لم تكن امي(لبوة الاسد)

البارت الرابع عشر

،، رواية لم تكن أمي،،
_البارت الرابع عشر _
.......................
آنـي ماردتّك تضيع وتعتگ بـ عيني
رساله وتنتهي.!
ردتَك ولايه لِـ غرُبتي
منين مَر بيك الضباب وتيهّتني..
........................
فاطمة_طبيت للصاله صارت كبالي أمي ولبنى بس الوجوه مكلوبة..
سألت،، خير شبيكم صاير شي؟؟
رفعت أمي تلفوني بوجهي وحجت،،
جنان_ فتحي التلفون..
فاطمة_شنو شبيج ي..
جنان _بسررررعة !!!
فاطمة_بلعت ريكي بخوف وتوتر مبينه السالفة مو خالية،،
اخذت التلفون منها وفتحت الرمز ونطيته الها اني ماخذه احتياطي وره كل محادثة بيني وبين فارس امسح الكلام ومن اطلع من البيت لو اكون بالدوام هوه ميدز شي..
ظلت ادور بتلفوني اطب لبرنامج وتطلع من برنامج لخ لحد مزمخت بلبنى..
جنان _موو كتيلي سمعتها تحجي ويه واحد وتسولف وياه شوو فارغ تلفونها لا رسالة ولا رقم  شنو اجذبين عليه انتي..
لبنى _لا عمه.. لا اجذب ولا شي بأذني اكثر من مره سمعتها تسولف وياه بس اكيد ماسحه كلامهم لو شوف شلون مطمطمه السالفة..
فاطمة _ااانتي هي احترمي نفسج وعدلي الفاظج جايه تسوين مشاكل بيناته اني وامي جان استحيتي على روحج ..
جنان _انجبي فاطمة ولا حرف شنو هل صلافة  اكبر منج ومرة اخوج هاي..
فاطمة _يوم معقولة تصدكين بيها وتجذبيني الي..
لبنى _لحضة عمه اني هسه اجيبلج الدليل الي يأكدلج صحة كلامي..
فاطمة _اشو هاي تحجي بكل ثقة اجذب اذا اكول مخفت...
صعدت فوك وطبت بغرفتي مدري شسوت شوية ونزلت وبيدها الكارت الي كاتبلي فارس بس شعر هذاك اليوم..
غمضت عيني شراح اسوي هسه باوعت على امي بس قرت الكلام صارت نار وكبل كفختني على راسي..
جنان _لججج هاااي شنوو ومنووو هذا يا حيوان لاعب بعقلج صخام الي يصخمج يااا فاطمة لج تردين اصخمين وجوهنه..
فاطمة _م.. ماما ب..بس سمعيني مو مثل ما مفكره انتي والله..
جنان _لجج شنوو الي مو مثل ما مفكره
_مصادقة واحد لو لا؟
_حاجية ويه ولد غريب لو لا؟
_ماخذه منه شغلات لو لا؟
فاطمة _اني تحجي ودموعي تنزل اهز راسي بمعنى لاا نافية كلامها.. يووم والله مو هيج يعني..
جنان _بعدج تنكرين مو هياته كل شي كدامي واضح ومبين ليش يا أمي ليش اني قصرت بشي وياج حرمتج من شي اشو حته مبايل جبتلج رغم اخوتج مقبلوا واني كتلهم لاا هاي فطومة بنيتي تربية ايدي وكلي ثقة بيها..
هيج ولج هيج تفشليني كدام مرة اخوج تكلي أسمعها هواي تسولف بالليل وتقفل باب غرفتها وتعدل روحها من تروح للدوام..
عساني لا جبتج للدنيا ولا هل فشلة..
فاطمة _كامت تضربني وتدفع بيه من قهرها.. صح ضربها ميوجع كلش بس الوجع الي صار بروحي اكلني اكل من غير تأنيب الضمير احس نفسي خنت ثقه امي بيه وهيه جانتلي كل شي اكثر من مره فارس كلي خلي احاجي امج انو رايدج فتره واجي اخطبج بس اني مجنت اقبل..
لبنى _لا عمة فدوه مو هيج اني ماريد اسوي مشكله لاحد والله من خوفي على فاطمة لا يقشمرها الولد وهيه بحسبت اختي..
عمة اني جنت ساكته وكلت مادخل بس من سمعته الولد يتفق وياها حته يشردون سوية خفت عليها لا يأخذ شرفها ويشمرها وبعدين تصير مصايب..
فاطمة _فكيت عيوني على وسعهم،،
عزززه لج حيوانة شكاعد تألفين حجي شوكت كايلي هيج هوه كذابه والله كذابه لا تصدكيها ماما..
رحت لزمت ايد أمي واحجي وياها بتوسل،،
فدوه رحتلج يا أمي صدكيني فارس مو هيج والله هوه خوش ولد وعن قريب جان ناوي يجي يطلبني منكم..
ماما تتوقعين مني احجي ويه واحد يكلي تعالي نشرد مستحيل ومن ساابع المستحيلات..
محسيت غير ركعتي براجدي قوي على اثره نزلت دموعي اكثر..
جنان_وخرري ايدج من يمي لا تكيسيني الله لا يوفقج على هاي السالفة السوده الي سويتيها لج عدج ٤ اخوان ولد مخفتي على روحج على سمعتج يابه لا تفكرين بروحج بس احنه ابوج وامج موكفنة بعينج تدرين هسه لو اشرب من دمج ما ارتاح
فاطمة _اشوف امي تحجي على كيفها ونفسها تجره بالكوه اخير شي كعدت على القنفة وسحبت زيج دشداشتها عرفتها صعد ضغطها كبل سويت الها عصير ليمون واجيت نطيته الها دفرت ايدي
يمه ابوس ايدج مو وكت الزعل والعناد بس اخذي حته تركد نفسج وبعدين شسوين بيه اني راضية ومافتح حلكي يلا يمه فدوه اروحلج اخذي من أيدي..
لبنى _عمة اخذي اخاف توكعين علينة هسه وماكو احد من الولد يمنه وين نوديج..
فاطمة _باوعت عليها بحقد،،
الخبيثة الحقيره كله من وراها ذبت سمها يلا ارتاحت..
اخير شي اقتنعت تاخذه شوية ورجع لون وجها طبيعي وصارت احسن.. باوعت عليه وحجت..
جنان _شوفي لج هاي سالفتج قسم بالله ما انساها الج.. هذا تلفونج هسه ينكسر كبالي.. اصلا انسي عدج تلفون والمدرسه بعد مترحين بس بالامتحانات مال اخير السنة وهاهيه..
وخلي همام يوصلج ويجيبج.. هسه من يرجع للبيت اكله اما بخصوص هذاك الولد قسم بالله اذا لمحتج مجرد لمحة انو حاجية وياه مره لخ لا اغضب عليج ليوم الدين..
اني جنان على اخر عمري بنتي تصخم وجوهنه لا والكفل زينب أموتج ولا اخلي الكلمه تطلع علينه اني اكدر اوصلها لابوج واخوتج بس اعرف تصير مصايب اذا احجي..
وانتي لبنى نفس الكلام موجهه الج اذا وصل نص حرف لمحمد ميصير خير اني هذا الي عدي وخلي اشوف منو الي تكسر كلامي حته اطيح حظها..
فاطمة _بلعت ريكي بقهر،،
زين ماما فدوه اروحلج خلي احجي وياج على انفراد وهدوء افهمج كل شي وانتي  حكمي بكيفج بعد بس لا تضلميني هيج..
جنان _اني شحجيت وشكلت متفتهين بالحجي يعني تردين اخلي اخوتج يفهموج بطريقتهم  فاطمة اجفينة شر المشاكل احسلج وجيبي هذا التلفون وروحي من كبالي ماريد بعد اشوف كدامي..
فاطمة _الكلام بهيج مواقف يضيع والغضب والعصبية يسيطر علينه..
أمي اخذت من خاطرها عليه وفهمت هواي أمور خطأ..
القهر ترس روحي لانو امي انقهرت مني وكله بسبب غبائي بس هاي الحية لبنى شلون لكت البطاقه واني ضامتها زين حقيره والله..
ياربي اني يمكن طريقتي جانت خطأ بس والله نيتي جانت صافية واعرف فارس واختبرته اكثر من مره طول فتره علاقتنة مفد يوم طلب مني نفتح كامره ولا ادزله صوري وحته هوه شكد كتله دزلي صور الك حتلو بس وحده جان يرفض يكلي افترضي واحد من إخوتج صار التلفون بأيده وشاف الصوره شنو حيكون موقفج بهذيج الساعه..
وهواي هواي مواقف خلتني اشوفه مو مثل هذولة شباب هل وكت.. نزلت دموعي على خدي يعني شنو شراح يصير هسه ياربي معقوله خلصت قصتنه اني وفارس هسه مو يكولون حظ الزركات كاعد اشو اني حته بهاي مالي حظ
اول مره احب ومن كلبي اول مره احس بنفسي بنية حالي حال بقية البنات واكو الي يهتم بيه وينتضر مني الكلمة ويخاف على زعلي حبيته والله وصرت ما أتصور يومي من دونة..
شسوي ياربي هسه لا بية ارجع اتواصل وياه واكسر كلمة امي ولا بيه ابتعد عنه هيج بدون سبب يعني على الاقل اوضحلة الموضوع يلا اختفى عنه هيج..
لزمت راسي الي صار شكبره من التفكير والبجي اووف منج يا خبيثة ارتاحيتي ان شاء الله هسه..
تمددت واني بملابس المدرسة غمضت عيني صار فارس كدام عيوني حبه ولهفته عليه ومنا كلام امي ياربي ماريد اخسر واحد منهم شلون
بين صراع الأفكار غفيت من دون ماحس على روحي فزيت بعد فتره شفت الدنيا صايره ليل هاي شكد نايمة اني..
تنهدت جانت ماما من اتأخر بالنوم تجي تكعدني بس هسه وين كمت غسلت وتوضيت بدلت ملابسي وكفت صليت مال ضهر قضه وبعدين مال عشه..
خلصت نزلت جوه اهلي تقريبا كلهم موجودين أمي شاده راسها بالعصبه مبين يوجعها اكيد من ورايه انتبه عليه بابا من نزلت..
ابو محمد _هاا بابا وينج اليوم ماكو سألت عليج كالولي نايمة مو زين هلكد تنامين يصير عدج خمول..
فاطمة _والله محسيت على نفسي من نمت هلكد مدري شبيه..
محسن _تنبل مال نوم فاطمة متحس على نفسها من تنام تفقد..
ابو محمد _انجب لا تحجي على وحيدتي تره اكوملك
محسن _هوه شنو صايرين بهذا البيت حلف عليه كل ما احجي كلمه وكبيتوا بوجهي ادري محد حاطلي اعتبار هناا
محمد _طولك شبرين ابو الاعتبار خلي تطلع شواربك وعود الله كريم نحطلك اعتبار..
لبنى _ههههه بكد الفصمه على كولت عمتي..
احم شبيكم صافنين عليه حجيت شي غلط..
فاطمة _والله حبي سالفتج مضحك لهذا صافنين عليج
لبنى _محمد صدك سالفتي متضحك مثل مدكول اختك
محمد _اهوو عاد انتن بنات وسولفوا بينجن لا تحطيني بنصكم..
ابو محمد _روحي بابا اكليلج لكمة تره تعشينه كلنه من زمان بقيتي بس انتي..
فاطمة _اي رايحه باوعت على امي الي محجت شي دايره وجهه على التلفزيون وساكته..
تحسرت طبيت للمطبخ شفت مسوين جانوا كبه سويت لفه اليه وحميت الجاي لانو راسي مصدع..
بقيت بالمطبخ اكل مالي عين اباوع بوجهه أمي كل ما شوفها احس بالندم ياكل كلبي والله فكرت هسه اكيد فارس ظل باله عليه اليوم محجيت وياه والتلفون عد امي..
بهل أثناء دخل همام من بره يدندن ويه روحه مدري يغني..
همام _هاا ابو صابر كاعد بالمطبخ اليوم..
وماد بوزه هم شبيك سلامتك يول
فاطمة _اهوو مالي واهسك همام وخر من يمي
همام _شبيج فاطمة اشوفج مو على بعضج عده الشقة لانو وجهج الصراحه ميبشر بالخير
فاطمة _تنهدت،،
ماكو بس مجاوبت بالامتحان وبقيت نايمة لليل وانته تعرف نومة العصر شكد مزعجه
همام _اي والله بهاي صدقتي المهم اكولج الكل موجود جوه موو
فاطمة _ايي بس عدا مهيمن طالع..
همام _حك راسة،،
شلون بله اظل اجمع بيكم اني خلي اتوكل احجي
كام طب للهول..
الله بالخير يابة..
ابو محمد _الله بالخير والعافية..
محمد _هلا همام
جنان _يمه متعشي احطلك عشه لو لا؟
همام _لا يوم متعشي الحمد لله..
احم بس من رخصتكم اريد احجي وياكم بموضوع شوية انتبهوا وياي..
محمد _خير ان شاء الله احجي..
جنان _اكلك اني راسي يوجعني تره إذا مصيبه احسلك تسكت وتأجلها على غير يوم
همام _لا يمه لا مصيبة ولا شي
ابو محمد _لعد شنو بوية؟
همام _كل الخير ان شاء الله..
يابة اني قررت ازوج وأريدكم تخطبولي..
جنان _صدك تحجي لو تشاقة؟
همام _لا يمة صدك صار فتره على بالي الموضوع بس مصارت فرصه احجي بي لانو انتوا كل واحد بجهه وهيج يعني..
جنان _خوش قرار لعد من باجر اكوم اخابر مرة خالك حازم علمود غدير و..
همام _شنوو شنوو شنوو يا غدير يا مرة خال شبيج يمه شكاعد تحجين انتي!!
جنان _شبيك انته اكلتني بكشوري مو توك ادكول اريد ازوج واني داكلك حخابر علمود الابنية كلامي بي شي غلط
ابو محمد _صبري انتي جنان شبيج شنو بكيفج حددتي.. يمكن عاجبته غير بنية شو كبل رحتي على بت حازم بوية انته على منو تقصد تريد تخطبها؟
همام _يابة اني رايد بنية شايفها جايتني بالمحل عجبتني سألت عليها وعلى أهلها طلعوا خوش اوادم وأريدكم تخطبوها اليه
جنان _انته تشاقة مو؟
همام _ليش بهيج مواضيع هم اكو شقه يمه
جنان _واحنه من يا وكت ناخذ غريبة لولدنه مدكلي شنو موديل جديد هذا وشمدريني شنو مشنو هاي لا معاشرتها قبل ولا اعرف شي عنها اجيبها بنص بيتي شلون صايره هاي اشو انته  تخطط وتقرر تزوج هاي وتخطب هاي من يمك
همام _شنوو هذا حجيج مقتنعه بي انتي هاا
محمد _صوووتك همام لا تنسى روحك..
همام _يابة اعتذر وحقكم عليه بس اريد سبب مقنع لهذا الرفض هسه مهيمن مو خطب وبس اجه يبلغكم أشو محجيتوا وياه هيجي..
جنان _على الاقل مهيمن اخذ عرف مو غريبه ومندري شنو أصلها وفصلها وبعدين يمه شبيها غدير والله حبابة ورده مال الله حسها مينسمع..
همام _ماريدها حسبه اختي هيه شلون بله بالغصب  واني رايد الابنية الي داكلكم عليها غيرها مستحيل ازوج
جنان _خوش لعد روح اخطبها وحدك واني هم غير هذا الحجي ماعندي..
ابو محمد _جنان مو هيج الحجي ولا بالجبر هوه مو طفل عدج وهيج تحجين وياها الولد ماله نفس بيها شنو كاعد ياخذها وبعد كم سنه يطلكون عود هيج صح..
وبعدين همام مو جاهل لو صغير خلي نسأل على الجماعة وعن اخلاقكم واذا طلعت الابنية خوش وسمعه أهلها حلوه شكو بيها اني ماعدي اعتراض لانو الزواج ينبني على الإختيار والرضى مو الجبر..
همام _رحمه الله والديك يابة وهذا راسك ابوسه بعد..
محمد _ولو اني هم مو كلش مقتنع بس خلي يسوي الي يعجبه حته لا باجر عكبه تصير مشكلة بيناتهم ويذبها براسنه على يابو احنه جبرناه عليها..
جنان _خوش والله هاي ثاني مره بزواجه ولدي بكيفكم تقررون واني لازم اسكت موو
ابو محمد _يامره هسه قابل خطب كنالج نسأل اكثر ونشوف يمكن منا لوكتها يتغير رأيج..
جنان _وهيه تباوع على فاطمة الي واكفه على جهه ومكتفية بالسكوت،،
تدري يا ابو محمد كل جهالك صايعين بكيفهم يختارون ويقررون ويسون اي شي يجي ابالهم محد يحسبلنة حساب الحمد لله هاي خلفتي اني..
ابو محمد _مو هيج الحجي جنان محلوه منج قابل شمسوي هسه الولد ليش تكسرين بخاطره جايج فرحان ويكلج اريد ازوج فلانه وانتي هيج تحجين..
جنان _اني راسي حيل ديأذيني تره حطب انام بعدين نرجع نحجي بسالفه همام..
همام _صدك عود يمه اني انتضر الفرج وانتي تسديها عليه..
محمد _كافي لاتلح طاير هسه الزواج شبيج هلكد مستخف اصبر..
همام _استغفر الله العظيم من كل ذنبٍ عظيم يابة كلي انته كلامي جان بي شي غلط حته امي هيج اخذت على خاطرها؟
ابو محمد _لا بوية مابي شي كلامك ومن حقك هذا انو تختار وتقرر شريكة حياتك..
المهم انته هم انطي صبر لانو امك اصلا اليوم راسها يوجعها شوية مالها خلك باجر نرجع نحجي وياها بهل موضوع اني وياك بهداوه ونقنعها ان شاء الله..
هيه لانو تحب غدير وبنفسها اصير مرتك هيج حجت متدري انته صايدلك وحده من زمان موو..
همام _دنك راسة مبتسم،،
ها يابه كاعد تبسمر بيه لو شنو ههه..
لبنى _بس اكلك خوية كون الي تريدها حلوه لانو عمه اول شي تحبه بالجنه جمالها اذا محلوه من هسه اكلك متقبل..
همام _لا تخافين حلوه و احلى منج هم والاهم ناعمه ونازكه
لبنى _شنو قصدك تره عيب تحجي هيج وياي
همام _اشاقة وياج يمعوده بس لا تبجين..
يلا من رخصتكم صاعد لغرفتي اني تصبحون على خير..
فاطمة _راح همام لغرفتة صح بابا حجه وياه بس مبين بعده ضايج ومقهور من رده فعل أمي للموضوع والله مادري الظاهر اني وهمام نفس الحظ..
صعدت اني هم لغرفتي وبقيت صافنه لا بيه احجي ولا بيه اسكت بالي يم فارس وافكر بأمي وهاي لبنى مستحيل تبقه ساكته اكيد تسويلها درب جديد حته توكعني بي..
باوعت بالزاوية حاطه القرءان مالتي حسيت نفسي اخير فتره مبتعده عن رب العالمين وعن ذكره يمكن الله ابتلاني حته ارجع اذكره دمعت عيوني..
اخذت القرءان واني بالاصل بعدني على وضوئي لزمته وبديت اقره بهدوء وشوية شوية بدت تتخلخل الراحة لكلبي بقيت اقره بدون ماحس على الوقت لحد مشفت الساعه صارت بالوحده بالليل خلصت تقريبا جزء كامل..
صدقت وبست القرءان خليته على صدري صرت ادعي ولا اراديا نزلت دموعي..
ربي ساعدني بهذا الموضوع ادري غلطت من حجيت ويه ولد غريب فتره من الزمن وصارت بينه علاقة اشبهه بالحب..
بس انته تعرف نيتي ونيه فارس شنو جانت بعمري مفكرت اسوي شي حرام.. ربي حنن قلب امي عليه ومتبقة هيج مقاطعتني هاي أمي وماكدر على زعلها يارب بعد عني كل أذية ممكن تجيني من بشر واذا جان فارس بي صالح اليه اجمعني بيه..
بيومها صابتني نوبه بكاء مو طبيعيه الي يشوفني يكول ميتلي احد.. بقيت الليل كله ادعي..
بحيث صليت  الفجر وراها يلا نمت..
٠٠٠٠٠٠٠٠
هدى _جنت كاعده على المكينة مال خياطه احاول اضبطها حته اخيط الي اتعلمة وتتقوه ايدي يمكن اذا يسألوني شنو احلى شي صار وياي اكلهم الخياطة والتصميم شي احلى من الخيال..
من شغله ارسمها واجي اطبقها وتطلع مثل ما راسمتها كلش افرح وطبعا الفضل الأول والأخير يرجع لأمي حياة الي نطتني كل وكتها وطولت خلك وياي حته أتقنها..
باجر قررنه نروح للسوك نسلم الشغلات الي خيطناها لمعميل امي ومناك نفتر بالمحلات علمود اشتري غراض الي..
طبعا اني لهسه ماعدي تلفون حته مهيمن مجابلي يمكن يخافون لا اصادق والله مادري مع انو عدي مبلغ اكدر اشتري بي تلفون زين نوعا ما بس حته أمي كالت مو ضروري هسه..
غلست عليهم عبالهم ماعرف شنو يفكرون.. كمت للمطبخ اغسل مواعين العشة شوية وطب عمو يوسف للبيت جاي من الشغل..
يوسف _الله يساعدهم..
هدى _ويساعدك عمو شلونك..
يوسف _من الله بخير بوية..
حياة _الله يساعدك..
راح صبتله كلاص مي بارد وقدمته اله..
تفضل سيد..
يوسف _ابتسم،،
رحم الله والديج بنيتي.. احم حياة حطب اسبح حضريلي سلاباتي..
حياة _اي جاية وراك..
باوعت على هدى.. هاا شو صفنتي..
هدى _ اباوع على امي لابسه تراك نص اردان ستن حيل حلوو اصلا هيه ذواقه بهل سوالف لانو خياطة فأكيد لبسها يصير هيج مرتب جاوبتها،،
ههههه لا هيج ماكو شي روحي وره عمو خطيه راجع تعبان..
حياة _اي رايحة شوية واجيج خوش..
هدى _هزيت راسي بعلامة اي،،
كملت المطبخ شفت ملابسي تبده عليها مي كلت اروح ابدلها لا اتمرض انوب..
لبست برموده شفته صغرانة حيل عليه شنو هاي محلوه لازكه عليه دورت على غير شي شفت تراك شوية أعرض منها يلا هذا اهون على الاقل اكدر امشي بي..
لبست حجابي وطلعت علكت التلفزيون داتابع مسلسل تركي هل فتره اكضي وكت شسوي بهل أثناء سمعت باب الشارع اندكت..
باوعت عمو بالحمام  وامي مدري وينها كمت افتحها طلعت امي من غرفتها..
حياة _هااي منو جاينة بنص الليل..
هدى _مدري..
حياة_طلعت للباب صحت منو اجاني صوت مهيمن فتحتها..
هلا بيك أسد توها نورت المنطقه شهل غيبة ولك..
مهيمن _الله يسلمج شسوي يا خالتي واجب بعد..
موجود السيد؟
حياة _اي ديسبح يلا فوت شعدك واكف بالباب..
مهيمن _لا خالتي فشلة الوكت متأخر بس كلت اسلم عليكم من الباب وانطي هاي لهدى صيحيها الي..
حياة_ دطب يمعود قابل غريب انته
مهيمن _لا خليها على غير مره احسن
حياة _براحتك بعد..
طبيت جوه شفتها كاعده على القنفة يمه هدى تعالي مهيمن بره يريدج
هدى _صدك شجابه..؟
حياة _مادري روحي شوفي يلا بسرعه واكف الولد..
هدى _اوك طلعت من باب المطبخ شفته واكف بالحديقة يدخن ناطيتني ضهره..
احم مهيمن..
مهيمن _ابتسم،،
شلونج هدى
هدى _ابتسمت على ابتسامته،،
زينه الحمد لله.. شلونك انته  مختفي هل فتره
مهيمن _على ساس هامج وجودي اشو اخابر اريد احجي وياج تتهزمين مني..
هدى _هاا مو مادري
مهيمن _مو مشكله تعاي هاج هاي جبتها الج..
هدى _بيده علاكه شويه جبيره بالحجم،،
ممم شنو هاي
مهيمن _اخذيها وشوفي
هدى _اخذتها من ايده..
شو الزمها خلي افتحها هسه.. فتحت الكارتونه طلعت كيكه صغيره مكتوب عليها "عيد سعيد"
باوعت عليه متفاجئه..
مهيمن _صح متأخر بس احسن من انو اكون ناسي مو.. كل عام وانتي بخير هدوش..
هدى _و.. وانته بخير مهيمن..
مهيمن _شبيج اشو احسج ضجتي عود كلت راح تفرحين اشو انكلب وجهج
هدى _باوعت عليه،،
شكرا لانو ذكرتني..
مهيمن _ههه تدللين مسويت شي.. يلا صار لازم اروح فشلة من السيد وكفتي هيج..
هدى _دار وجهه للباب صحته،،
لحضه مهيمن اوكف
مهيمن _هاا محتاجه شي؟
هدى _انتضرني هنا دقيقة..
رحت طبيت جوه طلعت الكيكه خليتها على الميز وعلكت عليها شمعه مديت راسي للهول محد اكو الظاهر بغرفتهم ماما وعمو..
رحت صحت لمهيمن جريته من ايده دخلته للمطبخ وحجيت،،
هوه مو بس عيد ميلادي وميلادك هم لهذا ثنينه نحتفل المفروض موو مثل كل سنه اذا تذكر..
مهيمن _ابتسم،،
طبعا اذكر شلون انسى شي يخصج ..
هدى _يلا طفي الشمعه..
مهيمن _ثنينه نطفيها..
هدى _طفيناها سويه قطعت اله كيكة وطلعت اله عصير من الثلاجة وكف يأكلها على السريع هوه و واكف..
جان يباوع عليه شوية وعكمش وجهه تقدم عليه شفت لزم البلوز مالتي شوية جره بعدين حجه،،
مهيمن _هدى ملابسج ضيكه تره شلون لابستهن كدام السيد هيج..
هدى _احم لا قبل شوية لبستهن وعمو يوسف مشافني بيهن..
مهيمن _هزز راسه،،
راح اشتريلج ملابس غير الي عدج احسن
هدى _لا ماكو داعي باجر طالعين اني وامي للسوك ونشتري كل احتياجاتي..
مهيمن _صار لازم اروح اني تأخر الوكت حيل..
هدى _مهيمن..
مهيمن _ها عيني
هدى _كل سنه وانته سالم..
مهيمن _ابتسم..
بوجودج وياي هدوش
حجه وراها طلع من المطبخ طلعت وراه وصلته للباب.. شفته وكف رجع تقدم عليه سحبني من خصري عليه بحيث طخ جسمي بي وباسني من خدي بهدوء..
كلبي صار حيل يدك واحس روحي توترت منه ومن قربة..
همس يم اذني..
مهيمن _اشوفج باجر ان شاء الله هدوشتي..
هدى _هاا ليش...
مجاوبني خله وطلع واني بقيت بحيره بين كلامة وبين الشعور الي داحس بي من اقترب مني..
يتبع....