لم تكن امي(لبوة الاسد)

البارت الرابع والاربعون

،،لم تكن أمي(لبوة الأسد)،،
_البارت الرابع والأربعون _
~~~~~~
أعرف تماماً ماذا يعني الخذلان مـטּ ذلك ﭑلشخص الذي وعدك ڪثيراً بأن يبقى مَعك دائماً،أعرف ماهو الانطفاء بعد ڪُل ۿذا ﭑلحُب،أعرف مرارة الڪلمات بعد أטּ ڪانت ضماداً،أعرف ما معنى أטּ يصبح غريبـاً بعد ما ڪان مـألوفا ً.. أعرف ڪثيراً
~~~~~~~
فاطمة _هدى نطتني ضهرها وراحت لنهاية المكتبة اجيب كم دفتر واني بقيت بمكاني صافنة واباوع بعيوني على الأغراض والقرطاسية جنت قريبة من الباب المكتبة والسوك هوسة ناس رايحة وناس جاية..
فجأه وجان احس على احد لزمني من ايدي وجرني وراه بس باوعت عليه انصدمت هذااا فاارس شجابة شوصلة وشلون عرف اني هنا من صدمتي بوجوده وشوفتة بعد كل هذيج الفترة مبادرت بأي ردت فعل لحد محسيت بي مطلعني من المحل..
بسرعة سحبت ايدي من بين ايدي بس بحركة سريعة منة رجع اخذ ايدي وحجة بهدوء من بين أسنانة..
فارس _امشي وياي بسرعة..
فاطمة _عووفني وين ماخذني هاا ماريد اشوفك ولا اجي وياك..
مهتم لكلامي ظل ساحبني وراه بطريقة متقنة بحيث محد يشك انو ساحبني بالغصب..
رجعت حاجيتة.. اذا مراح تعوفني والله اصرخ هسه الم الناس عليك واخلي اخوتي يتفاهمون وياك مره لخ..
فارس _وشدكولين للناس من يسألوج عن سبب صراخج هاا يابة زوجي دياخذني وياه وماقبل امشي بالساكت فاطمة  شبيج معقولة تخافين مني..
فاطمة _بعدني داجاوية بسرعة دخلني على محل صغير جان قريب على المكتبة ماعرف المن بس جان بي ولد واكف..
فارس _من رخصتك مخلد حدخل جوه..
مخلد _براحتك..
فاطمة _جان اكو غرفة داخل المحل من صدمتي ودوختي من كل هاي الدنيا ومابيها وضعف طاقتي منتبهت محل شنو هذا ولا حجيت شي كدام الولد حته يساعدني ظليت امشي وراه مستسلمة وكأني جنت اريد اسمعة ولاخر مره اودعة وداع حبيبة مكسور كلبها دخلنه وسد الباب وراه جان اكو قنفة على جهه واغراض مغلفة بالكارتونات جنه مخزن هذا..
فارس _كعدي على القنفة..
فاطمة _لااا ماريد اكعد احجي بسرعة اريد ارجع تره اهلي راح يحسون على غيابي وتروح بيها انته وحدك..
فارس _فاطمة خايفة مني شبيج ترجفين؟
فاطمة _معليك..!!
فارس _معقولة تخافين واني الي جنت طول عمري امانج؟
فاطمة _وهاي انته كلتها جنت يعني صرت من ماضي حياتي..
فارس _فاطمة لا تحجين هيج اني احبج والله..
فاطمة _اي والدليل جنت مزوج عليه وعدك طفل وانته تحبني اصلا..
فارس _ليش شردتي من البيت شلون طلعتي ليش منتضرتي ارجع ونتفاهم ليش دخلتي اهلج بينة هاا لج والله طلكتها لخاطرج و...
فاطمة _لخاطري..؟
يعني لوما جنت حعرف بالحقيقة جان ظليت جذب عليه وهيه مرتك وكلنه عايشين بسعادة موو فرحان وانته تخدعني فرحان وانته جذب عليه ضميرك جان مرتاح موو..
فارس _لا والله مو هيج جنت يعني راح الكة فد حل..
فاطمة _ههه عن أي حل تحجي انته هاا كلي عن أي حل هذا لعب جهال يسموا انته ماخذ كل شي بضحك واستهزاء ولا كأنوا حياة ناس راح تدمر بسببك زين هسه طلكتها وابنك شنو ذنبة مو خطية بعده صغير ويحتاج اب فوك راسة..
فارس _واااني شنووو هااا ااني شنوو بس كوليلي شذنبي اظل طووول العمر افكرر بهذا وذاك شوكت افكر بروحي وبسعادتي فاطمة اني والله مو سيئ لهل درجة اني بهل دنيا ماعدي احد غيركم انتي وأهلي بسس حياتي بس الكم كوليلي شسوي بين امي وحيدتي وبين حبيبتي الي روحي متعلقة بيها  ليش مو من حقي افرح واحقق امنيتي وااخذ الي هواها كلبي والله حاولت هواي الكه غير هل حل بس ماكو والاضرب كمت اتورط اكثر واكثر..
فاطمة _فارس انتي دورت سعادتك على حساب حياتي وكرامتي تره الي يحب يضحي مو يكسر راس الي يحبه..
فارس _ليش متفهمين موقفي هااا ليش..
فاطمة _لانوو اانته انسان خااين وحقير تعرف شنو جنت بالنسبة اليه انته هاا تعرف لك جنت ناطيتك ثقة ومو اي ثقة جنت مسلمتك كل ذره بيه بحيث لو اسمعك بأذني تسوي شي غلط مجنت راح اصدك واكول مو صحيح هذا الشي اليقهر تدري شنو حبيتك وتزوجنة عن حب تعبنة وضحينة وساعدنة بعض هواية بس في سبيل نصير سوية بس بعد كل هذا التعب جان المفروض افرح بس طيحت حظي انته..
فارس _ادري غلطت والله ادري ومستعد أصلح غلطي بس نطيني فرصة حته نرجع سوية ونصلح الي صار..
فاطمة _لك شتصلح مدكلي ماكو شي يرجع مثل قبل لا المشاعر ولا حياتنة ولا رجعتي يمك راح ترجع شي طريقنة مسدود ومين متحاول اصلحة مايصلح..
فارس _مااريد اعووفج واتخلى عنننج هيه كووه.
فاطمة _بس اني تخليت فارس ومن اول مشفتكم سوية هم..
فارس _حبيبتي ليش متحاولين تتفهمين وضعي ليش تردين ينتهي كل شي بينة بهاي السهولة نسيتي شكد عانينة واحنه ننتضر نصير سوه نسيتي شكد صبرنه وتعبنة حته ننجمع بنفس البيت..
فاطمة _انته النسيت مو اني انته الي بعت العشره بشربة ماي طلكني روح بحياتك واني اشوف حياتي بعيد عنك وعن ألمك صدكني وصلت مرحلة بس اشوفك اختنك..
فارس _ييي تردين اطلكج حته تشوفين حياتج موو كولي هييج من البداية كوولي اريد رجال غيرك منوو عجبج غيري هاا منو تردين تحبي..
فاطمة _اشو هذا ماشوفة غير ذبني على القنفة وصار فوكاية فكيت عيوني على وسعهم شديسري هذا دفعته من صدره..
شحببب شتخرربط انته لييش اااني بعد سواايتك هاي هم راح اكدر احب واعيش براحة هاا عبالك كل البشر مثلك بله احساس وبعدين أن حبيت او لا مالك دخل بيه افهمها عااد انتهينه وانته بنفسك نهيت كل شي
فارس _مووو بكيفج واذا مترجعين برضاج ارجعج اليه بطريقتي..
فاطمة _حسيته ديحاول يتقرب مني بالقوه تخبلت هناا هذا صدك يحجي كمت ادفعة بكل مابيل من قوة لعبت نفسي كلش منه واني الي جنت قبل اعشق قربة مني بسرعة درت وجهي على الجهه اليمنة وتقيئت..
فارس _ليييش هااا لججج لييش لهل درجة صاررر قرربي مقررف بالنسبة ااالج..
فاطمة _باوعت عليه بتعب..
يوم بعد يوم دتنزل من عيني اكثر مع الأسف جان سويتها وكملت حته تنهي على اخير قطعة من فاطمة وتدمرها هذا حبك موو..
حط ايده على راسة..
فارس _اريدج ماريد اخسرج فاطمة مداعرف شسوي حته بس ابقيج ياربي ليش هيج..
فاطمة _حطيت ايدي على جتفه درته عليه..
انته مو تكول احبج ومن هل حجي زين اثبتلي حبك ولو مره وحده صير رجال واثبتلي حبك اليه شنو..
فارس _طبعاا احبج واكثر من روحي هم رجعيلي وراح اثبتلج شلون احبج اني..
فاطمة _ججج مو هيج طلكني واثبتلي حبك اليه..
طفر من مكانة..
فارس _شبييييج كاافي عوفي الطلااك..
فاطمة _الحب مو بس حجي الحب تضحيات حته نشوف الي نحبة سعيد اثبتلي حبك حته اتحرر من قيودك واعيش اريد اعيش بسلام بعيد عنك فارس وجودي وياك تره مستحيل واذا رجعتني بالغصب والله اول فرصة تجيني اكتل نفسي وابليك ماعدي مانع اسويها..
كعد بالكاع ثاني رجلي..
فارس _لجج ماكدر حسي بيه اموت من دونج..
فاطمة _لاتخاف محد يموت وره احد جان متت عليك اني مو يلا فارس حررني ولاتبقة تسوي شغلات تخليني اكرهك اكثر من قبل خليني ابقي كم ذكرى انك جنت بيوم زين وياي لا تقتل كل شي حلو بأيدك..
فارس _بهل سهولة خلاص فارس وفاطمة وحبهم وحياتهم تنتهي ويعيش كل واحد بيهم بجهه..
فاطمة _تره من الأصل مجان اكو فارس وفاطمة لانو جانت اكو شريكة بحياتك غيري صير واقعي احسن من الأوهام الي عايش بيها صدكني اذا بقينة سوه مراح نستمر لحد ما احد بينة ينتهي على الأخير ويودع الدنيا..
حسيته لزم ايدي داجرها منه بسرعة شدها عليه رفعها لوجهه باسها اكثر من مره بتعب وشمها بقوه ورجع باوع بعيني
فارس _ترتاحين اذا عفتج..
فاطمة _غمضت عيني..
كلش ارتاح..
فارس _واني..
فاطمة _عدك حياتك الخاصة تره محد طلع من هاي المعركة خسران غيري..
فارس _والحب..
فاطمة _مو كل شي بهاي الدنيا الحب وحده ميكفي..
فارس _روحي
فاطمة _عوف ايدي حته اروح..
فارس _خلي بالج صح راح اعوفج بس عيوني تبقى عليج وكلبي مراح ينبض بأسم غيرج..
فاطمة _مجاوبتة عفتة بمكانة وطلعت من الغرفة تحت أنظار الولد صاحب المحل تمشيت بله روح وبله احساس عيوني حركتني هلكد ما احاول امنع دموعي من النزول كلبي ينزف حزن و روحي مختنكة شنو هذا الاحساس يا الله احس روحي كاعد اتكطع الف قطعة وقطعة من الدخل طلعت بره المجمع ماعرف وين رايحة بس الي اعرفة اختنكت وأريد نفس اريد هوى كعدت على الرصيف اخذ شهيق قوي وازفره..
هذا الي جان المفروض يصير من البداية فاطمة هاي ضريبة ثقتج العمية جان المفروض من البداية وانتي تشوفين الموضوع مو طبيعي تحجين ادورين تفهمين شكو وشديصير داير مدايرج فضلتي تكونين غبية بأسم الحب خسرتي حياتج ودراستج ومستقبلج وطفلج وهسه زوجج شنو هاي الحياة الي خسرتج كل شي وأخذت منج احلى ايام حياتج..
بهل أثناء وجان احس على هدى وامي صاروا فوكاي و وجوهم لونها مخطوف من القلق..
هدى _ هااي ووين جنتي هااا متنة خوف عليج صرنه مثل المخابيل ندور عليج بكل مكان..
فاطمة _حجيت بصوت مغلف بالحزن..
طلعت اشتم هوى اختنكت جوه
هدى _شنو هل سبب المقنع على الاقل جان كتيلي شبيج فاطمة ماخذه الموضوع عادي واحنه مخترعين عليج..
جنان _اني معاجبني شكلج هوه صوجي عفتكم وحدكم بله صار عليج شي شكلهم لاخوتج وابوج ليش هيج شكلج تعبان من اجينه جنتي شحلاتج هاا..
فاطمة _كاافي يمعودين كل شي مبيه ليش تكبرون الموضوع مجرد ضجت وطلعت بره شوفت عينكم..
جنان _ااي ليش مكتيلها لهاي اجتني ترجف عليج وكعتوا كلبي ثنينكم..
فاطمة _ماعرف راح عن بالي وصار الي صار..
هدى _بعد ما اكلنة خوش هبطة..
باوعتلها مامقتنعه كلش بحجيها
جنان _يلا اذا كملتوا خلي نروح لعد همام يرجعنه للبيت مابية اصعد تكسي..
هدى _بس انتضروا ادفع فلوس الأغراض الي عجبتنة لانو من الخرعة عفت كل شي وطلعت ادور على فاطمة رحت جبت الأغراض ورجعت يمهم محل همام بالسوك رحنالة مشي شوية مسافة بس تعبنة لحد موصلنة..
المحل جان ازدحام وهم دينزلون بضاعة جديده مكدرنة نطب جوه هوه انتبه علينه همام وطلع بسرعة
همام _هاا خلصتوا بسرعة شعجب..
جنان _اختك ملت وتريد ترجع الظاهر..
همام _هاا اي على راحتها زين اني هسه عدي بضاعة وماكدر اعوف المحل حته ارجعكم..
جنان _ياا منو يرجعنه لعد تره تعبت اني.
همام_اي صبري هسه خمس دقايق اخابر غيث يجي يوكف على الولد بين ما وصلكم..
جنان _خوش..
همام _امشوا صعدوا بالسيارة خوما تردن تضلن هيج واكفات فرجة للرايح والجاي..
جنان _اي افتح السيارة احد كلك وكفنة هيج..
هدى _جانت سيارتة بالفرع راح بسرعة جابها وكفها يم المحل صعدنة ننتضره يجي وفاطمة بعدها على وضعها اصلا نص حرف منطقت شوية واجه غيث صديقة سلم عليه همام بهل أثناء حسيت على فاطمة لزمت ايدي بقوه بحيث فزيت على حركتها باوعت عليها جانت نضراتها متشخصة عليهم..
سألتها بشك.. شبيج؟
فاطمة _بالبيت اسولفلج بس خلي نرجع..
هدى _صفنت عليها والله وضعها مو طبيعي بالروحة جانت احسن هسه فردنوب شوية واجة صعد همام اخذنة للبيت ورجع لشغلة اني بسرعة اخذت فاطمة من ايدها فوك اريد افهم شنو موضوعها طبينة بغرفتها باوعت عليه انتضر تحجيلي شبيها..
فاطمة _كافي تباعين هيج عليه والله احجي بس خل ابدل ملابسي..
هدى _معلية  هسه تحجيلي مانتضر بعد وين اختفيتي..
فاطمة _تنهدت بقهر..
شفت فارس واخذني وياه لمكان..
هدى_شنووو..!!!
فاطمة _اي وحجيتلها كل الي صار....
هدى _سكتت ماعدي كلمة احجيها مبين الحزن شلون مرسوم على وجهه بس احس خليها تحزن فترة وبعدين تخلص منه رحت كعدت بصفها مسدت على ضهرها..
احسن شي راح يصير وياج والله صح كاعد يألمج بس للاسف ماكو حل غير هيج..
فاطمة _اعرف..
هدى _زين والسالفة الي صارت بالسيارة شنو موضوعها..
باوعت عليه بقلق ورجعت دنكت
فاطمة _ماعرف اذا تذكرين او لا بس اني مره بفترة علاقتي ويه فارس جنت يمه بالمكتبة من داطلع فجأه صار كبالي صديق اخوية هيج كتلج واليوم من شفتة لصديقة همام تذكرته هذا نفسة الي شافني واكفة يم فارس..
هدى _صدددك..
فاطمة _اي والله وخايفة هسه معقولة عرفني وراح يكول لهمام شافني..
هدى _لاا شسالفة تره حتلو يريد يحجي بس ماله دخل لو شي موضوع شخصي هذا يعني من يجي ويدخل روحة بصفتة منو قابل احتمال عرفج احتمال لاا بس مال يجي ويكول لهمام جانت اختك بمكتبة زوجها قبل الزواج كلش واكفة وهذا الحجي حيصير عليه أكثر من سنة  جان سواها من زمان اذا عده هيج نية..
فاطمة _اني هم كلت هيج بس ماعرف ليش خايفة شكد استحقرت روحي من جنت اسوي هاي السوالف وعلى شخص ميسوه اصلا..
هدى _ميخالف عمري منو الي معصوم من الخطأ قابل هاي هيه شي صار وراح فكري هسه بحياتج الجاية شلون راح تعيشيها..
فاطمة _الله كريم..
هدى _ونعم بالله..
عفتها ترتاح طلعت نزلت جوه وافكر بكلامها معقولة راح يرضى يطلكها فارس لو هم يماطل بالموضوع اوف كون تخلص منه بأسرع وكت قبل ما يأذيها اكثر من هيج..
لليل اني كاعد بغرفتي اكصف بدلة مهيمن دخل من بره ضايج راح تمدد على السرير وجنه ديفكر لانو صافن بالفراغ صحته اول مره مسمعني ثاني مره يلا انتبهه..
مهيمن _هاا شكلتي هدى..؟
هدى _داكلك بيك شي ليش هيج صافن..
مهيمن _ضايج قبل ما اجيج مريت اطمن على فاطمة شكلها مديعحبني حرت شلون اطلعها من حزنها ومحجت وياي غير كلمة وحده اريد اطلك بأسرع وكت..
هدى _ارجع حاجي لفارس..
مهيمن _ان شاء الله ولو هوه مو مال احترام وحجي مال ضرب..
هدى _اووي مهيمن شبيك بس تريد تتعارك..
مهيمن _كلمن و مستواه والله وهوه هيج..
هدى _اوك..
مر اسبوع عادي ماكو شي جديد بس الي صار بعدها وافق فارس يطلك فاطمة واتفقوا اليوم العصر يجي هوه والشيخ ويطلكها تفاجأنه وبنفس الوكت فرحنة واخيرا راح نخلص منه صار العصر وطلكها فارس بس جانوا ثنينهم نضراتهم مليانة حزن ماعرف انقهرت عليهم ليش وصلوا لهيج نقطة بيومها فاطمة حبست روحها بالغرفة يوم كامل مقبلت تطلع لو تحجي ويه احد واحنه هم عفناها على راحتها ترتاح طبعاً على حزنها البيت كله حزن مو بالشي الهين الطلاك..
خلص اسبوع ثاني ومهيمن صار لازم يلتحق هل مره لبغداد هوه شغلة سبوع دوام وسبوع ينزل ومرات اكثر هيج شي بس هل مره قرر كل ميروح للدوام يوديني لبيت أمي حياة اظل طول فترة غيابة عدها لانو محسن رجع للبيت بعد ما اعتذر من اخوتة وأكد انو هوه ندمان بس مع ذلك مهيمن صار ميأمن الا بوجوده هوه..
مرت الايام والاشهر ايامنة وحده تشبهه الي قبلها بس بأختلاف انو كبرنة عن قبل وغدير طلع بيها بنية وهمام خطية كلش فرح  وكل شي يصير كبالة يشتري فاطمة وضعها نوعاً ما احسن ..
جنت كاعده يم غدير بغرفتها طبعا بدينة اني وفاطمة نقره شوية شوية حته على الاقل نضبط المواد وننجح جان اكو دفتر مال تقويم على الميز كبالي انتبهت عليه شفت التاريخ صفنت عليه شوية بعدين حجيت بصوت..
يااا باجر عيد زواجنة اني ومهيمن والله ناسية شنو هاي شبساع حيصير النه سنتين مزوجين..
غدير _صدك والله باجر عيد زواجكم..؟؟
هدى _اي الظاهر هيج..
غدير _وكاعده هيج كبالي يعني بكل أريحية..
هدى _ليش شسوي قابل..
غدير _عزه هاي لو اني جان انخبصت ليش هيج تاريخ عادي خرب بحظي شكد فاهية..
فاطمة _صدك فاهية مشوفين اخوية حالة الضيم طلعت مرتة مدري شلونها..
هدى _اووو اتفقتن عليه والله ماعرف شسوي وأصلا من المشاكل ناسية حته روحي تردون اتذكر غيري..
غدير _سجلي يمج فاطمة اني فد يوم اموت وانتحر من وره هاي الابنية والنبي انتي صح صغيره بس والله اكو بنات بكدج يلعبن طوبة شبيج يحضي تلحلحي..
فاطمة _خلي نساعدها شدكولين غدير.. غمزت الها
غدير _بأبتسامة..
صدك والله هدى خلي نساعدج مادام الأجواء هدوء ماكو مشاكل ومهيمن موجود مو بالدوام احتفلوا سوية كيكة على نشره شغلات بسيطة يعني..
هدى _اممم خوش وبعد..
غدير _البعد خلي علينه بس تدرون عدي فكره حلوه اني اتوقع مهيمن يذكر مو مثل هاي الفاهية فخلي نسوي مفاجأة اله واحتلفوا اليوم بالليل..
فاطمة _اي انتن حضرن سوالف الغرفة واني حوصي على كيكة من بره وعصاير..
غدير _خوش يلا امشي كبالي مدام..
هدى _ههه احسكم متحمسين اكثر مني..
غدير _وهوه هيج..
شوفي اول شي حطي شموع و ورد مجفف على الميز وشوية على الكاع بالاطراف والفراش هم وو...
اكلج اني حختارلج كم قطعة ملابس بين مطبين اسبحين واستخدمي هذا الغسول ريحتة فد شي والله..
هدى _تمام بس تره مهيمن على رجعة يعني نلحك نكمل كل شي قبل ميجي..
غدير _اي نلحك أنتي روحي وعوفي الباقي عليه..
هدى _طبيت سبحت وكملت بقيت بالحمام انشف شعري بالسشوار وبعدين رطبت كل جسمي هذا الحجي صارلي تقريباً اقل الساعة بالحمام
رجعت لبست البرنص لانو مجايبة ملابس طلعت وشفت الغرفة ظلمة بيها اناره قليلة والباقي كله شموع و ورده وعلى جهه ميز بي كيكة وعصاير وكرزات وجبس والتلفزيون مشتغل على الاغاني باوعت على السرير اكو ملابس اكيد هذني الي طلعتهن اليه غدير شلت اول واحد فكيت عيوني بصدمة..
جان سيت نوم اسود طويل وبي جاكة شكبرها نص الرجل او كولي كل الرجل طالعة منه والصدر والضهر كله مكشوف ادري شيضم هذا عززه...
ذبيتة من ايدي وشلت القطعة الخ هم سيت نوم لونة احمر فاقع قصير حيل وكله شيفون وتور هذا اصلا فضيحة والله شمرتة من ايدي اخذت اخير واحد وهنا كملت الصدمة جان شورت وكيمونة جنها داخلي هلكد مقصير وبس تعاليك صخام بوجهي هذني شنو منو اشتراهن اليه يمه اني بعمري ملابسة هيج شي شكد عيب..
مستحيل البس هيج فضايح شيكول عليه مهيمن مخبلة لو مريضة رحت على الكنتور اطلعلي غير واحد كون مستر وهنا جانت الصدمة الكنتور مقفول رحت للباب الخ هم مقفولة اويلي منننج غديررر وين اضم روحي هسه حتلو اريد اطلع شلون خوما بالبرنص انوب ولا روب حاطة وياهن خرب..
رجعت باوعت على السيتات يعني هوه صح زوجي بس يعني والله استحي بقيت صافنة ثواني صرت افكر بكل شي حلو جان يسوي مهيمن على مودي واخير شي من رجعني للدوام يعني هم خطية وهوه اكثر من مره لمحلي البس شي بي حظ واني اثولها عليه قابل إلى متى اظل هيج ماعرف مين اجتني الجرئة شلت السيت الأسود ولبسته فتحت شعري على طولة حته يضم ضهري على الاقل حطيت مكياج بالشغلات الي اعرف الهن بعدني توني ارش عطر انفتحت الباب ودخل مهيمن غمضت عيوني بقوه..
حسيته بقة بمكانة واكف حته الباب مسدها وراه درت وجهي عليه جان صافن كللش وراها حجة..
مهيمن _أعتذر اختي..
هدى _كال هذني الكلمتين وبعدين خلة وطلع بقيت صافنة وراه  مستغربة عززه فشلت روحي اومداية.. رجعت انفتحت الباب
مهيمن _بلة زحمة عليج هاي غرفتي انتي منو ومرتي وينها..؟
هدى _ابتسمت بداخلي ماعرف ليش..
تقربت منه وحجيت براحة.. والله معجبة اني
مهيمن _رفع حاجبة..
بس اني مزوج واحب زوجتي ماريد اخونها..
هدى _حطيت ايدي معانقة ركبتة..
صح بس زوجتك قابلة تخونها وية هدى وبس..
ضحك ولف ايديناتة على خصري ساحبني عليه بقوه
مهيمن _اي ست هدى اليوم ناوية على روحج شمسوية ولج عيوني حايره ويه تباع تره كلبي ميتحمل هلكد صدمات وداعتج..
هدى _هههه سلامة كلبك..
تقرب راد يبوسني مخليتة جان يخزرني.. شبيك اريد نركص ونحتفل باجر عيد زواجنة على شنو مستعجل
حط راسة بركبتي ويمشي ايده على كل فتحة تلكفها ايده رجف جسمي..
مهيمن _اي وبعدين..
هدى _نكطع الكيك..
مهيمن _همس.. وبعد
هدى _بلعت ريكي.. ناكل الكيك
ضغط على خصري بأيده
مهيمن _وبعدين شنوو
هدى _ تنطيني هدية غير..
مهيمن _تدللين جنج على هدية..
هدى _غمر وجهه بصدري وانفاسة تضرب بجسمي بهل لحضة وجان تشتغل اغنية" انا بعشقة .."
اخذت ايده بين ايدية..
كلش عاجبني نركص مهيمن وهاي الأغنية احبها حيل..
مهيمن _بس اني احبج الج..
هدى _احم مراح نركص عاد..
مهيمن _تعالي..
هدى _حط أيده محتضن خصري واني ايدي محتضنة ركبتة وصرنة نتحرك على أنغام الأغنية ابتسمت واني اذكر عرسنة من ركصنة كدام الكل..
مهيمن _شعجب مسوية هيج تره من صدك بعدني مصدوم منو انتي معقولة مرتي..
هدى _لا مو مرتك مو كتلج اني هدى..
مهيمن _اهاا وهيج انتي حتخليني اخون مرتي تره واني احبها..
هدى _عادي خونها..
مهيمن _هدى راح تتأذين تره انتي مو كدي..
هدى _مستحيل تأذيني انته..
مهيمن _كل شي مستحيل من يمج يصير مباح..
هدى _فجأه وجان يشيلني بين أيدي رافعني عن الكاع ويفتر بيه صرت اضحك من كل كلبي..
مخبل والله راح اوكع يمعود...
مهيمن _شلون توكعين وانتي بين ايدين الأسد..
هدى _هههه عمي نزلني بطلت ماريدك روح لزوجتك ماستقبل مزوجين اني..
مهيمن _مو هية بكيفج تعاي اريد أشوف منو الي متريدني..
هدى _نزلني حطني على السرير وصار فوكاي يباوع على كل ذره بجسمي من راسي لرجلي واني احاول استر نفسي من عيونة بس بله فايده شضم شغلة شغلتين..
دنك حط شفته على شفتي باسني بقوه بحيث اول مره يتعمق وياي لهل درجة كمت ماحس بيهن..نزل على ركبتي طابع علامات حبه عليها مشة أطراف اصبعة على شفايفي نازل على ركبتي بعدها صدري لزم طرف تعاليك السيت نزلهم...... امشوووا طلعوا برره عيب😁
سألهاا
ان_قبلتك_في_عنقك_هل_علي من_ذنب ؟
فرفعت_شعرهاا_وقالت_لي
تعال_قبلني  ودع_الذنب في_عنقي
هدى _فتحت عيني في صباح يومي التالي أرى نفسي نائمة بين أحضان معشوقي لا أعلم كم هوه جميل بالنسبة لي لدرجة افضل النوم بين اضلاعة حتى الموت..
باوعت الساعة حيأذن الضهر مهيمن بعده نايم وحابسني بحضنه ابتسمت على شكلة شلون انزعج من حاولت اوخر من يمه حطيت ايدي على شعره احركة بهدوء واصيحة..
مهيمن حبيبي يلا كوم تأخر الوكت كلش..
ماكو استجابة هسه عمتي جنان خوش تستلمني على يابو نايمة للضهر خرب دنكت راسي خليت شعري على وجهه اضوجة بي اجيبه منا اودي منا ماكو نتيجة اخير شي مليت دنكت على ركبتة سويت مثل ميسوي هوه وياي بسرعة ماشوف روحي غير صايره جواه وهوه يباع عليه بخبث..
مهيمن _شبساع اشتاقيتي الي واحنه الفجر يلا نمنة حياتي..
هدى _وخر عيني محد مشتاقلك بس داكعدك الوكت فاتنة..
مهيمن _ومنو كلج اني اريد اكعد بله..
هدى _باوعت عليه بطرف عين يحجي كلمة ويبوس بية..
ديلا ارجع نام لعد واني حنزل..
مهيمن _وبهل بساطة بعد ما خربتني نومتي تردين اعوفج لا عيب عليه تره مو أسد الي يضيع حقوقة..
هدى _ههه عليك الله كافي تعبت..
مهيمن _بس اني كتلج وحذرتج وانتي رضيتي..
هدى _فد...
ملحكت احجي لو اسوي شي غير استسلم لحبة وحنيتة عليه..
بعد هذا اليوم مرت ايامنة حلوه هادئة حب مهيمن مله حياتي ونكدر نكول حياتنة واخيرا صارت طبيعية على كولت مهيمن تعبنة تعبنة وبالاخير ارتاحينة بس منعرف اذا جانت هاي الراحة أبدية او مؤقتة..؟
اليوم غدير جان عدها موعد عد الدكتورة واني رحت وياها وبنفس الوكت جنت اريد افحص اخاف بسبب المانع الي اخذتة أثر على صحتي وسوالي مضار صحية وهم اخير فترة صارت عدي اعراض تشبهه الحمل فقلقني هل شي سويت التحاليل المطلوبة مني ورجعت يمها قرت تحاليلي وابتسمت الي..
هدى _ها دكتورة شطلع عدي..
الدكتورة_ماما انتي حامل...
يتبع....
https://www.youtube.com/watch?v=5PWEo8q9XzM