقج بأقرب وكت ان شاء الله
هدى _لا مضايجة بالعكس ارتاحيت بس عادي احجي وياج على انفراد..
غدير _هاا اني حطلع اجيب علاجي خلصي انتضرج بره عود..
هدى _تمام..
الدكتوره_هاا ماما خيرج تفضلي..
هدى _دكتوره اريد استخدم مانع حمل لانو منريد طفل حاليا..
الدكتوره _صارلج شكد مزوجة وزوجج قابل تستخدمي لو لا
هدى _صارلي سنة واي قابل..
الدكتوره _تمام لعد تردين اكتبلج ابر لو حبوب..
هدى _لا ابر..
الدكتوره _تمام هاج تفضلي اشتريها من الصيدلية واذا تردين عدنه مضمدة خلي تضربها الج بس..
هدى _بس شنو دكتورة..
الدكتوره_ حبيبتي تأكدي من موافقة زوجج يله تاخذي لانو الي داشوفة عمرج صغير على هذني الأشياء واخاف تسببلج مشاكل مستقبلا استشيري الأكبر منج..
هدى _ابتسمت الغريب احن عليه من الي داير مدايري.. تسلمين دكتوره..
عفتها وطلعت صار كبالي غدير واكفتلي قريب الباب..
غدير _عود ليش طلعتيني من الغرفة شنو أسرار عود..
هدى _أسراريش يمعوده بس سألتها على كم شغلة خاصة وطلبت منها ابر مانع حمل..
غدير _يااا صدك تحجين هدى ليش دسوين هيج بروحج ..
هدى _غدير اني اكثر وحده تعرف شنو شعور تنولدين بعائلة مفككة مخربطة مابيها اي ترابط مبنية بس على المشاكل والعرك..
هواي جنت اتمنى لو اهلي مجايبيني لهل دنيا بسبب الي عشتة تصورين ينطيني كلبي اجيب طفل يتربى بنص اب وام مامتفاهمين ولعلمج احتمال جبير منكمل سوية لهذا يعتبر جرم انو اخلي طفل يجي بهيج بيئة..
غدير _اووف يعمري والله تنحل ومهيمن يجي يوم ويسامحج لانو يحبج سبحان الي ميغلط...
هدى _عوفج مني هسه نسيت اباركلج الف مبروك النونو يارب تكومين بالسلامة..
غدير _الله يبارك بيج حياتي..يلا نرجع ماعدج شي بعد مو
هدى _بس خل اضرب الابره هناا قبل منرجع داخلص..
غدير _تحسرت.. بكيفج
هدى _ضربت الابره والدمعة بطرف عيني مستقبل مجهول وحياة مهدومة.. كملت اخذنة تكسي ورجعنة للبيت طبت غدير بشرتهم بحملها كلهم فرحولها وكيفوا بأول حفيد الهم..
جنان _هاي الاخبار الزينة مو مثل بعض الناس سنة واكثر وكل شي مطلع منهم بس الاذية نشوف من وراهم عوذه اله ازوج ابني شنو يظل مشلوع كلبة هيج تعاي كعدي حبيبة ..
غدير _لا عمة حصعد فوك ارتاح شوية من رخصتكم يلا هدى امشي..
جنان _براحتج بس خفي علاقتج ويه هذولاك الجماعة لا يخربون عليج هم..
غدير _لا تخافين عمة محد يخرب عليه بكد الي سويتوا بيه انتوا وتره مناسية شلون سويتوني مكفخة بس ساكتة لخاطر اهلي وبس
جنان _ياا هيج شايلة بكلبج عليه ولج غدير..
غدير _لعد شتريد اسوي افرح بالي سويتوا من ضحكتوا عليه.. ماريد احجي اكثر تعبانه..
هدى _سحبتني من ايدي وصعدنه فوك باوعت عليها وجهه تغير.. شبيج غدير؟؟
غدير _مابية كلبي بس ضجت من تذكرت الي سوته بيه وهسه بكل راحة تحجي وياي عادي وانتي هم لا تهتمين لحجيها الله يهديها بس..
هدى _اصلا متعوده على هذا الحجي مو جديده عليه..
غدير _ممم شنو راح ترحين..
هدى _اي اعوفج هم ترتاحين..
غدير _من ارتاح عود اجيج..
راحت واني تمددت غمضت عيوني وصرت اتأمل الي ببطني وشلون راح يكبر واحس بي غفيت من دون ماحس ماكعدت الا على صوت همام يكعد بية..
همام _يلا كومي غدير صارلج هواي نايمة شبيج اخاف مريضة..
غدير _صفنت عليه فتره بعدين حجيت.. همام
همام _هاا يابة..
غدير _اني حامل.. بسرعة باوع علية متفاجئ
همام _شنوو....
يتبع