لم تكن امي(لبوة الاسد)

البارت الرابع

،، رواية لم تكن أمي(لبوة الأسد) ،،
-البارت الرابع _
.................
عندما يعيش المرء
في منزل مريح طوال حياته
من الصعب أن يفهم
أن الآخرين
يعيشون بشكل مختلف .
‏- سيلفيا بلاث
...................
هدى _مرت فتره احلام وعمتي صبيحة مالهم دخل بيه وحته اذا ما اشتغل كل شي بيوم واحد جانن يسكتن والصراحة هذا الشي خوفني يعني شعجب هيج على ساعه الله هداهن..
بله عمتي صبيحة لانو مازن يكون موجود بالبيت كدامه تصرف جنها ملاك ماكو مثلها بس احلام؟؟
معقوله كلبها حن عليه وبعد متعاملني معامله محلوه فرحت بداخلي انو واخيرا راح اعيش بين امي وابويه مثل بقيه العوائل..
مازن صرت اخاف منه كلش هواي شغلات اني اجهلها بسبب عمري وهم ماعدي الشخص الي يفهمني هذا الشخص من يحجي هيج عبارات شنو هدفه منها..؟
مازن وأولاد عمي وعمتي اني جنت الوحيده من البنات الي اروح العب وياهم واتسابق وحته طوبه جنت العب وياهم حته من بديت أكبر وجسمي يتغير جنت حاسبتهم كلهم مثل اخوتي..
مجنت اعرف جانوا مستغلين هاي النقطه ويباعون عليه بنضرات مو حلوه احلام هيه الي جانت تكلي روحي لعبي وياهم همه مثل اخوانج عادي !!
ماما حياة مجانت تعرف بهل شي لانو جنه بعدنه عايشين بهذاك البيت وبعيدين عنهم بس لحد مصار عمري ١٠ سنوات مره جنت طالعه حته العب ويه محسن ومازن وكم ولد أصدقائهم..
سمعت صوت مهيمن وهوه يرزل بيه..
مهيمن _ادري شبكرج صررتي ااانتي وكاعد تلعبين ويه الجهال لا اصلا يا جهال كل واحد صاير بكبر الثور وانتي فرحانه تلعبين وياهم..
همام_ على كيفك وياها أسد يمعود شمعرفها هيه قابل غير بعدها صغيره..
مهيمن _لك هيه مال على كيفها دشوفها مو كبرت وهذوله الصايعين ناصبين عليها..
شوفي هدى اذا لمحتج مره ثانيه طالعه وتلعبين ويه هذوله اشوفج وجهي الثاني.. وكولي  أسد مكال
حجيت من بين دموعي،، ليش يعني لعد مو انته جنت تلعب وياي هم واصلا امي هيه تكلي طلعي لعبي..
رد،، معليج بأمج هاي مدري خالي مين لكاها وصارت مرته..
رد همام،، هههه يمعود أسد لا تحجي على امها كبالها هنوب تسوي حزازيات بينهن..
وراها حجه،،اي هدوشه تره احنه من خوفنه وحرصنه عليج مثل اختنه انتي و نكلج هيج لا تضوجين هسه قحط هذوله القروده تلعبين وياهم..
ابتسمت،، لاا هاهيه راح اسوي مثل مدكولون شكم اخ قابل عدي يخاف عليه..؟
رد همام،، شفت تربايه ايدي مو مثلك تهجم على الواحد ههه
رد مهيمن،، ديلا روح جيب اخوك محسن خلي نولي للبيت هذا هم صاير يحتاج تربية..
رد،، ههه اي والله..
يلا هدى طبي جوه وبعد منوصيج..
وعيت من صفنتي واني اذكر هذا الموقف الي هسه من اذكرها احس بالفشلة هواي شغلات جنت اسويهن وهنه خطأ بس العتب مو عليه العتب على امي لانو معلمتني الي داسوي جان محلو وغلط..
مهيمن وهمام الوحيدين من اقاربي الي أأمن بيهم واحبهم لانو دائما يدورون مصلحتي اما البقية كلهم عدهم سوالف مكسره وعيونهم تباع بشهوه..
مهيمن على ساس عرسه يصير بعد شهرين لهذا صاروا بيت عمتي جنان منشوفهم ملتهين بالتحضيرات واني كلش اشتاقيت لفاطمه صديقتي واختي الوحيده وماعدي شي اتواصل بي وياها..
مازن صرت بيه مابيه اتجنبة لانو حركاته الي يسويها كلش محلوه ماعرف وين يريد يوصل بهاي سوالفه..
الشي الحلو راح اخلص منه لانو نهايه الأسبوع راح يرجع يم اعمامة هناك مدرسته خفه وراحه اي والله..
هل فتره بابا صحتة كلش كاعد تتعب ماعرف ليش حته للشغل صاير ميطلع وطول النهار متمدد ويشكي من الم بطنة  وصداع براسه مستمر شكد مانطي علاج ميفيد وياه انقهرت عليه حيل لانو الليل كله يكضي يتوجع احلام تعوفه وحده نايم بالهول واني اظل عيني وراه اخاف يحتاج شي..
اخير شي اتفق ويه صديقه يجي ياخذه للطبيب يشوفه وين علته جنت كاعده يمه و اوكله بيدي جان تحجي عمتي صبيحة..
صبيحه،، هدى حبيبتي كومي سوي لفات كباب لمازن باجر رايح من الصبح  لا يطلع على لحم بطنة..
باوعت عليه بضوجة هسه هوه ابني قابل استغفر الله باوعت على بابا اشرلي اسوي الي كالت عليه..
كمت للمطبخ طلعت الكباب اكلي واحطه باللفات المطبخ صاير بدايه البيت بحيث ماسمع صوتهم من كاعدين بالهول..
داشتغل حسيت على ايد صارت على خصري كبل فزيت وكع الماعون من ايدي وانكسر باوعت هذا مازن!!
بلعت ريكي،،خ...خير؟
رد،، شبيج خفتي ولج  شمسويلج هسه قابل..؟؟
حجيت،، هسه شرايد عفيه أجيت هناا..
حسيت بي تقدم عليه وعيونه تخوف يباع على شفايفي صار قريبه عليه واني طخيت بالكاونتر ايده صار على خصري لزمني بقوه كبل ردت اعيط جان يسد حلكي بأيده..
حجه،، ديري بالج اطلعين حس تره محد يصدكج خاف عبالج وهم حطيها ابالج اكلب الايه عليج واخلي امي اذبكم بالشارع وانتوا منا صايرين فرد نوب وبكيفج بعد..
كمت ابجي،،عفيه ليش تسوي هيج وياي شبيك انته..
مسح دموعي
حجه،، هسه قابل نمت وياج وهيج بجيتي خرب بيج ..لا تبجين يمعوده شكد تصرفين دموع انتي ههه
هوه يضحك ولا على بالة واني ميته خوف كتله.. حجيت بخوف،،بداعت ابوك المرحوم وخر مني لخاطر الله عوفني بحالي...
رد،، اي عايفج بس مو قبل ما اخذ تصبيره تدرين رايح واظل أشهر بعييد عنج والمشكله صاير افكر بيج هواي..
تقدم عليه ماعرف شراح يسوي  بس نقذني سليم من دخل للمطبخ وكبل مازن وخر مني..
حجه بضوجه،، هسه شجابك انته اهنااا يعني الواحد حته ابيته مياخذ راحته...
سليم باوع عليه بدون اهتمام واجه يمي..
حجه،، هدوشه جعت اريد لفه سويلي..
اني بهاي اللحضه لو بيدي اخذ سليم واركص وياه لانو اجه ونقذني.. موو يدلل حبيب اخته وكمت ابوس بخدوده الحلوه ههه
طلع مازن من المطبخ ينافخ لا والله وضايج هم طاك حظك اي والله من وراه بعدها الرجفة بجسمي لهسه بس كملت شغلي بالمطبخ رحت للغرفه وقفلت الباب عليه هاي من بدت سوالف مازن وياي واخير مره دخل جفت عليه واني اقفل الباب يلا انام..
حسيت على باب الغرفه يندك باوعت الساعه ٢ونص سمعت صوته يحجي..
مازن_هدى فتحي الباب احسلج
ويامن داحجي اني..
خوش اني اعلمج عبالج سوالف الجهال راح تحميج مني..
سمعته ضرب الباب برجلة وراح واني الرجفه لزمتني اكول على ساعه يدفع الباب قوي ويطب عليه شبكت نفسي ونزلت دموعي شجابرني اتحمل كل هذا شجابرني..
محد كاسر ضهري غير بابا وشلون كاعد تسوء حالته يوم بعد يوم ولو جان مسكتت على سوالف مازن وحجيت كل شي لبابا...
صرت اردد يا الله يا الله من الخوف الي تملك كلبي لحد مغفيت..
كعدت ثاني يوم من سمعت صوت مازن ودع امه وطلع يلا اني فتحت باب الغرفه وطلعت بره بسرعه رحت سويت ريوك وحليب حار لبابا..
اخذت الريوك والحليب اله شفته كاعد ولازم بطنه ويتلوه من الوجع الي يحس بي ياربي شكاعد يصير شبي ابويه رحت يمه نطيته الحليب حته يشربه ورحت على الراديو علكت اله قرءان..
ماشوف غير بابا اخذ الراديو وشمره بالكاع كسره و طلع ركض للحمام يتقيء تخبلت من شفت وضعه اريد افوت يمه ميقبل قافل الباب نص ساعه يلا طلع مهدود حيله لزمته كعدته على القنفة وعيوني عليه..
ضياء _لا تخافين بابا صرت احسن من تقيئت كومي بدلي و روحي لمدرستج
رديت،، شلون بابا والله ماكدر بالي كله عدك!!
رد،، ما بيه شي يلا يا بابا لاتتعبيني اكثر و راح تتاخرين على دوامج اليوم..
هزيت راسي بعلامة القبول ادري بابا من يعاند بعد هاهيه.. بدلت وطلعت للمدرسه من لا جاره بس كل فكري عده شنو الشي الي مأذي صحتة لهل درجه وهوه جان بكل عافيته؟؟
رحت للمدرسه وكل عاده تتلكاني جميلة الي يوم عن يوم شكلها يتغير حفافة ومكياج خفيف و هيه للصراحه صاحبه جسم حلوو بس شو صاير عدها بطن هاي وجسمها احسه منفوخ...
جميلة وهيه اطك بعلجها،، وين صافنه يولي..
رديت،، هاا يعني مادري انتي مو رجيم وخبصه شو صاير عدج بطن؟
ردت،، هههه هاي البطن تختلف عن  الي تعرفي..
باوعت عليها بأستفهام،، شتقصدين؟؟
ردت،،يووو انتي كل شي متفتهمين اله احجي بالخط العريض..
رديت،، هوه شنو مدكوليلي سوالفج مدري شلونها انتي
ردت،، بابا اني اكبر منج بسنتين تره ههه
رديت،، وشنو يعني اني ١٣ سنه وانتي ١٥!!
ردت بملل،، يعني افتهم بشغلات مال كبار اكبر من عقلج الصغير هذا..
مجاوبتها اووي مبقت بس هاي اللزكه عليه..
رجعت حجت،، لا تزعلين مني يولي عود اسولفلج بعدين واعلمج ههههه بس شوفي باجر عدنه امتحان واني للصراحه كل شي مفاهمه منه راح اجي باجر يمج خوما عدج شي..
رديت،، لا معدي شي هلا بيج ..
خلص دوامنة اخذت كتبي حطيتهم بالجنطة وطلعت من المدرسه وطبيت بالفروع انتبهت على بنية اشتبهت بيها بعدين ركزت عرفتها هاي جميلة..
بس الغريب جانت اكو سياره سوده حديثة شفتها فتحت الباب بسرعه وصعدت وحركت السياره..
كلت يمكن واحد من أهلها اجه عليها شعليه بيها
داكمل بطريقي جان يطلع كبالي محسن..
اهووو مبين اليوم كله مغثه وهسه كملت برأس البصل محسن..
محسن _ هلوو هدى يابه السلام لله تره
باوعت عليه بطرف عيني.. هلاا
حجه،،شلونج اخبارج..
رديت، بخير!!
حجه،، اي شكو ماكو
مجاوبته..
حجه،، خوما احد يضوجج منا منا..
رديت بضيق،، هسه شرايد مني انته دوختني تره وثانيا احد يضوجني ميضوجني هذا الشي ميخصك اتوقع..
رد،، وهسه شحجيت قابل اني وهجمتي عليه هيج اشو ويه اخوتي همام و أسد تحجين عادي بس من يمي تتكهربين..؟
حجت،، وهاي انته كلتها اتكهرب منك وياريت توخر من يمي ومتطلع بعد بطريقي..
حجه،، شبيج شو صايره عدوانية كلش..
رديت بملل،، صح كلش عدوانية وخصوصا ويه جنس ادم الله وكيلك تلعب نفسي من رأس البصل..
رد،، شنو قصدج؟؟
رديت، قصدي يا ابن عمتي لا تصدك كلام امي احلام من حجت وياكم بخصوصي لانو حاجية من يمها لهذا لاتتأمل زياده وتعيش الدور تمام..
راد يحجي عفتة ومشيت كدامه سريع وطبيت كبل للبيت عوذه مشايفه هيج لزكه اني والله..
فتحت باب المطبخ صارت كبالي ماما حياة كبل شمرت روحي بحضنها..
هاي شنو ماما ممصدكة معقوله اجيتينة..
حياة_ههه اي ماما جيتكم شتاقيتلج والله..
رديت بمرح،، مو بكدي تره..منو جابج سيد يوسف؟
ردت،،اي جيت اشوف ضياء من سمعت بي مريض تعاي سلمي عليه كاعد يم ابوج..
هزيت راسي طبيت للصالة صار كبالي سلمت عليه..
مبين عليه خوش رجال لانو طول الكعده لو يباع على بابا او عيونه بالكاع ويحجي بكلام موزون وحكيم..
والاحلى أشوفه عيونة على ماما حياة وين متروح يتبعها بنضراته فرحت حيل الها تستاهل كل شي حلو لانو بزواجها الأول كل شي مفهمت منه شهر واستشهد زوجها صارت أرملة وهيه بت العشرين..
وفوكاها كلام الناس الي ميرحم على يابو حظها نحس وخلت الرجال يموت وفكر ومنفوسه وهواي هواي حجي ميلبس على ثوب محد يكول هذا قضاء وقدر الله لو مكتوبتله..
المجتمع ميرحم ولا ينصف المره ابد
سيد يوسف قرر ياخذ بابا وياه على دكتور ثاني ومعروف لانو وضع بابا يوم بعد يوم يزيد مينقص..
حجت وياي ماما..
هدوشه خوما تركتي التصميم من عفتج؟
رديت،، لا ماما شلون اعوفه واني صارت روحي بي ههه بس على فرغاتي ارسم..
ردت،، اي عفيه هيج اريدج وعود كل ما اجي يمكم اخذهن لابو المحل الي اتعامل وياه
رديت،، زين سيد يوسف قبل متعوفين الخياطة؟
ردت،، لا بالعكس شجعني هوه صح مامحتاجه فلوس بس ايدي اخذت عليها ماعرف اذا مالزم مكينتي
صبيحة،، عيني حياة شويه كعدي ويانه مشبعتي سوالف ويه هاي..
ردت،، مو كاعدين انتي ساكته شسويلج..
صبيحة_اي صح..
اكلج اريد اسألج على زوجج يوسف
ردت،، اي شبي؟
صبيحة _ماعده اخوان اولاد عم ممزوجين يعني اقصد صديقتي خطيه كاعد نصيبها وكاعد تكبر بالعمر وهيه هيج..
ردت،، لا حبيبتي كلهم مزوجين..
صبيحة_هاا زين محد يريد ياخذ مره ثانية يعني يكسب بيها اجر..
ردت _مادري اني اصلا ماحجي بهيج شغلات ويه السيد وما ادخل كلمن حر بنفسه..
بس مكتيلي منو هاي صديقتج؟؟
صبيحة _هيج وحده متعرفيها..
حياة _هاا
هدى_سيد يوسف حصل موعد ويه الدكتور هسه واخذه وطلع واني بقيت كاعده ويه ماما حياة وراها سوينه العشه تأخروا حيل واحنه كلش ظل بالنه..
اتصلنه عليهم كالوا بالطريق هسه راجعين..
ساعه ونص يلا رجعوا تلكيناهم من الباب نريد نعرف شصار..
حياة _هاا بشروا شكال الطبيب و شطلع بي وخوما اكو شي خطير؟؟
سيد يوسف _ وحده وحده حياة خلي نجر نفس ونكعد بالاول..
ردت،، اي والله اعذرني بس كلبي نار عليكم
رد،، أن شاء الله ماكو شي خطير لانو التحاليل كلها نظيفه والفحوصات هم تكول مابي شي يمكن متحسس من اكله لو فد شغله ويصير زين بعد فتره
ردت،، شنو هل حجي سيد مكاعد تشوف وضعه فرد نوب شلون مابي شي خاف الدكتور هذا ميفتهم..!!
رد،،هذا دكتور العائله وكلش شاطر سنين واحنه نتعنالة اصلا لوما عرف جان اخذنه موعد كم شهر يلا يوصل سرانة..
ردت بحزن،، مو بيدي والله كلبي نار عليه واني اشوفه هيج ذبلان.. اوف ياخوية بعمرك مشفت الراحة
رد،، لا تخافين الله موجود وبعونة ترد عافيتة وهم هذني مقويات من ياخذهن جسمة يشيله..
ردت،، ربي يسمع منك..
هدى_تعشوا وبالاصح مجرد نقشوا بالأكل لانو كلنه مالنة نفس بالأكل بعد صارت بال١١ و راحوا واني بقيت الملم بالهوسه لانو محد يطخ البيت غيري لو ينكلب مزبلة..
يلا كل شي يهون لخاطر صحة وعافية بابا
اتعجب على احلام لا مقهوره على بابا ولا تجي تخفف عنه وجعه بكلمة لو سالفه مكابله عمتي والغرفه ٢٤ ساعه مدري شنو من كلب شايلة..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فاطمة_ بعد مراح واختفة اثره نزلت جوه واني كل عقلي ويه هذا الشخص صار عدي فضول اعرف ليش ديسوي هيج.. سمعت امي تحجي وياي
جنان_ مو داحجي وياج وين صافنه..
رديت،، هاا شكلتي ماما مسمعتج..
ردت،، صار ساعه احجي وانتي ولا يمي داكلج شبيج طبيتي مثل البايكتلها بوكه حته سلام مسلمتي؟؟
رديت بتلعثم،، اي مو مو هاا جنت كلش محتاجة الحمام لهذا طبيت بسرعه ..
ردت،، هاا زين عبالي صاير شي لو احد متعرضلج بالشارع..
رديت بسرعه،، لا لا ماكو هيج شي
حجت لبنى زوجة محمد،،والله سالفتج مخشت بعقلي اشو
رديت بملل،، مشكلتج بعد هاي..
عفتهم صعدت لغرفتي طبيت سبحت ولزمت المشط اسرح بشعري سمعت تلفوني يدك شفته الرقم غريب..
هذا فارس اكيد منو غيره قابل يدك عليه اوف شلته اريد اعرف نهايه الي ديسوي شنوو..
رديت بحده،،  باع فارس هاي اخر مره اسمحلك تتصل بيه لو تمشي وراية بالطريق مللتي تره مصايره هاي وين ماروح تطلع بوجهي اله تسويلي مصيبه يلا ترتاح هاا..
فارس،، خلصتي؟؟
مبين جنتي تنتظرين اتصال مني بحيث رأساً عرفتي اني صاحب هذا الرقم..
نرفزني كلش جوابه،، اي خلصت وهسه باي..
رد،، تجرئي سدي الخط وشوفي شراح أسوي..
مدري ليش خفت،، شسوي مثلا!!
رد،، ولا شي مجرد  اشتري رقم جديد وارجع ادك عليج لحد ما اوصل الج..
رديت،، انته شتريد مني تره ميصير هيج ماعدك خوات متخاف عليهن؟
رد بضوجه،، هسه شمسوي قابل اني مدكوليلي كل الي رايده منج فرصه تعرفيني بيها زين ويشهد الله ماعدي اي غايه ضدج مو زينه انه رايدج بالحلال والله
رديت بصدمه،، شنوو شتقصد انته تحب..
رد،، اي احبج يابنت الناس ومن اليوم الي شفتج بيها ضيعت دربي وصرت مكابل باب المدرسه حته المحج وافرح كليبي بشوفتج..
رديت،، عفواً اني مادور هيج سوالف ومافيدك روح شوفلك وحده غيري..
رد بعصبيه،، انتي شبيج يا سوالف هاي عبالج أريد العب وياج صدك هيج ماخذه نضره
عليه فد يوم تحرشت بيج لو ذبيتلج حجايه
سمعت صوت على الدرج يمه عزه خاف احد يسمعني رأسا حجيت،، فدوه الله يخليك عوفني بحالي..
قبل ميجاوب سديته ودخلت بالفراش سويت روحي نايمه.. حسيت على احد فتح الباب شويه ورجع سدها..
يمه كلبي وكع اني شجابرني على هذا القلق لزمت التلفون داسوي حظر الرقم شفته راجع داك عليه بقيت اباع على الرقم ماعرف ليش كل مااريد اسوي حظر وارجع اعوفة
شي بداخلي يكلي بقي اول مره شخص يكلي احبج لو يهتم بيه ويحجي كلام حلو مثله احساس حلو جديد ومجنت متخيلة اجربة صح اكو صايعين يتحرشون بس هذا يختلف ثكيل وحته حجاياته ثكيله..
ضربت راسي بغباء شنو هاي الأفكار الي اجتاحت عقلي خرب مصدكة نفسي اني همة الشباب ماكو اشطر منهم بالجذب..
رجعت لزمت الجهاز وحظرته.. ثاني يوم كعدت بدلت وطلعت للمدرسه واباع منا ومنا بله هسه اني شبيه المن منتضره اشوف..!!
قريب ما اوصل للمدرسه صار كبالي فارس يمه كلبي متت خوف منه يمكن لانو حاظرته بلعت ريكي اكمل طريقي سمعته حجه..
فارس_ انتي شلون تسدين الخط بوجهي وفوكاها تحظريني تره عدي كومه خطوط غيره خاف عبالج..
رديت بصوت ناصي،، هسه شرايد يمعود الله يخليك عوفني بحالي تره بالشارع احنه..
رد،، هسه شمسويلج حته هيج خايفه مني داكلج بس انطيني فرصه تعتبريني صديق فتره واذا هم كتيلي ماريدك كلمة رجال ماطلع بوجهج بعد..
سكتت حايره شنو أكله شكله ونظراته تترجاني ماكول لاا واني ماعرف حابه اجرب شعور الحب شعور الاهتمام اريد احس بروحي حالي حال بقية البنات بس والله خايفة
رد،، هاا شكلتي اليوم راح اخابرج رحمه لابيج لا تكولين لا وتحظريني لانو متمسك بيج كلش وحظل وراج لحد متقبلين
هزيت راسي وعفته واني افكر بكلامة انطي فرصه لو يطلع جذاب ويورطني وياه ماعدي تجربة سابقه ولا اي خبره غير كلام البنات عن الحب وهل سوالف بده الدوام واني ولا فهمت نص حجايه معولت يخلص حته ارجع للبيت..
مادري شبيه احس بضوجه مو طبيعيه وصافنة على نفسي اني لانو ماحب شكلي ولا اي شي بية هيج استنقص من روحي شفرقي قابل عن بقيه البنات ليش هيج اني كارهه روحي..
فززني صوت فارس من حجه وهوه صاير ورايه
فارس _شبيج فاطمة اليوم حته منتبهتي لوجودي يمج
رديت بخوف،، عززه هذا انته شسوي ورايه عفيه كافي تلحكني شبيك متفهم بالحجي انته هاا..
رد،، لا مافهم والصراحة تعلمت اوصلج لبيتكم يلا ارتاح لانو الشارع يخوف وانتي وحدج تمشين لو تحطيلج خط مو احسن..
رديت،، انته ملاحظ هواي كاعد تتدخل بيه اصلا اني ماعرف ليش احجي وياك..
رد،، على راحتج بس اليوم اخابرج جاوبي عود انتظرج فاطمة..
مجاوبته عفته يحجي ورايه واني كملت طريقي وضايجه من روحي حييل..
يتبع..