لم تكن امي(لبوة الاسد)

البارت السادس عشر

,, رواية لم تكن أمي،،
_البارت السادس عشر _
......................
هل ستشفى أرواحنا
يوما ما!؟
أم ستفارقنا ..
هذه الأرواح وهي متعبه..
..........................
فاطمة _تصنمت بمكاني وضاعت عدي كل الحروف احس الساني انعكد وجمد الدم بعروكي خوف خوف مو طبيعي اذا اريد اوصف هذا الموقف راح يكون اشبهه بأنتظار الموت..
فارس مستمر يحجي وياي ويسأل عن سبب اختفائي واني صافنة على سيارة مهيمن الي وكفت ومبين شافني وعرفني لانو فتح باب سيارتة ونزل لا هاهيه..
فارس _فاطمة رحمه لدينج احجي نطقي شببيج فصلتي عن الدنيا خايفة من شي احد مأذيج؟
فاطمة _باوعت عليه وبالكوه نطقت،،
م..ه..ي.. مهيمن أخوية..
فارس _شنو شبي..؟
فاطمة_ثواني مو اكثر واني اشوف مهيمن جار فارس من ياخته وضاربة بوكس بوجهه على اثره ارتد ليوره وخشمه طك دم..
مبدر مني اي رد فعل جنت عبالك فاصله حتى جسمي ماكدر احركه..
مهيمن _حيوان منووو انته وشسوي واكف بطرريق اختي هااا.. لو اخاف اكو شي ب.. لا مستحيل
لججج فاطمة تعرفين هذا الولد عدج شيي وياه هااا ااااحجي شبببيج منووو هذا الي ضاربيلكم ركن تسولفون بي سووية..
فاطمة _اختفى الكلام مني والي بقة فقط دموعي الي تشرح صعوبة الموقف الي خليت نفسي بي كل شي ديصير ضدي..
حسيت راسي صار يفتر وبالكوه واكفه على رجلي ومهيمن مستمر بسؤاله اليه..
مهيمن _قسم بالله يااا فاطمة اذا مراح تحجين الي داشوفه كدامي شنوو اطيح حظج..
فارس _لحضه اخوية ممكن تسمعني احسن من عصبيتك وعياطك هذا تره كبرت الموضوع انته من يمك..
مهيمن _خنكه من ركبته،،
شنوووو الي كبررته هااا شنووو يابه اني ما افتهم فهمني وضحلي الموضوع شنو..
فارس _اول شي نزل ايدك وثاني شي اني ممسوي شي غلط بالعكس ساعدك اختك لانو جان اكو مجموعه شباب كاعد يتحارشون بيها ويمكن لو ممدخل جان سوا شي جبير يمسكم الكم..
اني مخاش بجيبي شي اني مجرد شفت الي داسوي صح ولازم اساعدها.. والشغله الخ من شفتني واكف وياها فقط داسألها تكدر ترجع وحدها لو لا..
لانو اذا ملاحظ الخوف والتوتر الي مرسوم على وجها يقلق غيرتي مسمحتلي اعوفها وانطيها ضهري وكأن شيئاً لم يكن..
واذا بعدك مصر على اتهامك اليه وانو الي داسوي غلط تكدر تتفضل عدنه بالبيت ونجيب العشيره والي تردوا احنه حاضرين اني مغلطان لو غلطان جان مشفتني واكف كدامك حاليا ً اتوقع المفروض اشرد وشيصير خلي يصير صح كلامي لو بي أشكال..؟؟
مهيمن _وشمعنه انته بالذات طلعت صرت بوجهه وساعدتها هاا جنك جنت تراقبها..
فارس _أخوية اني عدي مكتبة اهنا راس الشارع مال مدرسة والكل يفوت من كدامي واشوفة لهذا لمحت اختك تمشي وحدها وبعدها شفت هذوله الشباب راحوا وراها حسيت اكو شي غلط بالموضوع لهذا طلعت وراهم هذا كل مافي الموضوع وارجع اكلك تفضل عدنه ونتصافه
مهيمن _مداقتنع..
فارس _ هذا الشي يبقه يمك شسوي مثلا حته تقتنعك هاي اختك كدامك اسألها شنو الي صار وياها..
مهيمن _بشك معقولة كلامة صح واني فهمت بسرعه بس الي شافته  عيني زين ليش مداصدك درت وجهي على فاطمة صايره صفرره و ترجف..
وترني شكلها اخاف صدك متعرضين الها وصاير شي لانو الخوف الي بعيونها مو مال ولا شي..
حجيت،،
فاطمة الي حجاه الولد صح هيج صار وياج وهوه ساعدج.. شفتها بالكوه هزت راسها مأكده كلامة بس ظل اكو شي بداخلي مامطمن مع انو الولد شكلة محترم مو من هذولة المزعطة..
فارس _وهسه ان شاء الله ماكو بعد أشكال او شك بداخلك.
مهيمن _والله ليش الجذب بعد اكو بس هم اتشكر منك لانو حميت اختي و..
مشفت غير فاطمة واكعه من طولها بالكاع  ركضت عليها اضرب بخدها احجي وياها ماكو استجابة
فارس _هاي شصار شبيها ليش وكعت
مهيمن _خزرته،، وشعليك بيها انته..
فارس _مسح على وجهه بغضب،،
رحمه لابيك بس صفي النيه وشوفها اخاف بيها شي
مهيمن _فاطمة كاعد تسمعيني ،،
ماكو استجابة شلتها وحطيتها بالسيارة  جان عدي بطل مي غسلت بي وجهه وبقيت اضرب على خدها شوية ورجعت تصحه..
خفت حيل عليها ماعرف سبب فقدانها للوعي بس الظاهر جانت خايفه احتمال من الي تحرشوا بيها وبعدين من طلع هذا الولد هم خافت منه مادري والله كله صوج همام الي ناسي الدنيا كلها باوعت على فاطمة صافنة عليه..
فاطمة _حجيت بهدوء،،
مهيمن الله يخليك لا تفهمني غلط والله والله هوه ساعدني وصدك جانوا اكو ٣ ولد يمشون ورايه وذبولي حجي محلو والله جنت خايفه ومعرفت اصرف صح  كمت ابجي..
مهيمن _خلص كافي لا تبجين  مصار شي.. داصعد بمكاني اجه الولد يمي..
فارس _تحتاج مساعده..
مهيمن _جريت نفس،،
رحمه الله والديك متقصر واتمنى تعذرني اخاف تماديت وياك بس اي شخص بمكاني راح يفهم الي شافه مثل ما فهمته اني..
فارس _احم معذور خوية واني هم اعذرني اخاف تدخلت زيادة
مهيمن _ولا يهمك..
صعدت ورجعت للبيت وطول الطريق عيني على فاطمة الي دموعها تنزل بهدوء والتعب ماخذ حيلها..
يعني احتمال من الهبطه مال ولد ومنا اني هجمت عليها بس مادري احس اكو شي مضموم..
وصلنه للبيت رحت على فاطمة نزلتها وهيه لا الها حس ولا نفس حيل هادئه طببتها للبيت جان رأسا تصير أمي كبالنة..
جنان_وين جنتوا وليش تأخرتوا ظل بالي عليكم تره.. شبيها اختك اشو وجهه مخطوف لونه..
مهيمن _زين ممكن تنطينه مجال نكعد نرتاح نجر النفس وبعدين نتفاهم تره اعصابي تعبت..
جنان _خيرر شصاير خوفتني تره
لبنى _همست،،
عمة اخاف لكف فاطمة مسوية مكسوره..
مهيمن _انجبي وتره سمعتتج احترمي نفسج لبنى.. ورجاءاً اي شي يخص اختي وأهلي لا تحشرين نفسج بي اهتمي بروحج وبس..
لبنى _مجبت شي من يمي  شكلكم كاعد يكول هيج تره وقبل متعيط عليه عيط على ا..
جنان _سكتي لبنى سكتي لا تحطين بانزين على النار وتهيجينه بهل دقيقه طب يمه ارتاح بالهول وهسه اجيبلكم مي تبللون بي ريجكم..
مهيمن _لا خلي نصعد بغرفة فاطمة هاي متتحمل احسها راح توكع من طولها مره ثانية..
جنان _هوه شصاير..
مهيمن _زبايل حشاج متحارشين بيها وهيه خافت حيل..
جنان _لطمت على صدرها،،
عززه صخاام بوجهي بس لا مأذيها لو شي
مهيمن _لا يمه اكو ولد الله يسلمه شايفهم و متحاجي وياهم.. واني شوية تلاغيت وياه  وفاطمة من الهبط تخربطت..
جنان _الف الحمد لله.. الله مينسه عبده دائما يسلطله الي يحمي يمه بنيتي سوده عليه زين مهيمن شبيها هيج خانسه كلبي صار نار عليها..
مهيمن _ماعرف يمه يمكن بعدها خايفه خلي ترتاح واكعدي بعدين حاجيها براحتج..
فاطمة _أنا أصارعُ نفسي، أنا اعرفُ ذلك جيداً،
أمرُ بين الواقع والخيال، لا اعرفُ ماذا اريدُ او ماذا اريد ان افعلُ، اقعُ في زنزانتي السوداوية الحاره الجافه كُل يومٍ،
ولآ استطيعُ أن اخرجُ منها، لآ يمكنني فعلُ ذالك، هناك شيءٌ يمنعني شيءٌ ما، لا اعرفُ ما هذآ الشيء ربما جانبي السيء او ربما قلبي المحترق المكسور الذي خرج من الآف العمليات الجراحية وهو في حالة سيئة، في الدقيقة التي تليها أريد أن أعيش في جزيرة النسيان، في دقيقة أريد أن أشعر، في الدقيقة التي تليها لا أريد أبداً أن أشعر مرةً أخرى
الخوف الي عشته بهاي الحضات والي حسيت بي جان كفيل انو يهد كل حيلي ماعرف مهيمن راح يعبر السالفة لو لا اقتنع او لا بس اني جنت بوضع اشبهه بالسبات..
كل شي صار بسرعه موقف تداخل بموقف ثاني.. احس روحي بعد هذا الموقف انطفيت صح اني حجيت الحقيقه ومكذبت على مهيمن من سألني شنو صار وشكو بس مع ذلك اظل كدام نفسي مكذبه..
وفارس الي احسه تورط من ورأية ولوما حاجي بالوكت الصح احتمال اروح بيها اني اه ياربي داحس روحي كاعد انسحب للظلمه يوم بعد يوم..
اكيد ربي كاعد يعاقبني لانو خليت امي تغضب عليه وتضوج من ورايه ومن اذيتها الله اذاني هذا اليوم مستحيل يطلع من ذاكرتي لا والله..
احس هذا تنبيه من رب العالمين اليه حته مابقه على الخطأ الي حطيت نفسي بي بسبب انجرافي وره مشاعري صار لازم ارجع لوعي ولواقعي كافي احلام وتخيلات..
يعني ابسط شي لو أخوية ممصدك كلام فارس جان صار كتلي حلال على ايدهم.. تحسرت لازم احاجي فارس بفد طريقه وأنهى كل شي شنو ذنبه الولد يظل مشتول وعقله يمي اصلا هذا الي جان المفروض اسوي من البداية..
بيومها لزمتني فلاونزه بالعظم وخطيه أمي ومهيمن حاروا بيه ساعه كمادات ساعه سوائل دافية اخير شي نعس مهيمن راح لغرفته وبقت بس امي تباوع عليه بنضرات..
حسره
قهر
غضب
حنيه..
فاطمة _لزمت ايدها وبستها حيل،،
يمه اني تبت والله وعرفت غلطي سامحيني فدوه ماكدر بعد على زعلج اكثر من هيج واني الي تردين تسويه بيه راضيه بي عسى ما تضربيني المهم ترضين عني..
جنان _خلص يمه اني هم كلبي مينطيني اشوفج متأذيه هيج اني ردتج تتعلمين من خطئج والله كلبي اذاني حيل من شفتج اليوم بهل وضعيه اني علمودج ومن مصلحتج سويت هيج..
الام مهما تقسى على أولادها بس بالنهاية تريد مصلحتهم وكل الخير الهم وهذاك الولد نصاب يامي يريد يتونس وياج فتره وبعدين يشمرج..
فاطمة _ماما رضيتي عني موو..
جنان _ليش اكدر ابقه زعلانه على وحيدتي هاي جانت عقاب الج..
فاطمة_ماما تره لبنى خبيثه اخاف  تحجي لمحمد
جنان _لا متحجي أني نبهتها اكثر من مره ولا تكولين خبيثه عيب تبقه مرة اخوج واكبر منج..
وبالمناسبة تلفونج حيظل عدي ومنا لمن تخلصين سادس عود ارجعه علمود مصلحتج..
فاطمة _سكتت واكتفيت بالصمت حقها شما سوي وياي مالومها اني حطمت الثقه الي جانت بينه بصعوبه يلا كدرت انام منا وجع جسمي من وره الفلاونزه ومنا وجع روحي روحي الي عايش بيها فارس وصار لازم اطلعه منها حته محد يضرر..
ثاني يوم حسيت على احد يمسح على شعري فتحت عيوني صارت كبالي ماما..
جنان _يلا يمه كومي كافي نوم هيج جسمج راح يبقه خامل ومتروح منج المرضه سويتلج حليب بالهيل حار كومي شربي..
فاطمة _ابتسمت الها،،يلا كايمة
غسلت ونزلت على كيفي جوه جانوا بس مهيمن وبابا كاعدين بس شفت مهيمن نزلت راسي للصدك خايفه منه احس اكو شك بكلبه عليه..
مهيمن _شلون صرتي اليوم خوية؟
فاطمة _احسن الحمد لله
ابو محمد _السنة الجاية احطلج خط ابردلي راس شنو هاي لو صاير عليج شي منو بعدين يفيدني..
مهيمن _اني هم كلت هيج الحمد لله هيه بخير هسه.. زين يابة متفضون سالفة همام تره ابنك قافل على الابنية ورايدها خطبوها اله هوه منو الي حيزوج احنه لو هوه..
جنان _اني جنت قابله اخطبها هاي قبل مادري بيها أرملة بس هسه مستحيل ادري شناقصه ابني ويأخذ وحده ارملة اني اريد افرح بي مو ابقه خايفه عليه من حظها..
مهيمن _شدتحجين انتي حظها شنو بعد
جنان _اي مادام توفه زوجها هذا معناها حظها قليل وراح تجيب الفكر لابني و...
ابو محمد _اانتي كل عقلج تحجين هيج جنان هذا موو حجي هاي خرافات ايام كبل طلعي منها عيب عليج هيج تفكرين بالناس..
جنان_هسه شحاجية اني تره ابني هذا ومن حقي اخاف عليه واحرص عليه
مهيمن _يمه بس حجيج بعيد كل البعد عن المنطق لا تبقين رافضة هيج كلبج مينقهر على ابنج الي صارلة فتره منعزل علينه فكيها يا أمي وفرحي كلبة..
جنان _يعني تردون اروح واني مراضية خوش لعد حروح علمود همام بس خلوها ابالكم مراضية اني حته لا بعدين احد يعتب عليه ويكول صوجج وانتي الي وكفتي بوجهه..
مهيمن _فدوه اروحلج يمه خليج هيج ولا تكسرين بخاطره
جنان _اي خوش بس من هسه اكلك ماخطب هسه..
مهيمن _لعد شوكت؟؟
جنان_ وره زواجك مابيه تصير عليه الخبصه خبصتين هاي داكلك من هسه ولا تجي تقنع بيه ماكو تزوج انته منا وراها اخطب لهمام هذيج الابنية..
مهيمن _يمه اني مطول فد شهرين بالقليل
جنان _اي وشورانه هسه تريد اخطبها انتضروا واذا لا بكيفكم بعد
ابو محمد _خلص خليها وره زواجك ليش الاستعجال
مهيمن _مادري بعد على راحتكم خلي ابشر المكرود شوية افرحة
جنان _اي وكله يبطل سوالف الجهال ويرجع للبيت بعد..
مهيمن _صار..
اني رايح لبيت جدي عازمنه على الغده متجون وياي..
جنان _مالي واهس طلعه اذا تريد اخذ فاطمة خلي تغير جو هناك مو حتجي هدى حته تكعد وياها..
مهيمن _بكيفها هاا فاطمة تجين لبيت جدج
فاطمة _هاا لا مالي واهس..
جنان _لاا امشي بدلي وروحي وياها احسن من هذا الخمول الي انتي بي..
فاطمة _اوك كايمه..
صعدت لبست صايه مالي واهس ابدل وخبصه لفيت شالي ونزلت جان مهيمن مكمل وصاعد بالسيارة اجيت صعدت بصفه وهوه حرك الهدوء عم المكان..
مهيمن _فاطمة صاير شي وياج اني مادري بي..
فاطمة _ش.. شي مثل شنوو؟
مهيمن _مادري اني داسألج لانو صايره حيل هادئه وكل ماباوع بعيونج اقره بيها الخوف اذا اكو شي احجيلي..
فاطمة _تلعثمت بالحجي،،
مهيمن مااكو شي بس تعبانه والله منا جانت امتحاناتي النهائية ومنا الموقف الي صار..
كم يوم وارجع مثل قبل..
مهيمن _هم خير ان شاء الله..
فاطمة _مشوار الطريق وصلنه لبين جدو نزلت إني ومهيمن خابره صاحبه بقه يحجي وياه بالسيارة..
طبيت من باب المطبخ صاروا كبالي خالتي حياة وبيبي وهدى سلمت عليهم شكد احبهم من كد الحنية الي شايلاتها بكلبهن
الحجية_يا يمه فطيمة وجهج لونه ليمونة شني ما تاكلين انتي..
فاطمة_ههه لا بيبي اكل بس شويه مريضه..
حياة _راح اسويلج عصير برتقال شويه يرد روحج
هدى _احم احم شتردين بعد ست فاطمة باعي الدلال مال الحبايب شلون..
حياة _على ساس انتي قاصره دلال روحوا فوتوا جوه حاره عليكم اهنا..
هدى _اكولج فاطمة شبيج تره وجهج مو مال بس مريضه خيرج؟
فاطمة _اوف شكلج غلطت هدى وسويت شغله مو زينه وماكلني الندم..
هدى _ياا شمسويه..
فاطمة _تعالي بالغرفة نحجي..
طبينه بغرفة خالتي القديمة سديت الباب وكعدت حجيت كل شي صار الها..
هدى _مادري شكلج والله تدرين الله ستر عليج هاي لو اني جان من دون ماسوي شي انفضح ههه
فاطمة _تره مضحك داحجي جد
هدى _ادري بس غير انتي وجهه البومة فرديها للخلقه عاد يعني تدرين اني اشوفج بين الغلطانه وبين ال لاا.. وبعدين تعالي اكلج انتي ليش ضامه عليه جنتي خوش صداقة هاي..
فاطمة _هدى هوه اني وين شايفتج مدكوليلي تره حته تلفون ماكدر اسولف وياج على هيج موضوع وهم اخاف لا تجفصيها كدام أخوية..
هدى_ ياهوه منهم همام..
فاطمة _باوعت بشك،،
ليش انتي المن مخطوبة لهمام او لاسد..
هدى _للاسد مع الأسف..
وبعدين اخوج البخيل ميجيبلي تلفون شنو هاي
فاطمة _كوليلة انتي شبيج متعرفين تحجين
هدى _لا مستحيل اطلب منه شي استحي..
فاطمة _أوك خليج هيج لعد..
هدى _فاطمة انتي تحبي من صدك لو لانو اهتم بيج حبيتي؟
فاطمة _ابتسمت،،
احبه حييل والله مو شغله بس اهتمام بس شي بداخلي يتمنى قربه دائما،يتمنى يسمع صوته، وشوفه طوله خوفي عليه إذا يتعب لو من  يضوج والأهم احترامي اله هذني كلهن يخلني متأكده من حبي اله..
هدى _كافي خجلي على روحج كبالج سنكل..
فاطمة _هههههههه عززه لعد واخوية شنو مو بعينج
هدى _مادري ممحسسني بالي انتي تحسين بي حالياً..
فاطمة _ههه الله يهديج..  تره تحبي انتي بس مكاعد تعرفين روحج شتردين..
هدى _الله عليج وعلى احساسج..
فاطمة _احم يلا كافي شقه هدى فدوه احتاج مساعدتج محتاجه تلفون اخابر منه فارس لازم انهي كل شي وياه حته ميظل ينتضرني واني مافيده بعد..
هدى _ياا خطيه..
اوف هسه اجيب مال ماما حياة ماعدي غيرها..
فاطمة _تمام انتضرج..
راحت واني كلبي صار طبول من التوتر والشي الي راح اسوي والله كلبي مينطيني اسوي هيج وياه بس ماكدر بعد لعبت هواي بكيفي..
هدى _هاج خابري بسرعه هذا اخوج كاعد يم جدو وكالب الخلقه مدري شبي لا يجفت علينه انوب..
فاطمة _يلا جيبي..
كتبت رقمه جنت حافظته على غيبي ودكيت عليه ويه كل دكه كلبي يتخربط اكثر صرت اخذ نفس بقوه شوية واجاني صوته..
فارس _الوو نعم
فاطمة _ف.. فارس
فارس _فاطمة هااي انتي لججج وينج تدرين اني كاعد على نار بعد شعراية وانفجر لييش متفكرين بيه سويت شي غلط وهيج تعاقبيني لج والله لا ليلي ليل ولا نهار نهار ماكل تبن حته شغل مداعرف اشتغل خو اخير موقف صار ومن شفتج فقدتي والله مردتي كلبي..
فاطمة _شهكت باجيه،،
بس اسمعني فارس
فارس _كاعد تبجين ياروح فارس
فاطمة _شفت هدى أشرت اليه استعجل،،
شوف فارس اني بعد ماكدر اكمل وياك اصلا من البداية كل شي سويته جان غلط بس اني مشيت وره مشاعري ناسيه اهلي اسفه والله واتمنى تنساني..
فارس _لاااا تكفريني شنوو مناسبه هذا الحجي هسه..
فاطمة_فارس أمي تعرف بيه احجي ويه ولد وعاقبتني واخذ جهازي واني ماكدر على زعل امي لهذا ماكدر اكمل وياك..
فارس _مو بكيفج بعد كل هاي الفتره جايه تحجين هذا الحجي تكملين وياي وغصب عنج..
فاطمة_اانته شببيك متفهم بالكلام داكلك ماكدر بهذا وضعنه
فارس _تكدرين بس مو هيج لاا وانتي مرتي..
فاطمة _شنوو!!
فارس _لا تتفاجئين راح اخطبج من اهلج وكل شي حسب الأصول اني من البداية كتلج غايتي وياج زواج مو لعب اذا تذكرين..
فاطمة _شتحجي انته فارس تره مهيمن شافك تتوقع مراح يشك بيك من تجي وهوه بالكوه اقتنع متعرفني..
فارس _فاطمة يا عيوني انتي خليها عليه ولا تفكرين بشي مستحيل اسوي شي يأذينه بس رايد منج شغله وحده توكفين وياي مو تتخلين عني احبج اني وعلي
فاطمة _يعني صدك تحجي انته والله..
هدى _كاافي سدي كاعد يصيحونه على الغده ولج..
فاطمة _بسرعه سديته حته ملحكت اسمع جوابه نطيته حظر من جهاز خالتي ومسحت الرقم ..
بس شنو معنى كلامه شراح يسوي بله أمي عرفت هوه نفسه الي جنت احجي وياه ومهيمن شلون اووف ربي كلت انهيها وياه واخلص من الهم انوب دخلني بهم اكبر..
هدى _طلعت يمهم نتغده اشوف مهيمن ينافخ بله هذا شبي شكو هيج ضايج منو وياه.. غلست عنه خلصنه الغده وهوسته بعدين كعدت دكيتها سوالف ويه فاطمة حجتلي اكثر عن الولد الي يحبها انقهرت عليهم بلكت يتجمعون..
صار العصر أخذها مهيمن وراحوا لبيتهم احنه بقينه شعده راجعين متونسه ويه بيبي  صاحتني بيبي لغرفتها و  طلعت فرشه وعلمتني اطرز عليها والله شي حلوو..
اشو شوية  وطبت أمي حياة للغرفة وسدوا الباب وراهم..شكو شبيكم؟
الحجية _اي يمه مو تدرين انتي على باب زواجة ولازم اعلمج على جم شغله
هدى _شنو هنه...
الحجية_شوفي يمه راح ابديها من ليلة العرس وصعوداً باعي اول شي من يجي الزلمة و......وبعدين هوه......
هدى _فكيت عيوني على وسعهم شنوو هذا الحجي عززه عيب بيبي متستحين انوب تحجيلي بالخط العريض..
الحجية _انجبي لج خلي اكمل باعي من يجيج مو تتحججين لو تتعززين سلمي روحج حته متتأذين هيه جكه ابره..
هدى _مااماا احجي ويه بيبي شنو هااي..
حياة _اي غير دنعلمج لعد خوما تردي هوه يعلمج..
هدى _احس الحراره صعد بوجهي كافي ماريد اتعلم وبطلت ازوج هم على حجيكم هذا..
الحجية _اي مو دنلعب احنه باعي هسه خلي اعلمج وره متكمل الشغله شسوين انتي و...
هدى _اني كايمه احسلي كملو وحدكم..
حياة _هههه كافي يوم لا تخجليها اكثر
الحجية _ولي هاي فوكاها صدك من كالوا سوي خير وذب بالشط..
هدى _يمعوده هم هيج خير ميراد تره خلي اكوم اشوف جدو احسلي..
عفتهم يحجون وراية واني احاول اغلس عن حجيهم رحت للصالة صار مهيمن كبالي هاي شنو هذا مو راح شرجعه.. هوه هم انتبه عليه من فتت
مهيمن _اكول جدي من رخصتك اريد اخذ هدى وياي نتعشه بره..
الحجي _مرتك أسد اخذها وروح وين ميعجبك..
هدى _زين شنو واني مالي رأي تسألوني يعجبني اطلع لو لا
مهيمن _لاا
هدى _هذا شبي اليوم
مهيمن _بعدج واكفه شو يلا لبسي حته نرجع من وكت
هدى_ شكد متسلط صاير شو قبل مجان هيج وياي بالعكس جان فري احسه بدلت  لبست تنورة كبس وقميص جويتي حطيت الحجاب على راسي شلون مجان وطلعت..
مهيمن _متعرفين تلبسين الحجاب عدل مطلعتلي ركبتج شنو اغراء مثلا..
هدى _كمت ارمش بعيوني،،
هذا عقلك هيج يتصور لانو منحرف اني شعليه..
شفته وكف كبالي وصار يعدلي الحجاب فاجأني الصراحه..
مهيمن _لا عقلي نظيف لا تخافين هسه تمام صار يلا امشي..
هدى _صعدنه بالسياره وطول مشوار الطريق هوه ساكت ميحجي وياي شكد مزاجي صاير مهيمن وكف السيارة يم مطعم وفندق ال.... 
مهيمن _يلا نزلي وصلنه..
هدى _زين شعجب جايبنه هناا خلصت المطاعم..
مهيمن _لا مخلصت بس هذا احبه اني..
هدى _هاا..
نزل هوه واني نزلت وراه جان المطعم بي عالم هواي زين على هاي العالم ولكينة مكان نكعد بي طلب كباب ومقبلات وببسي من دون حته ميسألني شنو اريد اكل..
حجيت،، اكول عيني شنو بس انته راح تاكل واني اتفرج عليك..
مهيمن _ليش تره طالب مال ٣ نفرات حته يكفي وزياده اتوقع..
هدى _اي وشنو بلكت معجبني طلبك غير تسألني شنو اريد اكل..
مهيمن _ماكو داعي اسأل اعرف شنو تحبين وشنو لاا
هدى _اكلك مهيمن شبيك ضايج...
مهيمن _بعدين تعرفين هاي اجه الاكل يلا اكلي..
هدى _كيفك..
اكلنه وكلمنه بعدين هوه نزل جاي وباقين على الصامت مليت شنو هاي كلت اسولف وياه..
حجيت،، اي شكو ماكو استاذ أسد شنو سر هاي الطلعه..
مهيمن _اتوقع كايلج قبل ماحب تصيحيني أسد..
هدى _فشلني خلي اسكت مو مال واحد يسولف وياه.. شفته كام وكف يعني راح نرجع اني هم كمت مشيت وراه اشو هذا وكف كدام المصعد وداس السويج مال مصعد..
شنو وين صاعد مهيمن..
مهيمن _هسه تعرفين بنفسج..
هدى _انفتح المصعد دخلنه بي شفته داس على الطابق ال٣..
محجيت شي لانو مراح ينطيني جواب كالعاده وصلنه للطابق ال٣ مشينه لحد مصرنه كدام غرفه جان بيها عامل سلم على مهيمن وكله تفضلوا..
مهيمن _يلا فوتي
هدى _هوه شنوو اكلك انته شنو سالفتك ويه الغرف بين فتره وفتره وجايبني بغرفه..
شفته سحبني من ايدي طببني وسد الباب..
مهيمن _دخلي باباتي دخلي..
هدى _الصراحه طبيت بس كلبي بيدي لا يسوي شي
مهيمن _شو واكفه يم الباب شبيج شنو تخافين؟
هدى _اي طبعاً اخاف شنو شكو اجينه هناا..
مهيمن _هاي لو غير واحد متخافين منه هيج بس اني تتكهربين مني..
هدى _لا متوهم انته
مهيمن _كتيلي متوهم موو..
هدى _اشو هذا تقدم عليه وصار قريب مني هوه يتقدم واني ارجع وره لحد ما حصرني بالزاوية بلعت ريكي..
مهيمن _تدرين ابو عبد الله الي تودين تصاميمج اله اليوم خابرني ولو تعرفين شكلي
هدى _ش.. شكلك؟
مهيمن _حجه بعصبيه،،
كلي والله أريدك تجي وياي واسطة اطلب بنت الست حياة لابني عبد الله لانو الحباب عبد الله شايفج من جيتي للمحل وعاجبته تخيلي خطبوج من زوجج..
هدى _هوه بس كال هيج واني متحملت طكيتها بضحكه..
هههههههه متتتت اخ بطني صدك عود...
مهيمن _لجج فوكاها تضحكين تعرفين انتي معنى كلامي الي حجيته..
هدى _هههه اسفه والله  بس يعني مداتخيل الموقف زين شنو كتله وافقت لو لا هههه..
مهيمن _بحده،، هدى كاافي عاد عليمن الضحك هذا هسه
هدى _ههه على عيونك..
مهيمن _رفع حاجبه،،
عيوني ليش شبيها؟
هدى _ حلوات من تصير عصبي..
بس كتله هيج ملامح وجهه لانت وصفن عليه شكد جان عصبي بس هسه هدء  شفته رفع ايده حطها وره راسي سحبني اله وخله شفته على شفايفي وباسني بخفه غمضت عيوني.. ابتعد شوية وحجه
مهيمن _هدى لبوه الأسد احبج والخلق السماوات احبج..
يتتتبع..