لم تكن امي(لبوة الاسد)

البارت الخامس

،، رواية لم تكن أمي(لبوة الأسد)،،
_البارت الخامس_
...........................
عندما يعيش المرء
في منزل مريح طوال حياته
من الصعب أن يفهم
أن الآخرين
يعيشون بشكل مختلف .
‏- سيلفيا بلاث
...........................
فاطمة_طول النهار واني افكر بفارس وانو راح اجاوبه لو هم اغلس واحظره.. ساعه اكول شكو بيها قابل شراح اسوي وساعه اكول لا لا خاف يطلع حاله من حال هذوله الي يلعبون على البنات و اوكع بيها من وراه اذا احجي وانطي مجال
ظليت بين جر وعر ساعه اي ساعه لاا..
صار الليل سويت عشه ويه لبنى كملت جانوا اخوتي كلهم كاعدين ظلت عيني عليهم خاف يخابر هذا هسه واني كاعده هنا وتلفوني فوك..
تسحبت داصعد فوك صاحني مهيمن
مهيمن _هاا وين رايحه فاطمه مو كاعدين..
رديت،، هاا مو تدري دراسه وامتحانات هم ياله الحك اقره أسد..
رد،، اي صح الله يوفقج أخيتي انتبهي لدراستج واذا احتاجيتي شي تعالي كوليلي..
رديت،، فديتك متقصر والله يوم عرسك ههه
شفته كلب وجهه مرد عليه خاف متعارك هوه وجواهر مادري صعدت توني سديت الباب سمعت جهازي يدك ركضت عليه ادوره
لزمت جان ٥ مكالمات وي وي هذا متحلفلي والله شفته بعده يدك جاوبته بس كلت الوو انهد عليه
فارس _ليش مجاوبين ظل بالي عدج ادري راح اكلج ااني قابل شبيج فاطمة هاي لانو احبج تذلين بيه انعل ابو الحب الي يذل صاحبة
رديت،، لحضه لحضه شبيك تره جنت جوه كاعد اتعشة وثانياً محد ضربك على ايدك حته تحبني والله حلوه هاي
رد بضوجة،، بالعافيه بس وين اكو عشه بال١٠ ونص..
واذا على حبج والله كلبي الكلب ابن سطعش كلب مناوي ينساج شسوي يعني..
رديت،، يعني راح اظل تعيط عليه راح اسده احسلي والله..
رد بسرعة،، حته اطيح حظج تسدي بوجهه تره مناسي هذيج المره من سديتي عليه..
رديت،، يا ابن الناس من الاخير احجي الي عدك وعوفني بحال سبيلي..
رد تحسر،، يابنت الناس احبج والله..
رديت،، شنو من حب هذا مصار شهر من عرفتني وحبيتني!!
رد،، منو كلج من شهر؟؟ تره صارلي سنه ونص عيني عليج بس مجنت اقترب منج حته ماسببلج مشاكل بس هسه وصلت حدها والله..
صرت اشتاقلج واضوج حيل اذا بيوم ماشوف بي عيونج، طولج وابتسامتج والله فاطمه احبج انطيتي فرصه حته تعرفيني بيها واذا مرهمنه وكتيلي مترديني بنفس اللحضه اختفى من حياتج..
فاطمة_ سكتت مبين من كلامه مصر على هاي العلاقة مدري شحجي اجه على بالي اسأله..
زين اذا صارت علاقة بينه شنو نهاية هذا الشي كله؟
رد،، بسيطة اصيرين مريتي والمج بحضني..
رديت بصدمه،، عززه شكد قليل ادب انته!!
رد،، هههه يعني قابل اجذب عليج.. فاطمة ليش سكتي متحجين؟؟
رديت،، مادري شنو احجي قابل..
رد،، اي شي تردين تعرفي عليه لانو اني عن نفسي كل شي اعرفه عنج..
رديت،، ممم مين عرفتني بله و وين شفتني وليش اني بالذات يعني اكو الاحلى مني وو..
رد،، هذا السؤال بالذات ماعدي جوابه تره الي يحب من صدك ميدور شكل وماده ومواصفات الي يحب عينه تحب محبوبه بله سبب..
شفتج صدفتاً مره أجيتي للمكتبه و الي لفتني الج هدوئج وصوتج الناصي وعينج الي مترفعيها على هذا وذاك جانت هاي الأسباب وحدها كفيله انو تزرع حبج بكلبي لانو تعرفين بنات الاعداديه بهذا وكتنه ما شاء الله..
خجلني كلامه طلع منتبهه عليه واني مادري بي سكتت وراها سألته،، زين صدك انته شسوي بالمكتبة الي يم المدرسه مالتي..؟؟
رد،، يمكن راح افاجئج بس هاي المكتبة مصدر رزقي اني جنت طالب جامعي بس حالتنه المادية على كدنه ..
على عموم والدي اخير فتره تعبت صحتة كلش وطلع بي مرض خبيث ومن هاي كعد بالبيت ولانو اني الولد الوحيد لأبويه صارت كل مسؤلية اهلي بركبتي وعلاج الوالد كذلك..
فاطمة احنه صح ناس على كد حالنه بس عايشين بكرامتنه شكد اجت ايام ضاق بينه الحال بس ممدينه ايدنه على الحرام مطلبنه من احد شي الحمد لله عدنه عزه نفس ابويه ربانه عليها..
حقج تخافين مني ومتثقين بيه واني لحيت وياج هواي ادري بس ثقي بالله ماعدي اي نيه سوء ضدج طالبج من الله ونبيه ومستعد انتضرج لحد ماكلبج يحن ويحبني مثل ما اني احبج
فاطمه_الله يحفظك لأهلك وربي ينطي الصحة والعافية لابوك..
فارس _يحفظني بس لأهلي؟
رديت بحده،، ااااي
رد،، ههه هاهيه بويه اي يعني اي
فاطمة_بهذا اليوم اخذنه الحجي هوه يحجي عنه واني احجيله عن حياتي لحد مغفيت على صوته..
مرت فتره على اتصالاتنه اني وياه مع غير بطريق المدرسه كله هوه يوصلني ويرجعني بس من بعيد البعيد مكتفي بأبتسامته من يشوفني..
شعور اول مره اجربه اول مره اعيشه احساس يخلي الانسان طاير بالسمه اجذب اذا اكول متعلقت بي وبصوته وكلامه الرزن حبه الي واضح من لهفته وكلامه غزله واعجابه بيه..
حسسني بأني بنيه حالي من حال بقيه البنات احب وانحب شكد جان بسيط بس فارض نفسه وشخصيته..
مانكر من بديت اتعمق بعلاقتي وياه تحرك شي تجاهي اله بس ابد محجيت اله ولا اعترفت مع انو هوه دائما يكلي..
تحبيني؟
حبيتيني؟
حتلو إعجاب هم راضي بس كوليها..
اليوم كالعاده كعت الصبح بدلت وعدلت نفسي ورشيت عطر طيب طلعت للشارع تلفتت منا منا ماكو شوو فارس اليوم؟؟
كملت طريقي كلت يمكن الكاه واكف ليغاد خلصت الشارع وقريب اوصل للمدرسه هم ملكيته تفاجئت اول مره ماشوفه احتمال عده شغل لو شي..
عاد خلص الدوام واني كل بالي بقه عده كاعده على اعصابي بس اريد اشوفه مصدكت دك الجرص اخذت غراضي وبسرعه طلعت صرت اتمشى ويه البنات على كيفي حته اشوفه وينه؟
بس ماكو ظل عقلي يتخايل أشكال القصص اووه هسه اني شكو مكبره السالفه يمكن عنده شغله شي مو شرط ٢٤ ساعه الكاع كبالي..
رجعت للبيت ستوني افتح الباب واجاني صوت أسد عياطه راج البيت طبيت ركض اريد افهم شكوو..
مهيمن _اااريددد افتتتهم اااني لعبه بيد اخوووج وبنته ال××× سااعه قابلين وسااعه يابه نريد نفسخ الخطبه شنوو جاهل اني وتلعب بيه مره؟؟
جنان_يمه شسوي اني قابل مو كدامك حاجيته يكلي ماكو نصيب الابنيه ممرتاحة وياه..
مهيمن _لااا تخبلليني شنوو ما مرتاحه اشوو كل شي تطلبه اجيبه لحد رجليها وماكو لا وكل هذيج الفتره تكلي احبك وماشوف غيرك وهسه باقي اقل الشهرين على موعد زواجنة يجون يلغون كل شي ادري شنوو هل خرط..؟؟
جنان _لا ضوج نفسك يمه هسه ارجع احاجيهم وافهم شنو الي صاير وهيج مبطلين من الزواجة هاي..
مهيمن _لااا ااابد يمه والله اكلب الدنيا عليج اذا حجيتي وياهم حررف.. الي يبيعني ماريده طززز بيها من قله البنات..
اني مو علمودها على خالي الي صاير محبس بأيدها لعبت بينه النسوان والله كفوو من شاربه خلي يزينه اكشخله..
تحضيرات وعرس وصخام وخبصه وعلى اخير لحضه هاا ماريد خوش والله ميفكرون بالفشله الي راح يخلونه بيها..
جنان _خلي تولي يمه من باجر اخطبلك زينه البنات وهيه الندمانه اني صوجي خطبتها الك وهيه متسوه فلس عبالي آدميه طلعت
مهيمن _كاافي يوم سدي الموضوع هذا وماريد بعد ينفتح بهذا البيت نهائياً هاهيه قسمه وماصارت وياريت تبلغيهم ماريد بعد اشوفها كبالي هاي الجاهله وخلي يحددون يوم اطلكها..
جنان _هاهيه يمه براحتك الي تكول عليه يصير
فاطمة_فكيت حلكي عزه معقوله هاي الغبيه ترفض أسد وي وي لعد قبل تمسكنت لحد مكالت بس حته بس نخطبها اله وهسه هيه متريده والله هاي عقلها مضروب..
اصلا ولا ضجت همزين خلصت منها كافيني صاحبتها لبنى غثه متنجرع مو هنوب يتجمعن علينه حته يسون خوش حزب هههه
وصدك أسد من ثاني يوم راح الهم هوه والسيد وطلكها ومناك التحق للبصره..
محد حجه ولا فتح الموضوع هذا بالبيت مره لخ واي واحد يسأل نكله قسمه وما صارت..
مر اسبوع كامل وفارس مختفي شكد انتضرت وكلت باجر يخابر باجر يدز راح اكعد على رساله منه بس ماكو اختفه..
ضحكت على نفسي فرحانه احب هوه الي مثلي مال حب يكعد وينجب احسله عبالي هوه مختلف عبالي صدك يحبني بس طلع مثل هذوله الشباب من شافني منطيته الي يريده اختفى وعافني..
مشكلة تعودت انام كل يوم على صوته واسمع نصايحه اليه وكلامه الموزون الحلو يعني معقوله حته هذا كله جان جذب...
اكثر من مره الزم التلفون حته اخابره بس أتراجع اكول هوه اذا يريدني من صدك جان خابر شكو منزله نفسي اله..
داومت وصاير اصلا أداوم بس حضور لا عقلي ولا فكري يم المدرسه قررت اخير شي لازم اخصم الموضوع كافي عاد اني هناا متت من التفكير وهوه ماعرف وينه..
كلت امر على المكتبه واشوفه موجود بيها لو لا.. حجيت ويه صديقتي حته نروح سويه للمكتبه مشيت بخطوات بطيئه واني شايله بداخلي خوف على توتر..
طبينه جان واكف غير ولد دورت عليه بعيوني ملكيته يعني شنو وينه هذا..
وأني على وكفتي دخل رجال للمكتبه وانصدمت من سمعته جاب اسم فارس بكلامه...!!!!
هدى_ثاني يوم على اتفاقنه اجت جميلة عليه للبيت حته اشرحلها ونقره الامتحان شويه..
اشوف احلام ضلت تهلي وتمرحب بيها هلا بيج ونورتينه..
مداعرفج والله طلعتي تعرفين تحجين مدري تمثلين كدام الناس دور الام الحنونه على عموم دخلتها للصاله وبديت اشرح الها شويه وكمت اقدملها الضيافه..
بهل أثناء سمعت الباب اندكت رحت فتحتها لانو جنت بالمطبخ قريبه على باب الشارع طلع همام ومهيمن وعمو ابو محمد ابوهم..
ابو محمد _شلونج عمو موجود الوالد جينه نشوفه..
رديت،، هلا عمو اي موجود تفضلوا جوه..
دخلوا صار يمي همام..
حجه،،شلون صرتي هدوش..
هزيت راسي بفشله،، زينه مابيه شي..
رد،، اكيد اذا احد مضوجج احجي لا تستحين
كلش كمت اضوج من واحد يفتح وياي هذا الموضوع احسه يصدق عليه لو مكسور خاطره على وضعي جاوبته بحده..
مابيه شي كتلك ليش تلح
مهيمن_شكو صاير شي شو تتهامسون؟؟
رد همام_لا خويه ماكو شي بس داسألها عن احوالها..
مهيمن،، هاا يلا امشي طب حتظل واكف بالباب انته..
.. دخلوا كلهم جوه بالهول يم بابا تذكرت جميله بالصاله نسيتها خرب اخذت العصير قدمت الهم ورجعت لجميله جانت كاعده قريب الباب..
تأخرت عليج حبي بس اجونه خطار عذريني..
ردت،، لا عادي اني هم جيتي صارت بوكت متأخر.. ااحم اكلج حبي هذوله منو الشباب الي ستوهن اجو؟
رديت،، ولد عمتي بس ليش تسألين؟؟
ردت،، هاا مو حلوين هههه..
يوو لا تباعين عليه هيج اشاقه وياج خلي اروح وبعدين اجيج بغير يوم من وكت..
رديت،، لعد والامتحان؟؟
ردت،، الي شرحتي فهمته بقه جزء بسيط اقراه وحدي عادي حبي
رديت،، تمام على راحتج وصلتها للباب ورجعت للهول كعدت يمهم
صبيحة _ها راحت صديقتج..؟؟
رديت،، اي قبل شويه
صبيحة_مبينه خوش آدميه واخلاقها حلوه ما شاء الله أهلها عارفين يربوها ولو التربيه مو كل شي اكو ناس ذبتهم متربين على الصح..
هدى _باوعت عليها صفح بله عمتي الحبوبة على شنو تلمح..
ابو محمد _بشر ضياء ماكو تحس بحالتك اشو اشوفك ذبلان كلش شنو السالفه ياخوي ماكو طبيب وكع على علتك
ضياء_ماعرف شكاعد يصير بيه مخليت دكتور يعتب عليه حته خارج المحافظه رحت وكل واحد يحجي شكل والنتيجة وحده يكلي التحاليل نظيفه احتمال حاله نفسيه احتمال تحسس من شغله والله تعبت حته من مراجعه الأطباء اعوفها على الله هوه وأهل البيت اطلب منهم ترجعلي صحتي لخاطر أولادي
مهيمن _بس مايصير هذا الحجي خالي تتوكل على ربك آمنت بالله بس لازم تبقه ادور على علاج لصحتك مشوف نفسك باقي جلد وعظم
همام_اي والله خالي أنتي بكلامك هذا كاعد تستسلم للموت اسم الله عليك منه..
راح اشوفلك جماعتي اسألهم على طبيب معروف..
ضياء_لا تعبون نفسكم أكثر من سيد يوسف اخذني على احسن دكتور هناا وهم نفس الكلام ينعاد اني علتي مو يم طبيب صدكوا..
ابو محمد _راح اخذ على شيخ لعد يقره عليك..
ضياء_شنوو صدك تحجي..
ابو محمد _قابل خسران شي لو ضارك شي انته رحت على هواي أطباء خلي نجرب شيخ، سيد بلكت بالقرءان تتشافه
ضياء _مادري شكلك اني اصلا جزعت من روحي وعفتها شلون متجي خلي تجي
مهيمن _خالي لا تفكر هواي وروح ويه الوالد واي شي تحتاج احنه حاضرين
ضياء_ماتقصر بويه أسد..
يوم الي نفرح بيك صدك شوكت عرسك؟؟
رد _خالي ماكو لا عرس ولا شي قسمه وماصارت كلمن راح بطريقه
صبيحة_ياا صدك عود أسد خطيه الابنيه فرحانه بيك جانت وممصدكه اخذتك ليش هيج..
مهيمن _شي راجع اليه اتوقع اني اعرف وين مصلحتي اكثر من غيري..
صبيحة _سالفتكم مو خاليه والله شعليه بيكم منك الها تتجازه..
مهيمن _بالضبط وهذا المطلوب..
هدى _هاي شنو مهيمن فسخ من جواهر هاي شصاير ممم حرامات جنه مكيفين صار عدنه عرس بالعائله تاليها خربت وهيه كل ١٠ سنوات واحد يزوج بس خطيه مو جان يحبها الله اعلم ليش فسخوا..
ثاني يوم رحت بالمدرسه كاعد اراجع بكتابي اجت كعدت بصفي جميلة وحاطه ايدها على بطنها..
جميلة _شلوونج حبي..
رديت،، بخير انتي شبيج هل ايام عبالكم مو على بعضج؟؟
ردت،، اي والله شكلي طحت بيها..
رديت،، شنو هيه؟؟
ردت،، لج الاشهر الأولى من الحمل طلعت صدك صعبه
شهكت مصدومه،، حمممممل!!!!
يعني قصدج انتي حااامل؟؟
حطت ايدها على حلكي،، لج شبيج فضحتينه صوتج يولي اي حامل جاا هاي بطني شنو حصوو
رديت بذهول،، لج شنو حامل أنتي مزوجه لو شنو تره فريتي عقلي
ردت بهدوء،، اي مزوجه صار فتره وهسه حامل يعني عادي شبيج صوفرتي
رديت،، واني شمدريني بيج مزوجه انتي محاجيه وهم حته حلقه ماكو بيدج قابل اشتم كفه ايدي اني..
ردت،، اي مو مزوجة زواج متعه من ابن عمي لهذا محد يدري بيه
رديت بصدمه،، زواج متعه؟؟ ومن ابن عمج همم!!
واهلج يدرون بله
ردت ببساطه،، لا محد يدري
رديت،، عززه شو تحجيها عادي لج هذا شرف من يخلص زواجج شدكولين لاهلج انتي مو بنيه؟؟
لا وفوكاها حامل
ردت،، تره اني مو بنيه من قبل مازوج ابن عمتي وهوه يدري بهذا الشي ورادني واذا على الطفل منا لوكتها الله كريم ادبرها وهم ارجع بنيه شغله نص ساعه او ساعه وكل شي يصلح..
.. يَممه انتي شنوو عززه وخري مني عفيه
ردت،، هاي شبيج تره صح اني مو بنيه بس بكل المرات السابقه بالحلال يعني مثل هسه بس هاي المره مدري شلون صرت حامل..
رديت بقرف منها،، اي ميخالف بس ابتعدي عني فدوه خليج بنفسج واني بنفسي مناقصني مصايب
ردت بضوجه،، و شدعوه هلكد قرفانه مني على الاقل اني شغلي كله بالحلال مو مثل هذولاك ال×××حرام بحرام..
بقيت ساكته مجاوبتها لانو صدك قرفت منها صح هيه أكبر مني بسنتين لانو راسبه بس سالفتها تخوف هاي شجابها عليه هنوب وفوكاها تحجي بشكل عادي..
شويه ولمت بنات الصف وكعدت تسولف الهن سوالف مال الزواج وتعلم بيهم عاد صدك هنا لعبت نفسي عفتها وطلعت من الصف..
افكر بهاي الناس الغريبه الي كاعد تطلع بحياتي واني ماشيه على مايهم بدون ماحس على روحي..
تنهدت افكر بابا شلون ياربي وهوه يتعب يوم بعد يوم لو ماما حياة اشتاقيت الها قبل جنت كل يوم اشوفها واذا بالزايد بين يوم ويوم بس هسه من ازوجت صارت تجي بعطله نهاية الأسبوع واني عايشه وحيده حته فاطمة اشوفها بس بالمناسبات هووف..
خلص دوامي رجعت للبيت جان همام وابو موجودين حته ياخذون بابا للشيخ فرحت بشوفه همام احس فراشات بكلبي اطير من اشوفه..
طفولتي نصها وياه هوه ومهيمن بس مهيمن جان عكره شويه ميحب الشقه اما همام سبورتي يعجبني كل شي بي ودائما اكول بداخلي نيالها الي تاخذه ههه
طولي شبرين وافكر هيج والله يا الله..تغدوا يمنه وراها طلعوا
همه وبابا واني طبيت بغرفتي اجرب اسوي تصاميم جديده بقيت قريب الساعه هيج حسيت بروحي جعت طلعت اكل شي مريت من غرفه امي..
سمعتها تحجي بهمس بس مخبوصه كلش فضولي وكفني اسمع بس انصعقت من سمعتها تحجي عن سحر مدري عمل!!
احلام،، لج شسوي هسه ورطتيني الله لا ينطيج راح يروح الرجال من ايدي واصير ارمله كله من وره شعوذتج..
_مادري مادري انتي كتيلي شي وصار غير شي وين انطي وجهي هسه اني هاا
_انتي مو كلتي مابي اضرار واني مشيت وراج انطيني حل علاج شي قبل ما انفضح مو كاموا حته للساده يأخذوا..
_الله ينعلج اخذتي فلوس يابو فلوس لحد مكلتي بس والله اذا مسويتيلي حل افصحج بين ال..
ضياء،، لججججج اااااااااحلام
محسيت غير طب بابا يركض ويصيح بأسمها دفرر الباب وطب عليها ركض يضرب بيها وراها دخلوا همام ومهيمن وعمو ابو محمد وره شويه اجه جدو يعني فضيحه بشده..
ضياء_حيوااانه حقيييره ااادري شمزوووج ااني سحاااره تحسر رجلها ومجرمه تجرم بأطفالها...
الحجي _بووويه ضياء على كيفك مو جهالك ماتوا من الخرعه فهمني شصار بعد
رد،،، لكمممم اني الشيخ يكلي مسحور من مرتك مسويتلك عقد لسان واطير النعمة من بيتك وصحتك تروح لكمم شنو من بشررر هااي المره تتمنى الاذيه لبيتها وأهله..
رجع يضرب بيهااا مررتااحه هسه هااا من صررنه فكررر وعايشين على هذااا وذاااك
الحجي _لا اله الا الله ادري انتي مجوزين لا يفيد وياج حجي ولا ضرب ولا تهديد كوليلي بيا طريقه بعد اتفاهم ويااج مو بيتج كاعد يضيع ويشتت وانتي بيدج كاعد تخربي..
احسن ماادورين بهاي الشعوذات التفتي لبيتج ولمي اطفالج لحضنج مو شامرتهم على عماتهم..
احلام _عووفني كاافي تضرب بيه.. كله من وراكم جبرتوني اسوي هيج اذا كل شي صاير ومهدديني بالطلاك شتريد مني اتفرج عليكم محد غيركم خرب عيشتي..
متأكده اني بس يصير عد ضياء جم فلس جوه ايده تركض ازوجه وتخلي يطلكني وهم اني الوحيده الي خلفتي أكثرها بنات طول عمركم تعيروني خلفتي بنات ملييت جزززعت رووحي عايشه بقلق..
ضياء،، ضربها على حلكها الصمي حررف ماريد اسمع منج لج عذرج أقبح من ذنبج ملليت واني احجي وافهمج يااا مرره اني ماريد خره ولد مااريد مرتااح بعيشتي بس شلون لازم سممين عيشتي..
بوويه اني جزت روحي منها وتعبت حته صحتي راحت بعد ماريدها مره اليه خلي تولي عد أهلها وتذب سحورتها وسمها على غير ناس مابقه بس تموتنه يلا ترتاح
احلاء_لااا مو بكيفكم مو بكيفكم ماااروح..
الحجي _اشش ولا حرف امشي ولي لبيت اهلج بلكت تتربين عاد بوويه خابر اخوها يجي ياخذها من كدامي..
هدى _صح احلام امي بس بالاسم واذيتها النه فاقت كل الحدود حته ابويه مسلم منها بس من شفتها كبالي ادك وتطلكم وملخت روحها وخواتي وسليم غصَوا بالبجي من منضرها كلبي انعصر عليها لانو كلش زين اعرف الضرب شكد يأذي..
اخ ياربي شلون راح تصفه هاي السالفه ركضت على خواتي اسكت بيهم دخلتهم يمي للغرفه واسولف وياهم حته ينسون المنظر الي صار كبالهم..
سمعت هدوء صار البيت طلعت صار همام كبالي مدري ليش من اشوفه لا اراديا ابتسم..
همام_ هدى احنه رايحين هسه لا تضوجين ان شاء الله تنحل السالفه ولو امكم أعوذ بالله سحاره هنوب هههه
رديت بأبتسامه،، فد يوم حته احنه تسحرنه..
همام،، يايمه وتصيرين مثل امج جنج ورقة يابسه لا بويه ستري علينه خلينه بسحاره وحده بالعائلة ههه
هدى _هههه تره تبقه امي الي كاعد اتصنف عليها همام
رد،، خاب اميش هااي لا عيني اني لو منج احرك نفسي بكاز ونفط اذا امي هاي..
مهيمن،، استاذ همام بالنسبه لتفاهتك اذا خلصت اطلع كبالي دا نرجع للبيت
بقيت ساكته مجاوبتها لانو صدك قرفت منها صح هيه أكبر مني بسنتين لانو راسبه بس سالفتها تخوف هاي شجابها عليه هنوب وفوكاها تحجي بشكل عادي..
شويه ولمت بنات الصف وكعدت تسولف الهن سوالف مال الزواج وتعلم بيهم عاد صدك هنا لعبت نفسي عفتها وطلعت من الصف..
افكر بهاي الناس الغريبه الي كاعد تطلع بحياتي واني ماشيه على مايهم بدون ماحس على روحي..
تنهدت افكر بابا شلون ياربي وهوه يتعب يوم بعد يوم لو ماما حياة اشتاقيت الها قبل جنت كل يوم اشوفها واذا بالزايد بين يوم ويوم بس هسه من ازوجت صارت تجي بعطله نهاية الأسبوع واني عايشه وحيده حته فاطمة اشوفها بس بالمناسبات هووف..
خلص دوامي رجعت للبيت جان همام وابو موجودين حته ياخذون بابا للشيخ فرحت بشوفه همام احس فراشات بكلبي اطير من اشوفه..
طفولتي نصها وياه هوه ومهيمن بس مهيمن جان عكره شويه ميحب الشقه اما همام سبورتي يعجبني كل شي بي ودائما اكول بداخلي نيالها الي تاخذه ههه
طولي شبرين وافكر هيج والله يا الله..تغدوا يمنه وراها طلعوا
همه وبابا واني طبيت بغرفتي اجرب اسوي تصاميم جديده بقيت قريب الساعه هيج حسيت بروحي جعت طلعت اكل شي مريت من غرفه امي..
سمعتها تحجي بهمس بس مخبوصه كلش فضولي وكفني اسمع بس انصعقت من سمعتها تحجي عن سحر مدري عمل!!
احلام،، لج شسوي هسه ورطتيني الله لا ينطيج راح يروح الرجال من ايدي واصير ارمله كله من وره شعوذتج..
_مادري مادري انتي كتيلي شي وصار غير شي وين انطي وجهي هسه اني هاا
_انتي مو كلتي مابي اضرار واني مشيت وراج انطيني حل علاج شي قبل ما انفضح مو كاموا حته للساده يأخذوا..
_الله ينعلج اخذتي فلوس يابو فلوس لحد مكلتي بس والله اذا مسويتيلي حل افصحج بين ال..
ضياء،، لججججج اااااااااحلام
محسيت غير طب بابا يركض ويصيح بأسمها دفرر الباب وطب عليها ركض يضرب بيها وراها دخلوا همام ومهيمن وعمو ابو محمد وره شويه اجه جدو يعني فضيحه بشده..
ضياء_حيوااانه حقيييره ااادري شمزوووج ااني سحاااره تحسر رجلها ومجرمه تجرم بأطفالها...
الحجي _بووويه ضياء على كيفك مو جهالك ماتوا من الخرعه فهمني شصار بعد
رد،،، لكمممم اني الشيخ يكلي مسحور من مرتك مسويتلك عقد لسان واطير النعمة من بيتك وصحتك تروح لكمم شنو من بشررر هااي المره تتمنى الاذيه لبيتها وأهله..
رجع يضرب بيهااا مررتااحه هسه هااا من صررنه فكررر وعايشين على هذااا وذاااك
الحجي _لا اله الا الله ادري انتي مجوزين لا يفيد وياج حجي ولا ضرب ولا تهديد كوليلي بيا طريقه بعد اتفاهم ويااج مو بيتج كاعد يضيع ويشتت وانتي بيدج كاعد تخربي..
احسن ماادورين بهاي الشعوذات التفتي لبيتج ولمي اطفالج لحضنج مو شامرتهم على عماتهم..
احلام _عووفني كاافي تضرب بيه.. كله من وراكم جبرتوني اسوي هيج اذا كل شي صاير ومهدديني بالطلاك شتريد مني اتفرج عليكم محد غيركم خرب عيشتي..
متأكده اني بس يصير عد ضياء جم فلس جوه ايده تركض ازوجه وتخلي يطلكني وهم اني الوحيده الي خلفتي أكثرها بنات طول عمركم تعيروني خلفتي بنات ملييت جزززعت رووحي عايشه بقلق..
ضياء،، ضربها على حلكها الصمي حررف ماريد اسمع منج لج عذرج أقبح من ذنبج ملليت واني احجي وافهمج يااا مرره اني ماريد خره ولد مااريد مرتااح بعيشتي بس شلون لازم سممين عيشتي..
بوويه اني جزت روحي منها وتعبت حته صحتي راحت بعد ماريدها مره اليه خلي تولي عد أهلها وتذب سحورتها وسمها على غير ناس مابقه بس تموتنه يلا ترتاح
احلاء_لااا مو بكيفكم مو بكيفكم ماااروح..
الحجي _اشش ولا حرف امشي ولي لبيت اهلج بلكت تتربين عاد بوويه خابر اخوها يجي ياخذها من كدامي..
هدى _صح احلام امي بس بالاسم واذيتها النه فاقت كل الحدود حته ابويه مسلم منها بس من شفتها كبالي ادك وتطلكم وملخت روحها وخواتي وسليم غصَوا بالبجي من منضرها كلبي انعصر عليها لانو كلش زين اعرف الضرب شكد يأذي..
اخ ياربي شلون راح تصفه هاي السالفه ركضت على خواتي اسكت بيهم دخلتهم يمي للغرفه واسولف وياهم حته ينسون المنظر الي صار كبالهم..
سمعت هدوء صار البيت طلعت صار همام كبالي مدري ليش من اشوفه لا اراديا ابتسم..
همام_ هدى احنه رايحين هسه لا تضوجين ان شاء الله تنحل السالفه ولو امكم أعوذ بالله سحاره هنوب هههه
رديت بأبتسامه،، فد يوم حته احنه تسحرنه..
همام،، يايمه وتصيرين مثل امج جنج ورقة يابسه لا بويه ستري علينه خلينه بسحاره وحده بالعائلة ههه
هدى _هههه تره تبقه امي الي كاعد اتصنف عليها همام
رد،، خاب اميش هااي لا عيني اني لو منج احرك نفسي بكاز ونفط اذا امي هاي..
مهيمن،، استاذ همام بالنسبه لتفاهتك اذا خلصت اطلع كبالي دا نرجع للبيت
همام _اجانه الأسد خلي نتوكل بعد
مهيمن_ هدى اي شي يصير بلغينه بي او خابري بيت جدج واذا احتاجيتي شي لا تستحين اطلبي واني الممنون..
ديري بالج على اخوانج خطيه كسروا خاطري والله..
رديت،، لا تشيل هم متعودين احنه على هاي الهوسات
رد،، ميخالف مثل مكتلج وبعد ميحتاج اوصيج وهسه احنه رايحين مع السلامه
رديت،،الله وياكم
يتبع...