لم تكن امي(لبوة الاسد)

البارت العشرون

،، رواية لم تكن أمي،،
_البارت العشرون_
........................
أحُب تلك اللمعة في عينيك،
شكل وجهك وعروق يديك،
أحُب أن أغضبك أحياناً لكي أصالحك بأغنية وأحرف من أول النهار لآخره، أحُب كل ما يحدُث بيننا.
.......................
هدى _اني يا أسد اني..
مهيمن _هدى؟
شدسوين هناا ولحضة خوما فهمتي الي شفتي من يمج تره ماكو شي من الي بالج هو..
هدى _مطلبت منك تبرير انته حر شسوي سوي بس على الاقل احترمني مو هيج عينك عينك واصلا اذا تريد..
مهيمن _اسكتي كاافي تمسلت داكلج ماكو شي من الي ببالج هدى..
جواهر _هدى حبي مصار شي اني مجرد جنت داعتذر منه عن سوء فهم صار بيناتنة من جنه مخطوبين وخلاص..
هدى _اي واضح..
مهيمن _هدى شبيج قابل خايف منج حته ماحجي الي جنت داسوي بس هل سوالف مو من ثوبي..
جواهر _فدوه لعينج هدى لا تسوين مشكله واني اعتذر منكم اخاف سببتلكم ازعاج..
من رخصتكم..
هدى _شكلها وطريقة كلامها ابد مرتاحيت اله راحت هيه واني درت وجهي هم اروح بس بسرعة لزمني من أيدي مهيمن..عووفني ممكن
مهيمن _لا مو ممكن انتي شبيج ليش فهمتي وفسرتي من عقلج
هدى _شفت بعيني وسمعت تره وكفتكم هم وحدكم مالها داعي الا اذا جان اكو شي قوي موو..
مهيمن _هدى..
هدى _ايي شنو هدى هدى معليك بيه عسى ما اشوفك واكف ويه الف وحده ميهمني شسويلك قابل هاا اخر همي..
باوعت عليه لحت على وجهه ابتسامة خفيفة...
وتضحك هم؟؟
مهيمن _تغارين عليه هدى؟
هدى _ههه اني اغار وعليك هم شكد مصدك روحك لعد..
مهيمن _هدى، هدوشتي، لبوتي، كلب الاسد وداعتج عدي ماكو اي شي من الي ببالج اني جنت واكف اخابر صاحبي حسيت شخص وكف يمي باوعت طلعت هيه يابه خير شكو..
كلتلي تريد تحجي وياي اني كتلها ماكو حجي بيناتة تره بس هيه أصرت ومن هل حجي اخذتها وكفتها على جهه مو علمود خايف لو حته اختلي بيها لا والله بس تبقة هيه بنية و وكفتها ويه خطيبها السابق تفتح الف باب وباب..
اما بخصوص شنو حجت اني مفهمت شنو تريد بالضبط الله وكيلج بس الي عرفته كاعد توضح سبب فسخها للخطبة من يمها..
هدى _وهسه يلا تذكرت تحجي بهذا الموضوع؟؟
مهيمن _علمي علمج وهذا كل الي صار ويمكن سمعتي انتي مادري..
هدى _زين انته بعدك تحبها؟
مهيمن _احبها!!!
هذا ياهو الي يحبها كتلج مسبقاً وراح ارجع اكولها بعمري محبيتها خطبتي الها كلها جانت من طرف أمي والف الحمد لله ما تمت حته ارجع لعقلي وأخطب الي اختارها كلبي..
هدى _هاي شنو بعد وهم صدك عود ليش خطبتني انوب الي وشمعنة اول شي جنت راضي وراج تزوجها لجواهر وهسه تكلي محبيتها..
مهيمن _هدوشتي اني احبج الج خليها ابالج هاي..
هدى _لعد جان خطبتني من الاول اذا صدك تحبني لو كل فتره خاطب وحده هاا..
مهيمن _أستغفر الله شلون حجي طايح حظه تسولف بي شوفي سببين..
اول سبب صغيره انتي جنتي ومازلتي صغيره خفت اظلمج وياي واني اكبر منج حيل..
والسبب الثاني جنتي تعتبريني صديق وأخ يعني شي اكيد مراح تتقبلين الموضوع..
بس من شفت تعامل احلام وصبيحة الج وهم المشاكل الي كاعد تصير وياج خفت عليج حيل خفت لا أحد يأذيج اكثر من اذيتج هاي بحيث أيقنت انتي بنص بيتج واهلج بس معايشة بأمان وايقنت انو هاي الطريقة الوحيده حته احميج من كل الدنيا من تبقين عدي..
هدى _ضجت من جاب سيره اهلي وذكرني بالكابوس الي جنت عايشة بي همزين مجايات اليوم هنه..
باوعت عليه وترددت احجي بس الفضول اكلني اكل اريد اسأله حته ارتاح..
مهيمن _اشوفج سكتي..
هدى _اريد أسألك سؤال بس هاا من هسه اكلك لا تفهم وتفسر بكيفك..
مهيمن _خير ان شاء الله سألي؟
هدى _احم انته وجواهر بالفتره الي جنتوا مخطوبين يعني هم صارت شغلات بينكم و بأعتبار هيه حلالك وهيج..
مهيمن _هاا شغلات مثل شنو وضحيلي اكثر؟
هدى _يعني شلون أوضح أكثر تره واضح كلامي..
مهيمن _لا وداعت عيونج مفهمت خاف قصدج نطلع اي عادي هاي..
هدى _لااا مو هيج قصدي..
مهيمن _لعد شنو اخاف قصدج نتخابر ونسولف اي هم عادي..
هدى _لااا لااا شبيك اقصد هم صرت قريب منها وبستها مثلي و..
انتبهت على جفصتي وكبل حطيت ايدي على حلكي وسكتت
مهيمن _هههههه الظاهر حلتلج البوسه ومتقبلين ابوس غيرج..
هدى _اني رايحة اطب جوه باي
بس درت وجهي داروح سحبني من ايدي عليه..
مهيمن _كتلج قبل وارجع اكولها انتي اول وحده ابوسها وحته من جانت جواهر على ذمتي مبستها لانو علاقته جانت حيل عادية وبارده هيه رادتني علمود فلوسي واني قبلت بيها لخاطر أمي..
هدى _واني منزله راسي،،
تمام تمام فهمت بس عوف ايدي اريد اطب جوه..
حسيت بي مسح على خدي بأيده
مهيمن _صدك لازم احاسبج اني كم مره كتلج لا تكوليلي أسد اشو تحبين تعانديني..