لم تكن امي(لبوة الاسد)

البارت السادس

،، رواية لم تكن أمي(لبوة الأسد) ،،
_البارت السادس _
.............................
تمثل حال فارس..
داسولف وياك صار هوايه أحچي شكو مترد ؟
- صافن
بشنو !
- بصوتج وانتي تحجين سريع ومتحمسة يصير احلىٰ ،
بس تره أني كملت سالفتي
- عيديها ... "
...............................
فاطمة _طبينه للمكتبة جان موجود غير رجال على المكتبة..
واكفه اكلب بالدفاتر والاقلام وعيوني ادور عليه عسى ولعل المحه بس ماكو ممجود جان بداخلي امل وانطي أعذار اله بس حظي هذا شلون يتغير..
شويه ودخل ولد للمحل سمعت يحجي ويه الرجال الواكف بالمكتبه من ضمن حديثهم ذكروا اسم فارس عاد اني كبل حطيت بالي ويه حديثهم
الولد_شخبار فارس صار فتره ماكو اتصل عليه ماحصله ابوه بعده نفس وضعه؟؟
الرجال_جنك متعرف والله ابوه نطاك عمره قبل ٦ ايام وكفت كلياته على ساعه وفارس حيله انهد بوفاة ابوه خطيه الله يساعده
الولد _انا لله وانا اليه راجعون..
والله قهرتني ابو فارس خوش زلمه المرض مو اله بس بعد هذا حد يومه الله يصبرهم على فراقه
فاطمة _انصدمت حييل بالي كاعد اسمعه متوقعت ابوه متوفي صح هوه كلي ابوه مريض وتعبان بس متصورت يتوفه وخطيه فارس اني صار كم يوم مبقيت ظن مظنيته بي وهوه عده حاله وفاه خرب بعقلي اي والله.. سمعت صديقتي تحجي
...شبيج فاطمة وين صفنتي مو داحجي وياج
رديت،، اي حبي شنو كلتي
.. داكلج خلصت خلي نرجع للبيت بعد
رديت،، اي يلا..
رجعت للبيت واني مقهوره على ابو فارس اذكر شلون جان يسولفلي عليه وشكد يحبه ويحترمه عفيه دنيا طول عمرها تاخذ منه اعزازنه..
كضيت اليوم كله مقهوره على فارس مستفقدته وبالي عليه لزمت التلفون واني خايفه من هاي الخطوه الي راح اخطيها..
اخاف ياربي تصرفي خطأ بس والله ظل بالي اريد اطمن عليه اعرف اخباره حيصير اكثر من ١٠ ايام واني مسامعه صوته
طلعت رقمه اريد ادك واوخر ايدي غمضت عيني وكلت خلص اخابره وشيصير خلي يصير صح مكالمتي اله تخلي يفهم انو اني هم بديت احبه وتعلقت بي بس ماكدر اتحمل أكثر دكيت عليه..
ماكو جواب منه ظل بالي عليه أكثر رجعت دكيت مره ثاني هم ماكو بالمره الثالثه قبل مينسد جاوبني..
اجاني صوته بس كوه يحجي والتعب مبين عليه من صوته انعصر كلبي عليه..
فارس _ هاا فاطمة..
فاطمة_ البقية بحياتك فارس ان شاء الله اخر الاحزان
رد،، حياتج الباقية..
حر حسره.. مين عرفتي..
رديت،، مو مهم هسه شلون عرفت شلونك انته؟؟
رد،، ليش يهمج تعرفين!!
رديت،، طبعاا يهمني فارس انته متعرف اني طول هذا الأسبوع شصار بيه وعقلي وفكري كله يمك ظل بالي عليك والله..
رد بحزن،، راح ابوية فاطمة راح سندي بهاي الدنيا كل شي جنت متوقعه بس مال يتوفى هيج فجأه اه..
كسر ضهري فراكه فاطمة ابويه مو اي احد ابوية قدوتي وسندي بهل الدنيا ومن غيره ضعت..
.. كمت ابجي على كلامه وشلون يحجي بحسره وقهرر
حجيت،،الله يساعدك ويصبرك فارس فدوه لا تسوي بروحك هيج
رد،، كاعد تبجين فاطمة؟
مكدرت احجي من وره دموعي الي تنزل عشره عشره..
حجه،، لا تبجين الله يخليج لا تزيدين قهر فوك قهري حيلي مهدود لا تعبيني أكثر..
حجيت،، لا مابجي بس انته هم لا تظل هيج مقهوره فدوه والله كلبي انلجم عليك
حجه،، تحبيني فاطمة؟
رديت،،مممو ماا اااا
حجه،، هيج سؤالي صعب فاطمة
رديت بحزن،، فدوه انطيني وكت افهم نفسي شنو اريد وبعدين هذا الموضوع مو وكته ابدد