لم تكن امي(لبوة الاسد)

البارت العاشر

،، رواية لم تكن أمي،،
_البارت العاشر_
...........................
اشعر كما لو أن الاوجاع والأحزان
وخيبات الحياة جميعها مُلتفه حول قلبي
وروحي وكلي أللهي قليلاً من التنفس
فـ لم أعد احتمل كل هذا الاختناق المميت
.........................
مهيمن _سكت ثواني وحجه،،
شهرين موو ااكثر وهاي كدامج الحجي واشوف يا حباب يخالف كلمتي بعد.. 
حياة _هاهيه يمه الي تكول عليه يصير بس اكفينة شر المشاكل..
هدى _اني بهاي اللحضة جان كل همي وتفكيري انو اطلع من هذا البيت وابقة يم أمي حياة مهتميت كلش لحجي مهيمن كلت عود احجي وياه واقنعه..
اخذنة لبيت أمي حياة تلكانة السيد يهلي ويمرحب بينة وابتسامتة ماليه وجهه..
سيد يوسف _تفضلي باباتي هدى ليش واكفه جا غير بيتج هذا لا تخجلين منه
هدى _هزيت راسي اله مبتسمة..
سيد يوسف_عيني حياة جبت غده من بره حضريلنة سفره مرتبة من ايدج حته نتغده سوية..
مهيمن _لا اني عذروني صار لازم اروح
سيد يوسف _ابد ماكو طلعه الي يدخل بيتي بهيج وكت ما يطلع اله وهوه متغدي عدنه
مهيمن _كلك اصلا والله سيدنه بس خليها على غير مره
سيد يوسف _والله متطلع وهاي حلفتك..
حياة_اكعد عيني ولا تحاول بهيج موضوع السيد ميتفاهم..
مهيمن _ههه الله يزيد فضلك سيد..
هدى _حضرنه السفره اني وامي حياة وكعدنه ناكل اني ساكته ومهيمن وسيد يوسف بقوا يسولفون على مواضيع عادية.. كملنه واكيد لازم الجاي بعد الغده جاهز..
جنه كاعدين اني وامي حياة بالمطبخ اجه السيد صاح أمي مدري شحجه وياها شويه واجت..
حياة _امشي نكعد يم مهيمن شوية قبل ميروح
هدى _ماما ماريد عفية
حياة _هاي شبيج تره هذا مهيمن مو احد غيره حته تصرفين هيج ماماتي امشي وياي كل شي بالوكت ينصلح..
هدى _هزيت راسي الها..
عاد صدك جان كاعد وحده مهيمن بالصالة شوية سولفت وياه ماما بعدين سألته
حياة _مكتلي أسد شوكت راح تلتحق هل مره طولت..
مهيمن _اي صحيح ان شاء الله وره العقد وصدك حضري روحج انتي وهدى  حته نروح نعقد باجر بالامام..
حياة_ان شاء الله و..
هدى _عقد مال شنوو مهيمن فدوه تره ماريد اني وأهلي ديجبروني بقيني هناا يم أمي حياة وكل شي ماريد منكم بعد..
مهيمن _مستحيل..
هدى _ماما احجي وياه
حياة _اتوقع السيد كاعد يصيحني حروح اشوفه..
هدى _ماما وين!!
شفت مهيمن كام واجه كعد يمي حجه..
مهيمن _اي ليش لا نعوفج بيت رجال غريب تعيشين وبعد شنو تأمرين؟
هدى _ااا بس هيج اقصد اني هيج مرتاحه
مهيمن _هدى هذا كلامج نكعي وشربي ميه تمام تره حتلو اوافقج الرأي واعوفج بس غيري مراح يعوفوج بحالج..
هدى _سكتت عنه لانو مبين مراح ياخذ بكلامي شويه وحجه،،
مهيمن _هدى شنو ايدج لهسه تنزف معقمتيها
هدى _لا بس لفيتها..
مهيمن _خررب بيج دجيبي عده الإسعافات الأوليه وتعالي مو هيج يلتهب الجرح ويجرثم
هدى _مالها داعي تره
مهيمن _حجه بحده،، يلا هدى بساع
هدى _اووف رحت جبتها ونطيتها اله اشرلي بعيونه اكعد بصفه..
كعدت وهوه سحب ايدي فتحها صدك طلعت مثل الملتهبه لانو شلون مجان شادتها همزين الجرح مو عميق عاد بده يعقم بيها وكامت حيل تأذيني سحبتها منه بقوه..
اخ مهيمن على كيفك فدوه..
مهيمن _رفع حاجبه على كيفي موو لعد من فكرتي تنتحرين مفكرتي راح تتأذين
هدى _اني..
مهيمن _مو هسه بعدين بعدين مو عبالج افوتها الج سالفتج هاي..
هدى _محجه بعد شي واني هم سكتت رجع يكمل وراها لفها بشاش نظيف وضبها زين..
شفته فكت عقده حاجبه كلت ارجع احاول وياه بلكت يفهمني وميجبرني
هدى _مهيمن..
مهيمن _همم
هدى _فدوه افهمني هل مره حباب يعني بربك هسه احنه مو جنه حالنه حال الاخوه شلون نصير متزوجين واني صغيره حيل عليك تره شبيك..
مهيمن _متعبين انتي من النك والحجي بهذا الموضوع
هدى _لااا معلية إلى متى تبقون تتحكمون بحياتي وانته شلون تريدني اشوفك زوج اليه تره صعببه
مهيمن _ صعب بس مو مستحيل..
هدى _هسه جماعتك تضحك عليك يكولون ماخذ طفله
مهيمن _عادي اني اريد هيج حته اعلمها علية من صغرها..
هدى _اوووف مين ما اجيبها يلوفها عليه..كمت درت وجهي عنه داطلع من الصاله حسيت بي لزمني من ايدي
وجرني بس انداريت عليه باسني من شفايفي بهدوء ورقة ثواني مو اكثر وخر بس اني ماعرف شنو صار بيه كزبر جسمي ودخت من الشي الي سواه
مهيمن _ميصير  اعوفج  انسي هدى بعد ربطتج بيه انتي اول وحده ابوسها واني مابوس غير مرتي انكتبتي يم رب العالمين بعد زوجتي و بأسمي
هدى _بقيت صافنه عليه احس بخوف على توتر منه كتله بتردد،،
انته متستحي ماعدك خوات شلون تسوي هيج وياي؟
مهيمن _اي والله صح تره اني اخاف على اختي لهذا لازم وفوراً من باجر نعقد حته محد يضرر
هدى _شنوو شبيك انته ناصب عليه
مهيمن _مع السلامة باجر اجي عليج الصبح انتي وخالتي حياة نروح لكربلاء نعقد بالأمام
هدى _فكيت حلكي عافني وطلع هاي شلون ياربي والله السالفة اكبر مني وتخوف اطلع من شغله اطب بشغله اكبر من عدها اجه على بالي همام انقهرت شيصير لو انته بدال مهيمن مو جنت هسه فرحانة عكس شعوري الحالي..
صفنت على روحي لا هدى لا تفكرين بي ميصير وهوه اصلا راح يزوج وحده ميفكر بيج اصلا..
المغربيه اجو بيبي وجدو يمنه رحت يمهم تلكيتهم من الباب احبهم حييل شابكه بيبي حيل وكمت ابجي مدري ليش احس اكو حسره جبيره بكلبي..
الحجية_ياا شجاج يا بيبي ليش تبجين حبيبتي والله رحت لبيت عمتج صبيحة وطيحت حظهن للمسمومات هذني عبالهم مالج احد وبكيفهن يخوطن
هدى _من بين شهكاتي بيبي يكولون عليه مو بنيه وانو اني اسوي شغلات مو زينه
الحجية_بيبي هذني لسانهن فالت والله حرت شسوي وياهن شو كل وحده بكبر الثور
هدى _ضحكت غصب عني..
الحجية_اي هيج من الاول ضحكي محد يستاهل دموعج الحلوه
هدى _باوعت على جدي ساكت..
شنو جدو زعلان مني اشوفك متحجي وياي
الحجي _والله يا جدو مو زعلان بس ماخذ على خاطري منج شلون تصادقين هيج نماذج ولج لا سمعة ولا أخلاق بس خلقه ولو شنو فايده الشكل والمستحى منزوع ظلت تحجي عليج شاطي باطي..
هدى _نزلت راسي حقك جدو بس والله هيه الي جانت تجي عليه مو اني
الحجية_اي تولي ام الزلم بس خوش سوه بيها مهيمن خلاها تنطرد من المدرسة ورايح لأهلها محاجيهم على سواياتها بلكي تنضب
هدى _يااا بيبي صدك سوه هيج
الحجي_اي لعد شلون وحده تحجي على عرضنه حجي مينلبس على ثوب خوما نسكت عنها..
هدى _زين جدو فدوه متحجي ويه مهيمن ميقبل الا يعقد عليه واني ماريد..
الحجي_هدوشة حبيبة تره مهيمن حباب ورجال من ظهر رجال وانتي مو تحبي ومعلقة بي حيل شنو الي تغير هسه جدو
هدى_ صحيح جدو احبه بس مو زوج اليه..
الحجي_جدو اخذيها مني اني لوما اعرف مصلحتج وين مستحيل اقبل وانطيج للأسد وهاا اذا تضلين هيج عافسه وجهج ازعل منج..
هدى _لا شتزعل جدو هوه انتوا فصلتوا واني حلبس شبيدي قابل..
ضجت بداخلي بس شسوي اكثر من هيج مادري حياتي ويه مهيمن شلون حتصير..
ثاني يوم الصبح صدك والله اجه مهيمن علينه اني صعدت بدلت بقميص بصلي وبنطرون اسود وحطيت الشال على راسي شلون مجان كل شي عليه يوحي رايحه مجرد انفذ رغبتهم..
شافني مهيمن من نزلت رفع حاجبه معاجبه شكلي بس محجه شي وياي لانو رايحين للأمام واكيد لازم نلبس عبي..
طلعنه لكربلاء وطبعا اخذنه بابا من على طريقنة جانت نضراته اليه كلها قهر احسه متأذي على اذيتي واكثر مني هم ادري ابابا يحبني حيل بس الي صار اخير فتره خربط حياتنه وتعبنه
بعد ساعه من الطريق وصلنه لكربلاء ردت انزل هيج وبالامام البس عباتي بس امي مقبلت ظلت تحجي عليه
حياة_ ملابسج ضيكه تره وبيها كصر جان لبستي شي عريض وطلعي براحتج بله عبايه..
هدى _شنو هاي ماما شو ترزلين بيه ليش عود..
حياة _اي لانو غلطانه ومن تغلطين احجي عليج واعلمج شوفي مهيمن جان يكدر بكل سهوله يحجي عليج كدام ابوج ويفشلج بس هوه مسوه هيج حجه وياي حته افهمج..
هدى_ صفنت عليها يعني هوه مسكت على لبسي مثل مجنت مفكره ورايح على ماما محاجيها عليه..
لبست العبايه وسكتت..
وصلنه للأمام راح مهيمن يشوف وين يصير عقد السيد دلوه ناس سوه الإجراءات الروتينيه اقل النص ساعه تم العقد وكل شي خلص وصرت رسميا ً بأسم مهيمن ظليت صافنه عليه شعور بالخوف اجتاح مشاعري احسها مسؤلية حيل جبيره..
حياة _شبيج ماما شو لونج انخطف ماكو شي يخوف تره..
هدى _هاا مادري والله شو ماعرف شصار بمعدتي
حياة _ههه صلي على محمد عاد صدك انتي تخافين من مهيمن معرفتج مهما يكون ظلي تذكري هذا نفسه الشخص الي جان وياج من طفولتج ومستحيل يأذيج
هدى _هزيت راسي كلامها صح اني يمكن معظمه الأمور..
دخلنه زرنه ظليت اباع على المناره مال الإمام وادعي بداخلي اخلص من المشاكل وارتاح وتكون حياتي الجاية احسن من الي قبلها..
حسيت على ماما حياة تمسح دموعي
حياة _كافي دموع حطي ابالج انو الجاي احسن بأذن الله
هدى _ونعم بالله
خلصنه زيارة طلعنه لكينه بابا ومهيمن دينتضرونه طبعا مهيمن لحد هل لحضه محجه حرف وياي حته مبروك مكلي خفت منه اكيد اكو شي بباله..
رحنه لمدينة الزائرين نتغده هناك وراها نرجع لبابل ستونه طبينه للمطعم حجه مهيمن..
مهيمن _خالي خالتي من رخصتكم اريد اخذ هدى وياي احجي وياها شويه وهيه هسه صارت مرتي ماتوقع عدكم اعتراض
ضياء _اي خالو براحتك ومن حقك هل شي روحوا واحنه حنكعد هنا نتغده بين متجون
مهيمن _تمام يلا هدى امشي..
بلعت ريكي بخوف مشيت وياه بخطوات بطيئه محجه وياي اي شي وهذا  زاد الخوف بكلبي مدري ويامن حجه ومدري وين ماخذني...
لحد مدخلنه لبنايه شفته وكف كدام غرفه سويت كامل طلع مفتاح من جيبه فتح الباب وباوع عليه وحجه،،
مهيمن _يلا فوتي..
هدى _انرعبت من سالفه الغرفه ونكون بيها وحدنه اني وياه ضليت واكفه اباع عليه بشك حجيت..
ليش اطب؟؟
مهيمن _هسه تعرفين لا تخافين شغله كم دقيقة ونخلص شغلتنة..!!!
٠٠٠٠٠
همام _ايام تجي وايام تروح وتفكيري يوم بعد يوم يزيد بمريم بالاول كلت احتمال لانو عجبني ثكلها فظلت صورتها أبالي بس بمرور الايام اكتشفت روحي غلطان..
التفكير يزيد مينقص عيوني ادور عليها وتتمنى تلمحها كلبي يشتاق لعيونها البريئه.. مادري من اشوفه احسن روحي مرتاح ويومي يصير حلوو مجنت مصور الحب هيج يكون حلوو  واحساسه مثل من يكون عدك شي غالي عليك وكل شويه تروح اشوفه وتطمن عليه..
تعودت كل يوم اطلع من وكت حته اشوفها من يجي عليها الخط حسيت روحي صار لازم اخطي خطوه و ماظل مكتفي بالسكوت بالمراقبة..
رحت لابو أسواق صاير محله قريب على بيت مريم دخلت سلمت على الرجال سكتت شويه وسألته عليهم..
الرجال _بس ليش تسأل عليهم؟
همام_حجي لا تفهمني خطأ بس رايدين نخطب من عدهم وانته تعرف حسب الأصول لازم نجي ونسأل عليهم صح حجي لو غلطان اني..
الرجال_لا عمي صح اعذرني بس تعرف الدنيا مو أمان هل ايام والواحد يخاف لا يتورط بشغله..
همام_اي والله بهاي حقك.. هسه مكتلي شلونهم هذوله الجماعة
الرجال _والله خوش اوادم مفد يوم سمعنه صوتهم ناس مستوره ابوهم متوفي والحجيه ام صلاح مربيه جهاله وتعبانه عليهم..
همام_شفته سهل ويحجي الاكو والماكو سألته،،
زين وبناتهم اقصد اولاد الحجيه
الرجال _جواهر والله عدها ابنها الجبير صلاح يشتغل بالسوك وبتها الجبيره ما شاء الله عليها تخبز لنسوان المنطقه وبنفس الوكت تدرس بالمعهد واخير وحده طالبه مدرسه وهم فقيره..
همام _اكيد ام المعهد مريم لانو الابنية الي شفتها وياها جانت أصغر منها..
هاا زين اكلك ولو هواي سألت بس ام المعهد تعرف يا معهد بيهن يعني لازم هناك هم نسأل وهيج..
الرجال _اي حقكم يابه اتوقع سامع من الحجية معهد فنون هيج شي..
همام _ابتسمت،، هاا رحمه الله والديك حجي مقصرت وياي يحفظلك أولادك أن شاء الله..
الرجال _بالخدمه احنه..
همام _طلعت من الرجال واني فرحان بكلامه صدك طلعتي يا مريم خلقه وأخلاق بس لازم اروح للمعهد اشوفها هناك..
تذكرت سالفه الخبر والله اشتهيت اضوك خبزاتها
زين هيه الصبح بالدوام فالضهر اكيد تخبز بس شلون خوما اروح اني ادك بابهم يابه اريد خبزات واكفه السالفه حييل والله..
فكرت بالشغله فاطمة.. اي والله مالي غيرها اجيبها تساعدني بس اذا عرفت شيسكتها هاي..
بس ماعدي غيرها مجبور خابرت عليها..
فاطمة _هلا همام
همام_ هلا بيج أخيتي اكولج فطم رايد منج مساعده عدي شغله ومحتاج وياي بنيه
فاطمة_اي كول شنو تدللي عد عيناك اني
همام _ههه خرب بيج هسه المهم بدلي نص ساعه واجي عليج وافهمج السالفه..
سديته منها مريت للمحل حطيت اعلان على المحل محتاج عامل وياي لانو مرتضى راح يفتح محل ويساعده بي اخوه علمود يكون روحه..
كملت كم شغله ورحت للبيت منزلت بقيت بالسيارة رمشت لفاطمة شويه وطلعت..
فاطمة _هلاوو همامو اي كلي شنو السالفه..
همام _لا دكولين بعد همامو مسويتني جاهل.. اكلج خوما امج سألت شعدنه
فاطمة_لا محجت شي عادي هسه متحجي مو طكني الفضول
همام _شبيج ماكو شي..
فاطمة_شنو لعد وين رايحين هسه
همام _نشتري خبز
فاطمة _خبز؟؟انته شبيك شنو مصخن شارب شي جايبني مناك لهناك علمود خبز؟
همام_شنو مو بعينج الخبر نعمه الله
فاطمة _هسه اني حاجيه على نعمه الله بس متروح انته اجيب شعليه اني شو مدافتهم سالفتك شنو بالضبط..
همام _اي اكو جماعه يسون خبز بالبيت نظيف وهيج اشتهيته بس استحيت اروح اني اجيب لانو بالبيت واكيد بس النسوان تروح تطلب منها
فاطمة _اشو كلامك مابي ربط ومداقتنع بي
همام _والله الصراحه اني هم مداقتنع مدري شكاعد الزك حجي الله وكيلج انتي بس غلسي
فاطمة _ههههه نشوف نهايته شنو..
وكفنه كبال باب بيت اندار عليه همام وكلي
همام _باعي هذوله الجماعه يسون خبز شوفي شنو عدهم جيبي النه يعني كميه زينه مو جيبين وحده ثنين وهاج هاي فلوس..
فاطمة _زين شمعنه منا خو روح للمخبز اشتري منه وفضها للسالفه مو احسلك من كل هاي الدوخه والخبصه
همام _اي صحيح حجيج بس بعد عجبني من هذا البيت اخذ ديلا هسه فضينه شكد سألتي لخاطر الله
فاطمة _هاي فوكاها هي هي..
نزلت ودكيت الباب فتحتها اليه حجية سلمت عليها..
السلام عليكم..
الحجية_وعليكم السلام تفضلي بنيتي
فاطمة_ااا اي خالة بس داسأل انتوا تسون خبز كلولي موو
الحجية_اي حبيبه صح كولي شكد تردين و٥ دقايق يصير يمج جاهز
فاطمة _اي اريد جيس من كل شكل تسون منه
الحجية _خوش يمه هسه اصيحلج مريومه..
فاطمة_راحت الحجية..
واني احجي على همام بداخلي حطني بموقف مدري شلونه حته حجي ماعرف شنو اكلهم
شويه واجت بنيه ناعمة وحلوه ابتسمت بوجهي
مريم _تفضلي حبيبتي
امي كلتلي تردين من كل شكل واني مسويه بس خبز عادي وخبز لحم اليوم
فاطمة _ابتسمت على ابتسامتها مبينه محبوبه،،
هاي انتي تسويهن
مريم _اي حبي
فاطمة _عاشت ايدج والله ينطيج العافية..
راح اجرب خبزاتج واذا عجبنه نشتري بس منج يا حلوه
مريم _ههه تدللين من عيوني
فاطمة _فدوه لكلبج جابتلي الخبز نطيتها الحساب وترخصت منها طلعت واني افكر شكد حبابين هيه وامها ومتواضعين..
اول مصعدت حجه همام..
همام_هااا
فاطمة _هاي خبزاتك عيني
همام _عاشت ايدج احم وبعد
فاطمة _شنو بعد مو ردت خبر شتريد بعد
همام _قصدي منو طلعلج يعني خوما احد حجه شي وياج
فاطمة _لا شسالفه همه غير ديبيعون طلعتلي امهم حجية كلش حبوبه فديتها و كلتلها شريد
همام_ايي وشنو بعد
فاطمة _دزتلي بنية
همام _ووبعدد
فاطمة_حجت وياي علمود الخبز وشنو اريد
همام _ووبعدين
فاطمة _نطيتها فلوس
همام _ااااي شسوي بهذا الحجي هسسه اااني طلعتلي رووحي ترره
فاطمة _ااهوو شكو صرت عصبي هسه شتريد انته
همام _الابنية الي طلعتلج ياهيه اقصد شلون شكلها يصير
فاطمة_ممم والله تدري الي طلعتلي سمره حيل وبشرتها متروسه حبوب وعدها كرش جبير وعيونها حوله شوو
همام_هاااا منوو هاي بعد متأكده نفسها هاي الابنية الي نطتج الخبز
فاطمة_كوه لزمت ضحكتي بس ماتحملت خربت ضحك على شكله شلون انعفس ههههههههه لك همام شبيك احسك راح تبجي اشاقه وياك..
كفخني على راسي
همام_احترمي نفسج ابجي شنو وبعدين شكو تجذبين وتألفين قصص وحجي مخربط سألتج جاوبي وبس..
فاطمة _احم همامو
همام_خيرر
فاطمة _عجبتك الابنيه مو
همام_مو شغلج
فاطمة _عليك الله
همام_ فاطمة لا تدخلين سوالف متخصج خليج بروحج
فاطمة _اوك لا تحجي هوه اصلا مبين من تسحولك اليه من البيت لهنا حته بس تأكل من ايدها ههه..
لك همام شبيك مفجوع خلصت خبز اللحم كله دبقيلنه نضوك
همام _وجع جوعان وهوه طيب ميتقاوم
فاطمة _شو اضوك..
صدك طيب مدري هيه نفسها طيب بالأكل مثل شكلها الحلو
همام _اول مره تحجين شي بي حظ
فاطمة _هههه ومن اكول همامو وكع تضوج
همام_ارجع واكول ميخصج هذا الموضوع وهاا فاطمة مو تحجين لاحد عن طلعتنه هاي خليج حبابه
فاطمة _زين هسه اني بقت سالفه بعقلي حايره بيها
همام _شكو بعد
فاطمة _احم يعني هسه بعرسك نقدم خبز بدال إلكيك بعدني ممكمله كلامي انكفخت
همام_ ابتسم،، انجبي فاطمة ولا تخربطين بالحجي
فاطمة _اخ زين على كيفك مو راسي راح اليوم من التكفخ مالتك هاي فوك أعمالي الزينه وياك..
رجعنه للبيت نطيت الخبر لماما تفاجأت
جنان _ياا شعجب مشترين من كيفكم بله ماحجي وانك على راسك جيب وجيب واصلا باقي عدنه من مال البارحه
همام _هسه مو زين جايبلكم وثانياً أكلوا هذا جديد احسن من القديم مال البارحه..
فاطمة _هههه اليوم ميخلص من السان أمي خطيه..
صعدت بدلت غسلت فرشنه السفره تغدينه سمج وتمن احمر وياه اكيد الطرشي والزلاطه..
كملنه غسلت المواعين اني ولبنى صبت الجاي..
اني اخذت كلاصي وصعدت بغرفتي اقره مظل شي على امتحانات نص السنه فتحت كتبي داحل رياضيات واجه فارس على بالي الي حبه يزيد بكلبي يوم بعد يوم وصرت احس الدنيا بدون طعم اذا ماسمع صوته لو أصبح على رساله منه وانام على كلمة تصبحين على خير حبيبتي..
رحت على موبايلي فتحت الرمز شفته مراسل..
_موجوده حبيبي..
_شعجب ماكو اليوم ؟
دزيتله،، جنت طالعه ويه اخويه ،،
شويه وخابرني رحت سديت باب الغرفه وجاوبته
فارس _هلوو عمري
فاطمة _هلا بيك فارس شلونك؟
فارس _اصير زين من اسمع صوتج وانسه كل تعب الدنيا ومابيها..
فاطمة_تعبان من الشغل حبيبي
فارس _اي والله تعر..
شكلتي شكلتي؟؟ كلتي حبيبي فاطمة
فاطمة _انتبهت على الجفصه الي سويتها من دون ماحس..
احم هااا لا محجيت انته متوهم
فارس _لا وروح ابوية لا متوهم ولا شي كلتيها ولج واخيراً..
فاطمة _هاي شلون اليوم زله لسان ميصير تغلس
فارس _لج يا غلس هوه غير جنت منتضرها على أحر من الجمر لهل كلمه ياريت كل زلاتج هيج حبيبتي وروحي وكل شي بدنيتي
فاطمة _ابتسمت وخدودي احمرت من الخجل ماعرف شنو اجاوبه من يحجي هيج وياي..
فارس _طبعا ادري بيج انبلع لسانج وهم ماريد الهيج عن دراستج اكثر بس باجر تكدرين من تطلعين من دوامج تمرين على المكتبه اريد اشوفج مكاعد اكدر اعوف المكتبة هل فتره
فاطمة _ممم اشوف البنات اذا وحده تروح عود اجي
سديته منه واني احس بسعاده ماكدر اوصفها بالحروف..
ثاني يوم لبست قميصي الأبيض وتنوره سوده عدله وبيها كصف  لبست شال نيلي رشيت عطر اخذت جنطتي ونزلت جوه صار بوجهي لبنى رفعت حاجبها
لبنى _خير ان شاء الله وين رايحه بهذا شكلج فطيمة
فاطمة _يعني وين غير للمدرسة
لبنى _وشنو تغير زيكم للتنانير الكصيفه..
فاطمة _اليوم خميس وعدنه رفعه علم فعادي نلبس تنانير وبعدين انتي شعليج بيه شنو البس وما البس خليج بروحج
لبنى _ظلي هيج عرمه وتتجاوزين عليه إذا ماكول لمحمد يتفاهم وياج
فاطمة_والله تدرين صوجي اني اخذ وانطي بالحجي وياج..
عفتها وطلعت شكد تدخل بالواحد يا الله شكد حقنه هاي
كملت دوامي وحجيت ويه صديقتي نروح للمكتبة نشتري شغلات عاد هيه مكالت لا يطربن على الفرفره.. عدلت حجابي بالحمامات.. حطيت كحل ومرطب شفه يي لون وردي ومسحت وجهي بالباودر لازم اطلع حلوه على الاقل بس كدام فارس..
يتبع...