لم تكن امي(لبوة الاسد)

البارت التاسع والثلاثون

,,لم تكن أمي(لبوة الأسد)،،
_البارت التاسع والثلاثون _
~~~~~~
دورت وجهَك بكل محطات المدينه
بكل شوارعها وحجينا
بكُل تفاصيل النفس
ودموع باجر ما لكينه .
~~~~~
هدى _صار الصبح اول مكعدت كلبي ناغزني ياربي ماريد أضعف اريد اكمل هذا اليوم بأسرع شي ممكن حته يخلص ارتباطنة وكلمن يشوف حالة دمعت عيني هاا هدى بلشنة..
شي بداخلي يرفض هذا القرار وشي يكلي هذا هوه الصح زين هوه مو جان متمسك بيه شعجب هسه قبل بالطلاك..?!
كافي هدى هنوب صرتي ادورين حجج غيرت ملابسي ولبست شالي احاول اشغل عقلي حته مافكر وارجع عن قراري نزلت جان بابا دينتضرني..
هوه الثاني جان مأيد هل مره قراري طلعنه اني وامي حياة وبابا للمحكمة بعد رفضي انو اتريك او اخلي اي شي بحلكي شي كابس على نفسي ادري بروحي حبيتة بعد ماجنت رافضتة بس كل شي رجع لنقطة الصفر..
وصلنة وهناك جان مهيمن هوه وعمو واصلين قبلنة متجرئت ارفع راسي واباوع بعينة مع انو هوه جانت عيونة  متحدده عليه ومشالها ابد اخير شي تقرب علينه...
مهيمن _خالي قبل متدخل اريد احجي وياك..
ضياء _كول شنو عدك..
مهيمن _هدى هسه بعدها على ذمتي ومرتي وأريد اطلع وياها نحجي اخير مره ليش نخرب حياتنة وعدي كومة سوالف اريد اوضحة الها وشغلات اريدها تشوفها وعود اذا مقتنعت اني بنفسي ارجعها لهنا نطلك وكلمن يروح بطريقة..
ابو محمد _لا تفكر هواي ضياء هذا عمر ومستقبل كامل مايصير يخرب من دون تفكير وهوه اصلا محد كعد ويه الخ وسولف خليهم يتصافون احنه اكبر منهم ونعرف الاستعجال شيسوي صح كلامي لو بي أشكال..
ضياء_لا حشاك ابو محمد عين العقل بس هوه يظل بكيف هدى..
هدى _بابا ماريد اروح وياه..
مهيمن _هدى لخاطر خالي وخالتي حياة مو لخاطري تعالي نتفاهم بينة واذا ما اتفقنة على شي اجيبج بأيدي للمحكمة..
هدى _ماا...
حياة _سمعي منه مخسرانة شي روحي يمه..
هدى _انحطيت تحت الامر الواقع الكل ايد كلام مهيمن مشيت وياه للسيارة صعدت وهوه صعد بصفي اول محرك التفت عليه متنهد..
مهيمن _شلونج..؟
هدى _مو زينة..
مهيمن _ليش..!!
هدى _لانو شفتك احجي الي عدك حته نرجع بسرعة..
هزز راسة من دون ميباع بوجهي..
مهيمن _اي تدللين هسه اخليج تشوفين وتسمعين كل شي بنفسج..
هدى _مفهمت قصده سكتت منتضره التفسير اخير شي وكفته كدام بيت صغير كبل طفرت مخترعة..
مهيمن _يلا نزلي..
هدى _هااي شنوو هم بيت شكو جايبني هناا شتريد تسوي..
مهيمن _نزلي وتعرفين
هدى _نزلت من لا جاره مضطره امشي بطريق مجهول حته اعرف شكوو توقعت البيت اله بس من دك الباب اطمنت عرفت مو اله البيت فتحتها النه مرة جبيرة بالعمر رحبت بينة جنها تعرف مهيمن من قبل..
طبينة وراها بغرفة بيها رجال مبين عليه الوقار والخيورية طبعا اني بس امشي وره مهيمن لا اندل ولا اعرف وين اروح سلم مهيمن على الرجال وحجة..
مهيمن _سيد هاي زوجتي جبتها مثل مكتلي..
السيد _انتي هدى بنت احلام موو..
هدى _صفنت عليه ويمكن خفت منه ماعرف ليش مجاوبتة اكتفيت اهز راسي اله معبره عن تأكيد لكلامة..
السيد _بابا سمعيني زوجج من فترة مو قصيرة اجاني جايبة والدة عدي بعد ما جانت حالته تعبانه والدكاترة هم جملوها عليه من لاعبين بي ومسويلة عمليات مالها اي دخل بحالتة..
زوجج مسوالة سحر كرة و فراك حته تتطلكون بحيث جان يشوفج أجلكم الله بشكل حيوان ومرات يشوفج بأشكال ناس يكرهم السحر ماكلة اكل من اجاني وقريت عليه عرفت حالته مو مال بس اقره عليه ويصير زين لانو جان اكو بغرفتكم جيس لكاه زوجج بالفرشة مال سرير دليته عليه جابة الي وفكيت منكم من ترجعين راح تلكين شي من ملابسج الخاصة ماكو ولكيتة جان موجود بالجيس..
هدى _فكيت حلكي مصدومة من كلامة باوعت عليه وعلى مهيمن الي عيونة جانت تراقب ردت فعلي حجيت بقلق... شلون يعني معقولة اكو هيج شي؟؟
السيد_اي بنيتي اكو وللأسف الناس الي ماتخاف الله هواية هسه اني داباوع عليكم واشوفكم ثنينكم محسودين وعليكم عين حصنوا نفسكم بأيات الذكر وتقوية أيمانكم بالله وغسلوا غرفتكم بملح وخل حته تروح ان شاء الله منها الوساوس..
مهيمن _مشكور منك سيدنة مقصرت الله يحفظك.. يلا هدى..
هدى _طلعت من عد بيت السيد واني حرف مكدرت انطق رجعنه للسيارة باوعت عليه وحجة..
مهيمن _هدى الله طلع حوبتج بية من اذيتج صح جنت مو بوعي بس هم تأذيت.. والله جنت طول هل فترة عايش بصراع مو طبيعي شي يكلي هاي هدى ومن اباع عليج يشهد الله اشوفج اقذر خلق الله عبالك شيطان جنت بس اريد اوخرج لو اضربج لانو حيل اتنرفز من شكلج من جنت اشوفج ومن ضربتج بالله العظيم مو بوعي وحته مو انتي الي شفتها كبالي جانت عبالك شياطين الدنيا كلها كبالي بيج..
هسه تكولين شلون لعد رجعت ما ااذيج بعد الحادث ماعرف والله بس اني صرت ما انام بغرفتنة ولا حته اطبلها والبيت من اساسة مجنت ابقى بي بحيث صرت شوية شوية ارجع لعقلي والندم ياكل بية بحيث ممصدك معقولة اني مسوي بيج هيج
طول عمري مبتعد عن المحارم ومحافظ على نفسي من السوالف المكسرة بس من صارت بية هاي الشغلة احس بشي بداخلي هوه الي يحركني مو اني بحيث اني ماريد هذا الشي وماريد اصلا اضوكة بس غصبا عني دخل الشرب لبطني هدى يمكن مصدكين لو اكلج بعد اول مره دخل الشرب لحلكي بجيت اي بجيت اني أسد الي بالمركز ينحلف بأسمي ابجي لانو داسوي شي ماريده..
ابسط شي صلاتي كل ماريد أنوي الفرض تتخربط عليه الصلاة كلها ردت الا شوية واتخبل ليش هيج ديصير بية واني طول عمري اوصيج تصلين ومتركيها صرت ماكدر حته اوكف على السجادة هدى هذا الي شفتي مجان اني بالعباس مو اني لحد هسه منضر الدم الي جنتي بي ياكل بية اني الي جنت اخاف عليج من روحي تخيلي سنة كاملة حلالي ممنوع منة وجنت مستعد انحرم سنة لخ بس في سبيل ما اتسرع بعلاقتنة وابديها صح وياج فتخيلي ممكن اكون بيوم سبب بأذيتج..
وهسه اكيد تكولين اذا انته من فترة رايح للسيد وقاري عليك حته تروح منك التابعة ليش توك يلا جيت وحجيت اني اكلج  الشي الي جان بغرفتنة لانو ممطلعة مجنت عايش طبيعي والدليل معدتي الي كمت اتقيء دم ومحد وكع على علتي من الدكاترة بحيث حته عملية سويت وما وصلت لنتيجة هدى جنت من كل الجهات متأذي..
وما انسى سالفتج مال تلفون لو شمهما تكون اسبابج الثقة تبقى ثقة وانتي جان المفروض تخلين كدام عينج زوجج ومتحاجين ولد بضهره مستغلة فترة غيابة وهوه واثق بيج موو صح كلامي لو لا وفوكاها مسوية وياه شبهه علاقة بالتلفون وتكولين اريد اطلك وهذاك مناك يزامط بالحجي عليج ليش تكسرين الشي الي بنيناه بينة بخلال سنة كاملة اني بس على هاي اعاتبج لانو نبهتج قبل وانتي دستي على كلامي وسويتي الي براسج..
هدى _تحجي عليه تكول سويت شبهه علاقة ويه مازن واني اصلا جانت نيتي بريئة وانته تعرف بس منو الي صار يروح يم بنات ويجي بنص الليل لو ثاني يوم بعد سهرة يم بنات الليل هاا.. نزلت دموعي بصوره غير ارادية تشرح ألم كلبي
مهيمن _وانتي تصدكين أكدر الزم مره غيرج جان لزمت بالسنة الي فاتت من جنت منتضرج..
هدى _صرخت بوجهه..
شنوو اجذب عليه بعيني شفت أثر الحمره بقميصك والعطر النسائي بي هماتين..
مهيمن _شوفي اني ماجذب عليج صح رحت لهذاك المكان ورت اكضي ليلة وية.... بس مكدرت اكمل كشت روحي منها ومن كل شي جنت طامس بي وخفت الله بيكم انتي وفاطمة والله بوكتها اجيتوا ثنينكم كدام عيني وخفت لا الله يعاقبني بيكم  لو صدك طاخها جان حجيت بعمري محتاجيت الجذب لانو مو من ثوبي..
هدى _بس حاولت ورحت..
تحسر..
مهيمن _ادري ومناكر هل شي..
هدى _سكتت وهوه هم سكتت عم الهدوء بالمكان لمدة عشر دقايق هيج شي ورجع حجة مهيمن..
مهيمن _بعدج مقررة على موضوع الطلاك وتحققين غاية الي خرب حياتنة بكل سهولة..؟؟
هدى _منو الي سوه السحر اكيد جواهر موو..
مهيمن _ماعرف السيد كال وحده بس مو من اهل بيتك وماعدي دليل ملموس عليها حته اتهمها يمكن هية يمكن غيرها الله اعلم..
هدى_ضحكت..
تره ماكو غيرها وبعدين هيه وعدتني راح تخرب حياتي وصدك نجحت بهل شي..
مهيمن _وليش دنسمح الها لو الغيرها تاخذ مبتغاها..
هدى _باوعت عليه بحزن..
ماريدك مهيمن اذيتني كلش هواي لدرجة مكاعد اكدر انسى شكلك وضربك حته اخاف منك..فوكاها ساويتني بهاي الزبالة جواهر وتفضلها عليه لو تضربني وتوصلني للموت وشوهت خلقتي اني ادري غلطانة بس تره اني جيتك اكثر من مره معترفة بغلطي وطلبت منك السماح بس انته دست علية برجلك مهيمن تعبت هواي وطاقتي خلصت ماكدر اكمل حياتي وياك لو وية اهلك خسرت نفسي وخسرت حياتي ومدرستي وعافيتي.. واني حته لل١٨ بعدني مواصله
مهيمن _بس اني مالي ذنب  كوليلي قابل متقصد شبيك فكري زين وارتاحي راح تعرفين مو بس انتي الي انظلمتي اني هم..
هدى _ماريد عفية رجعني للمحكمة وخلي كلمن يشوف حياتة اني طفلة مافيدك مهيمن..
مهيمن _لج بابا افتهمي عااد اني احبج وحياتي وية غيرج ماريدها من أساسها تأكدي هسه اروح اكلهم ما موافق وانتي تعرفين شنو اكدر اسوي هذوله كلهم مطبكهم على أيدي بكلمتين انهي كل شي وتبقين على ذمتي..
هدى _موو بكيفك هيه تايهةة هسه ترجعني واحاجي عمو عليك غصباً عنك تعوفني بحالي تعبت منكم كلكم خلاص يا اخي طريقنة مسدود استوعب هل شي
مهيمن _هذا ياهوه اخوج..
هدى _وانته عفت الحجي كلة وركزت بس على كلمت اخوج والله مو طبيعي انته..
مهيمن _مادام صارت بيها اخوية معناها السالفة داجة نتوكل للنجف هناك نتفاهم..
هدى _شفته حرك السيارة وصدك طلع على الطريق الرئيسي صرخت بوجةة شنووو نجف شكاعد تخربط انته رجعني ماروح لمكان وياك بعدد..
مهيمن _والله اجيتج بالعيني والاغاتي مامشيتي اكليها هسه لعد وسكتي..
هدى _لك مكفاك اذيتي كافي مهيمن لخاطر الله كافي فكني طلعني من هذا السجن الي حبستني بي والله تعبت تعبت حسس بية..
مهيمن _ابيتنة الي بالنجف غيرت غرفة النوم جبتها تركي اسود و ابيض لانو تحبي..
هدى _فكيت حلكي..
مو داحجي وياك شبيك يا غرفة يا صخام يمعود..
مهيمن _وجبت بلازما بدال  هذيج الي كسرتها بس كون تكعدين عاقلة حته ماكسر هاي الخ ستري علينه ماريد اكسر باقي البيت وأهلي يوكعون بيها..
هدى _خرب بحظي التركوازي هوه شوكت كعد حظج هدى حته يكعد هسه بابا انته مريض بعدك موو..
مهيمن _ساعة اخي ساعة بابا ولا عبالك نايم....
هدى _مهيمن شبييييك كاافي اسكت..
مهيمن _شكد حلوه انتي من تصيرين عصبية طالعة تخبلين بشرفي..
هدى _مهيمن كافي الله عليك هيه مو مال شقة هسه..
حجيت هيج وغطيت وجهي بكفوف أيدية ابجي.. ثواني وحسيتة وكفة السيارة على جهه وقفل البيبان من يمه وجرني عليه حاضني بكل مابي من قوة يمسد على ضهري..
مهيمن _هدى والله احبج ليش تسوين هيج وتخربين حياتتة هل مره بأيدنة وبقرار منة..
هدى _گ..گافي تعبت زين ماريد اطلك ميخالف بس رجعني للبيت اريد ارتاح..
مهيمن _تدللين هسه اخذج ترتاحين بس منرجع لا اني ولا انتي محتاجين نكعد وحدنة بعيد عن الكل اتوقع هاي افضل راحة طلبي اي شي مني حاليا بس مال اعوفج ماكو
هدى _هسه موداكلك منطلك ميخالف بس حباب ماريد اروح لهذا البيت..
مهيمن _شنو تخافين ترحين للبيت هاا..
هدى _يحجي مبتسم..
طبعااا اخاف اذا انته مشهودة الك سالفة البيوت والغرف نسيت نفسك معلية والله أشمر روحي من السيارة إذا تاخذي لهذاك البيت..
مهيمن _اولا الباب مقفلة وثانيا كتلج ماكو رجعه فهميها عاد والله تعبتيني واني احبج لتخافين مني..
هدى _لزمت راسي دايخة شسوي ماكو فايدة قافل على الأخير سكتت صافنة شوكت تخلص هاي الخبالات ماعرف مسافة الطريق وصلنة للنجف وبالتحديد كدام هذاك البيت الي بي ذكرى محفوره بعقلي وكلبي مستحيل تمحي..
مهيمن _لبوتي لتضوجين مني وتكرهيني ادري متحبين هذا المكان بس ضروري نحجي من هذا المكان خرب كل شي ومنا هم لازم يصلح هسه نزلي خلي نرتاح وكل شي بوكتة يجي..
هدى _ليش عدي اختيار ثاني غير انو انزل..
رجع انعاد نفس الموقف من اجينة هنا ودخل السيارة بالكراج فاتح بيبات البيت كعدت بالاستقبال لازمة راسي صح ممرتاحة بس متأكده مراح يأذيني مره ثانيه هوه راح للمطبخ مااعرف شيسوي شوية واجه بيده كوبين جاي خلة واحد كبالي و واحد يشرب بي..
مهيمن _كلش طيب شربي شوية اعصابج ترتاح..
هدى _بقيت ساكتة مجاوبتة وهوه كاعد على القنفة الي كدامي مراقب حركتي بهل أثناء دك جهازة رفعة ومن كلامة عرفتة يحجي ويه بابا اسمعة يكول..
مهيمن _اي خالي..
لا مابينة شي كل شي تمام..
هاهية قبلت وبطلت عن الطلاك..
هاا لا مو نايمة جانت نعسانة وبس وصلنة غفت..
من تكعد اكلها تحاجيك..
الله يسلمك هلوو..
هدى _رحت وكفت فوك راسة ضامة ايدية لصدري عاكده حاجبي اريد اشوف لوين يريد يوصل كمل سده حجيت..
هاا خلصت
مهيمن _اي وخالي شبهه اقتنع بطلتي على الطلاك..
هدى _عليك الله شكد مصدك روحك..
مهيمن _وداعتج مو بس اني مصدكها انتي هم بحيث عيونج وكلبج ميردون ينفصلون عني..
هدى _هوه للصراحة بعد كلام الشيخ شي بداخلي تراجع عن هاي الخطوة مثل الي جنت رايده فرصة حته ما انفصل عنه نهائياً بس والله فضيع شنو ميفوتة شي لدرجة حته أفكاري يقراها..
درت وجهي عنة متوعده اله بداخلي الا اطلع الجية هنا من عيونة كل شي يريد يمشي بمزاجة وتعالي يا هدى نفذي شلت جنطة الايد وصعد فوك لنفس الغرفة الي نمت بيها هذيج المره طبعا البيت نظيف الظاهر اكو احد يجي ينظفة بين فترة وفترة
رحت للكنتور اذكر هذيج المره بقن عدي كم قطعة ملابس بس ملكيت يمكن ذابهن مادري
اخير شي بملابسي الي عليه تمددت على الفراش وصدك جنت تعبانة شي من الطريق وشي من الأحداث الي صار اليوم عقلي مشوش غمضت عيني بضعف مستسملة للنوم..
وره فترة جنت بعدني غافية بس جان اكو شي خانكني وركبتي تحكني فتحت عيني بأنزعاج صفنت من شفت مهيمن نايم بصفي ولامني بحضنة وراسة حاطة بركبتي حطيت ايدي على جتفة دافعتة عني بس تحررت منه شوية بسرعة فزز ضايج..
مهيمن _يعني مدكولين ابن الناس نايم براحة ضروري تزعجي شكد حقوده حارمتني النومة من اليوم الي رحتي لبيت خالتي حياة..
هدى _عفست وجهي..
والله محد كلك نام بصفي سكتت.. مراجعة كلامة بعقلي شيقصد سألتة بشك..
شنو قصدك بحارمتني من النوم من رحت لبيت خالتك هوه  من جنت بالبيت اني واصلا انته ماكو شو هذا طكها بضحكة خفيفة ورجع باوع عليه..
مهيمن _بله منوو كلج اني جنت صدك عايف البيت وازيدج من الشعر بيت كل يوم بالليل من تاخذين المهدئات و تنامين اجي يمج انومج بحضني بس شنو انتي من تنامين ولا تحسين اكو بشر بصفج وبشرط جان بس يصير الفجر اطلع من يمج وبالليل ارجع الج..
هدى _فكيت حلكي..
جذاب ماصدك لو صدك جان حسيت عليك..
مهيمن _عمي انتي نومج منا جان ثكيل ومنا تاخذين مهدئات بيها نوع من المنوم بعد لو اطك بصفج حزام ناسف هم متحسين بس والله فادني نومج..
هدى _يحجي بكل برودة أعصاب واني مشتعلة نار ضربتة على جتفة بقوه وصرخت عليه..
شكد استغلالي لعد انته هااا متستحي مدكول مريضة خطية استخطيها لو لازم الي بعقلك تمشي شكد مزعج يربي..
مهيمن _شنو هاي كل طاقتج عبالك كاعد ادغدغيني شوية قوي ايدج..
هدى _تخبلت والله لو اكطعة هسه كلبي ميرتاح داحجي سحبني عليه مددني على طولة طوق خصري بأيدي وحبس رجلية برجلي توقعت راح يأذيني لو يجبرني على شي بس اكتفى بأبتسامة متأمل وجهي..
مهيمن _شكد مشتاقلج ومشتاق لمشاكستج لبوتي..
هدى _دنكت راسي مبعده عيني من عينة لانو ادري بروحي مو كد نضراتة وقربة غمضت عيوني برجفة من صارت شفتة على ركبتي مجان يبوسها بس مجرد خالها على ركبتي يمشيها كأنوا يتحسس نعومتها لحد موصل يم اذني هامس..
مهيمن _بيش ابدلج وانتي كمرة بنات أدم..
بيش ابدلج يالشاردة ماخذة كليبي وياها..
بيش ابدلج يالروحي صارت بروحها..
هدى _انفاسة الحارة تضرب بركبتي تناهيده أسمعها وهيه داخلة بنص كلبي ضاق نفسي وروحي ضاعت بين ايدي اضطراب بين عقلي وقلبي..
مهيمن _تعبان هدى ورب العزه تعبان بكد تعبج واكثر ابقى يمي ولا تبتعدين اكثر انتي مرضى وانتي دواي ليش هيج انكلبت حياتنة وصار اليسوه والمايسوه يلعب بحياتنة..
هدى _مهيمن..
مهيمن _عيونة..
هدى _فلتني قربي دواك بس انته قربك ديأذيني لهذا عوفني تعبت رجاءاً تعرف كلش زين حياتنة مستحيل جانوا راح يدخلون بيها لوما شافوا اكو فرصة جبيرة يخربوا مو..
مهيمن _البركة بيج..
هدى _دفعتة بقوة..
اي هذا مهيمن الي اعرفة رجعت تذب كل الصوج بية وكل شي من ايدي وانته مالك دخل..
مجاوبني طلع من الغرفة من دون ميحجي حرف راكع الباب وراه..
تنهدت ماكو شي يصلح بهل سهولة من ينكسر شي ميرجع مثل قبل واذا رجع راح يكون ركيك هوه هم مدينطيني وكت افكر بحياتي وياه ومن احجي الحق يضوج ولو اني هم غلطانة واعترف بهذا الشي بس هوه جرحة صعب وكلامة لهسة يدك براسي يعني والله مو سهلة ساعة يعاملني مثل الحيوانة وساعة ماكو احن منه..
فركت وجهي حتخبل من التفكير ربي كمت غسلت وجهي وركبتي احس روحي بوخت اريد اسبح.
بس ماعدي ملابس شلون سالفة هاي نزلت جوه ملكيتة طلعت بالحديقة شفتة كاعد على المرجوحة يدخن صفنت عليه شلون يتعارك عبالك ويه الجكارة خرب..
بقيت فترة على وكفتي انتبه عليه واكفة يم باب المطبخ صاحني اجي يمه ترددت بالاول بس بعدين رحت يمه كعدت على بعد مسافة عنه بس هوه ما شاء الله ميفوت الفرصة كبل تمدد حاط راسة على رجلي يباع بوجهي لزم ايدي وباس باطنهاا..
مهيمن _شبيج ضجتي..؟
هدى _شوية..
عاف ايدي وخله ايده على كلبي
مهيمن _هدى باله اسألج سؤال ولاتجذبين تره اكشفج بسرعة..
هدى _وليش داجذب اسأل..
مهيمن _كلبج بعده يحبني اكو بي ولو جزء صغير ينبض بأسم أسد..
هدى _بلعت ريكي خبيث مو بيدك..
مهيمن _مراح اجاوبين..
هدى _جج
مهيمن _ليش اخذتي المانع تدرين اذيتيني حيل من عرفت بيج مسوية هيج انتي ليش دائما تصرفين من يمج..
هدى _تره اذا تجي للواقع احسن شي سويته انو اخذت المانع انته مشايف شلون حياتنه وصلت للموت برأيك هيج حياة صحيحة يجي بيها طفل..
مهيمن _محضره جوابج هم..
هدى _سكتت متنهده الدنيا بدت تغورب والجو صار ابرد والمكان هادئ خليط بين الراحة والهدوء
مهيمن _جنج بردتي امشي نطب جوه اكلج انتي مجعتي تره موصي من الضهر على أكل وجنت انتضرج تكعدين حته ناكل
هدى _الصراحة اي جعت و...
مهيمن _كملي شنوو..
هدى _اريد اسبح واغير ملابسي..
مهيمن _ابتسم..
دكومي شنو مستحية مني ومتحجين والله وكت صرنة مثل الغربة..
هدى _داحجي سكتني..
مهيمن _سكتي لا تحجين شي وتغثيني خلينة هيج ناخذ هدنة شوية وبعدين رجعي اعلني الحرب..
هدى _والله صاير تصنف عود..
كام واخذني من ايدي جوه سد البيبان البيت جان دافي شفته طلع من الفرن لفات ومن الثلاجة مقبلات وعصير..
مهيمن _كملي عشاك وروحي بالهول اكو علاكة بيها ملابس الج جدد اليوم جبتهم وكم شغلة وياها ..
هدى _اي..
اكلنة بهدوء يطغوا عليه الملل كملت بسرعة اخذت العلاكة الي كال عليها وصعدت فوك شفت الحمام بي شغلات الغسل طلعت منشفة ورحت على العلاكة جانت جبيره بيها كم قطعة ملابس بس شنو لو دشداشة قصيره لو تراك ضيك لو بجامة مقسمة على الجسم والبدي دلعته شكبرها استغفر الله اريدلي شي مستور ماكو هذا صدك يحجي انوب حته الملابس الداخلية على قياسي بالضبط ومنسقات شكد منحرف..
اخير شي اخذلت دشداشة قصيره فوك الركبة اني اعلمك مهيمن مو انته جبتها لنفسك.. سبحت وكملت رجعت للغرفة انشف بشعري كدام المراية جان شعري طولان شوية يعني اهون من قبل بالف مره ..
بعدني توني امشطة دخل مهيمن مبتسم مهتميت اله..
مهيمن _شكد مشتاق لهذا المنضر من تغسلين وتوكفين كدام المراية تمشطين شعرج واني اصفن عليج..
هدى _تنهدت..
مهيمن اط..
مهيمن _ماطلع كافي اريدج يمي تعبت من هذا البعد..تعاي هدى
هدى _باوعت عليه فاك ايده يرييريدني اجي بحضنه اريد اروحلة بس ماعرف ليش شكلة من ضربني بالنفاضه مديروح من بالي بحيث بكلبي لهسه اكو خوفة منه من اصير يمه ماحس بالأمان مثل قبل ظل يباع عليه من شاف ماكو استجابة نزل ايده متحسر..
مهيمن _يلا مو مشكلة اذا مرهمت مره نحاول مره ثانية وثالثة لحد منروض اللبوة
هدى _واثق حيل..
مهيمن _مو شغلة ثقة بس اعرف شنو بكلبج حياتي..
هدى _اوف والله تعبت من هذا الموضوع اليوم كله نحجي بي تره فهمت
مهيمن _مادام افتهمتي بعد شكو هل مكابره ليش مننهي هاي المهزلة عاد..
هدى _كل شي تريده مثل ميعجبك مهيمن بعمرك مراح تفهم احساسي شنو..
مهيمن _تحسر..
شو تعالي خلي امشطلج شعرج لو هم ممنوع..
هدى _عود داجاوبة بسرعة اخذ المشط داكعد على الجرباية سحبني لحضنة ردت اكوم مقبل مشه المشك على شعري القصير وكل شوية اسمع حسراتة كمل وشبكني بثنين ايدي مثبت راسة على راسي..
مهيمن _عساها ايدي بالكسر اذا مديتها عليج مره ثانية الله لا يوفقهم سلبوا مني كل شي احبة وخلوني بس اتحسر..
هدى _ظل فتره هيج حاضني بقوه ماعرف وين يريد يدخلني بعد حسيت بجسمة صار نار فجأه حطني على السرير  مددني وكام وكف نزع بلوزته و فتح قفل حزامة نازعة وكمل..
بسرعة طفرت لاا مهيمن لتعيدها....
يتبع...